<p>விசிக துணைப் பொதுச் செயலாளர் ஆதவ் அர்ஜூனாவின் பேச்சானது, புதிய பாதைக்கு வித்திடுவது போன்று இருக்கிறது என்றே சொல்லலாம். அப்படி என்ன பேசினார்; விஜய் குறித்து என்ன பேசினார்? என பார்ப்போம்.</p>
<p>இன்று ( டிசம்பர் 6 ) எல்லாருக்குமான தலைவர் அம்பேத்கர் என்கிற புத்தகத்தை ஆதவ் அர்ஜூனா உருவாக்கியிருந்தார். இந்த புத்தகத்தை தவெக தலைவர் விஜய் வெளியிட, முன்னாள் நீதிபதி சந்துரு , அம்பேத்கர் பேரன் ஆனந்த் டெல்டுண்டே மற்றும் ஆதவ் அர்ஜீனா ஆகியோர் பெற்றுக் கொண்டனர். </p>
<p><strong>ஆதவ் அர்ஜீனா பேச்சு:</strong></p>
<p>விசிக துணைப் பொதுச் செயலாளராக இருக்கும் ஆதவ் அர்ஜூனா பேசியதாவது “ 2026 தேர்தலில் மன்னராட்சி முறை ஒழிக்கப்பட வேண்டும்; பிறப்பால் இனி முதலமைச்சர் தமிழ்நாட்டில் உருவாகக் கூடாது. தமிழ்நாட்டில் நடைபெறும் மன்னராட்சியை கேள்வி கேட்டால் என்னை சங்கி என்கிறார்கள்; ஆட்சியில் அதிகாரத்தில் பங்கு என ஏன் சொல்லக் கூடாது ?; தமிழ்நாட்டில் தலித்தை ஒரு பொதுத் தொகுதியில் இன்று வரை நிறுத்த முடியவில்லை. </p>
<p>கொள்கைகள் பேசும் கட்சிகள் ஏன் அம்பேத்கரை ஏன் மேடைகளில் ஏற்றவில்லை. தலித் மட்டுமே பேசிக்கொண்டிருந்த அம்பேத்கரை, தலித் அல்லாத விஜய் பேசுவதன் வாயிலாக, திருமாவளவனின் கனவு நிறைவேறியுள்ளது. நீங்க, களத்திற்கு வாங்க <a title="விஜய்" href="https://tamil.abplive.com/topic/vijay" data-type="interlinkingkeywords">விஜய்</a>; கருத்தியல் தலைவர்தான் தமிழ்நாட்டை ஆள வேண்டும் என ஆதவ் அர்ஜூனா பரபரப்பாக பேசினார். </p>
<p><br /><img style="display: block; margin-left: auto; margin-right: auto;" src="https://feeds.abplive.com/onecms/images/uploaded-images/2024/12/06/e7ef83ab957f9797d5367b608a5a05211733500430832572_original.jpeg" width="603" height="603" /></p>
<p><strong>” புதிய பாதையை தேர்ந்தெடுக்கும் ஆதவ்?”</strong></p>
<p>விசிக துணைப் பொதுச் செயலாளராக இருக்கும் ஆதவ் அர்ஜூனா, அவ்வப்போது மறைமுகமாக திமுகவை தாக்கி பேசி வருகிறார். அதிகாரத்தில் பங்கு வேண்டும் என்றும் , சமீபகாலமாக பேசி வருகிறார் ஆதவ் அர்ஜூனா.</p>
<p>ஆனால், இந்த முறை திமுகவின் மீது தாக்குதலின் உச்சிக்கே சென்றுள்ளார். பிறப்பால், இனி முதலமைச்சர் இருக்க கூடாது என திமுக கட்சியை இறங்கி அடித்திருக்கிறார். </p>
<p>கூட்டணியில் இருக்கும் ஒரு கட்சியானது, கூட்டணியை கட்சியின் செயல்பாட்டை குறை கூறலாம், சுட்டிக் காட்டலாம்; ஆனால் அந்த கட்சி ஆட்சிக்கே வரக்கூடாது என திமுக கூட்டணி கட்சியான விசிக துணைப் பொதுச் செயலாளரே பேசியிருப்பதை பார்க்கும் போது, பல கேள்விகளுக்கு வழி வகுத்துள்ளது.</p>
<p><strong>கேள்வி ஒன்று:</strong>, விசிக தலைவர் திருமாவளன் முன்பு கூறியிருந்ததாவது “ எங்கள் கூட்டணி கொள்கை கூட்டணி; அடுத்த தேர்தலிலிம் திமுக கூட்டணிதான் “ என பேசியிருந்தது குறிப்பிடத்தக்கது. இந்த கருத்தை வைத்து பார்த்தால், ஆதவ அர்ஜூனா கருத்து முற்றிலும் முரணாக உள்ளது. அப்படியென்றால், ஆதவ் அர்ஜூனா தவெக பக்கம் சாய்கிறாரா என கேள்வி எழுகிறது? மேலும் , களத்திற்கு நீங்க வாங்க விஜய் என்ற கருத்தும்,வலு சேர்ப்பதாக உள்ளது. </p>
<p><strong>இரண்டாவது கேள்வி</strong>, திமுகவுக்கு எதிராக களத்திற்கு வந்திருக்கும் தவெக விஜய்யை , ஆதவ் அர்ஜூனா ஆதரிக்க காரணம் என்ன? அப்படியென்றால், திருமா மறைமுகமாக திமுகவுக்கு எதிரான பாதையை உருவாக்கிறாரா என்றும் கேள்வி எழுகிறது , திருமா மறைமுகமாக திமுகவுக்கு எதிரான பாதையை உருவாக்கவில்லையென்றால், திமுக கூட்டணிக்கு எதிராக பேசும் ஆதவ் அர்ஜூனா மீது ஏன் நடவடைக்கை எடுக்க ஏன் தயங்குகிறார். </p>
<p><strong>மூன்றாவது கேள்வி:</strong> திமுக பக்கம் இருக்கும் திருமாவளவனுக்கு, ஆதவ் நெருக்கடியை ஏற்படுத்துகிறாரா என்றும்; திருமாவளவனையும் இழுத்து, விஜய்யுடன் சேர்த்து புது கூட்டணி உருவாக்க ஆதவ் அர்ஜூனா முயலுகிறாரா என்றும் கேள்வி எழுகிறது.</p>
<p>இந்த முறை திமுக ஆட்சியை ஒழிக்க வேண்டும் என்பது போல ஆதவ் பேசியிருப்பதை பார்க்கையில், திமுகவுக்கு நேர் எதிர் பாதைக்கு வந்துவிட்டார் என்பதை உணர்த்துகிறது. இனியும் ஆதவ் மீது திருமாவளவன் நடவடிக்கை எடுக்கவில்லை என்றால் , அது நிச்சயம் திருமாவளவன் மீது சந்தேகத்தை ஏற்படுத்தும். ஏனென்றால், ஆதவ் அர்ஜூனா,விசிக கட்சியின் துணைப் பொதுச் செயலாளர் பொறுப்பு வகித்து வருகிறார். அவரது கருத்து நிச்சயம் கட்சியின் கருத்தாகத்தான் வெளிப்படும் . </p>
<p>Also Read: <a title="Aadhav Arjuna: ” 2026 தேர்தலில் மன்னராட்சி ஒழிக்கப்படனும் “ விஜய் முன் ஆதவ் அர்ஜுனா பரபரப்பு பேச்சு" href="https://tamil.abplive.com/news/politics/vck-aadhav-arjuna-speech-at-ambedkar-book-release-event-attacks-dmk-mk-stalin-208965" target="_self">Aadhav Arjuna: ” 2026 தேர்தலில் மன்னராட்சி ஒழிக்கப்படனும் “ விஜய் முன் ஆதவ் அர்ஜுனா பரபரப்பு பேச்சு</a></p>
<p><iframe class="vidfyVideo" style="border: 0px;" src="https://tamil.abplive.com/web-stories/technology/10-interesting-facts-about-space-208829" width="631" height="381" scrolling="no"></iframe></p>
1 year ago
7 
