வகுப்பறையில் மது அருந்தும் மாணவிகள்.. திமுக ஆட்சியின் அவலம்.. தீயாய் பரவும் வீடியோ உண்மையா? 

<p>பெற்றோர்கள், ஆசிரியர்கள் மற்றும் பள்ளி நிர்வாகத்திற்கு இடையேயான தொடர்பு இடைவெளியைக் குறைக்கும் வகையில் வடிவமைக்கப்பட்ட &lsquo;APPA&rsquo; செயலியை தமிழ்நாடு முதல்வர் மு.க. ஸ்டாலின் கடந்த பிப்ரவரி 22ஆம் தேதி அறிமுகப்படுத்தினார். இந்த செயலி தமிழ்நாடு பெற்றோர் - ஆசிரியர் சங்கத்தால் உருவாக்கப்பட்டது.</p> <p>இந்நிலையில், &ldquo;கேடுகெட்ட அப்பாவின் அன்பு மகள்கள்&rdquo; என்ற கேப்ஷனுடன் <ins><a href="https://fb.watch/yugwh41-aW/" target="_blank" rel="noopener" aria-label="content">சமூக வலைதளங்களில்</a></ins>&nbsp;(<ins><a href="https://archive.is/qcRuF" target="_blank" rel="noopener" aria-label="content">Archive</a></ins>) காணொலி வைரலாகி வருகிறது. அதில், சீருடை அணிந்துள்ள மாணவிகள் மது அருந்தும் காட்சி பதிவாகியுள்ளது. இந்நிகழ்வு திமுக ஆட்சியின் போது தமிழ்நாட்டில் நடைபெற்றதாக கூறி பரப்பி வருகின்றனர்.</p> <p><img src="https://newsmeter.in/h-upload/2025/03/25/398017-1.avif" width="213" height="338" /></p> <p><strong>Fact-check:</strong></p> <p>நாம் நடத்திய ஆய்வில் இக்காணொலி 2019 ஆம் ஆண்டு முதல் சமூக வலைதளங்களில் பரவி வருவது தெரியவந்தது.</p> <p>வைரலாகும் காணொலி சமீபத்தில் திமுக ஆட்சியில் எடுக்கப்பட்டது தானா என்பதை கண்டறிய அதன் குறிப்பிட்ட பகுதியை ரிவர்ஸ் இமேஜ் சர்ச் செய்து பார்த்தோம். அப்போது,&nbsp;<ins><a href="https://www.facebook.com/share/v/1GfkyKnEUe/" target="_blank" rel="noopener" aria-label="content">தெலுங்கு ஃபேஸ்புக் பக்கத்தில்</a></ins>&nbsp;2019ஆம் ஆண்டு மே 29ஆம் தேதி வைரலாகும் அதே காணொலி பதிவிடப்பட்டிருந்தது. ஆனால், இந்நிகழ்வு எங்கு நடந்தது என்பது போன்ற தகவல்கள் ஏதும் அப்பதிவில் இல்லை.</p> <p>&nbsp;</p> <p><iframe style="border: none; overflow: hidden;" src="https://www.facebook.com/plugins/video.php?href=https%3A%2F%2Fwww.facebook.com%2Fkugan.cm.7%2Fvideos%2F1058900206266226%2F%3Fref%3Dembed_video&amp;show_text=0&amp;width=261" width="261" height="476" frameborder="0" scrolling="no" allowfullscreen="allowfullscreen"></iframe></p> <p>தொடர்ந்து தேடுகையில்,&nbsp;<ins><a href="https://www.facebook.com/share/v/18S4qvaiXi/" target="_blank" rel="noopener" aria-label="content">Saurabh Roy</a></ins>&nbsp;என்ற பேஸ்புக் பயனரும் வைரலாகும் அதே காணொலியை 2019ஆம் ஆண்டு பதிவிட்டுள்ளார். மேலும்,&nbsp;<ins><a href="https://www.facebook.com/watch/?v=267655354144535" target="_blank" rel="noopener" aria-label="content">RJ Veg Fruits</a></ins> என்ற பேஸ்புக் பக்கத்திலும் வைரலாகும் காணொலி 2019ஆம் ஆண்டு மார்ச் 31ஆம் தேதி பதிவிடப்பட்டுள்ளது. அதில், &ldquo;திருநெல்வேலி மாவட்டம் வள்ளியூர் அருகில் உள்ள கள்ளிகுளம் TDMNS கல்லூரி மாணவிகள் வகுப்பறையில் பீர் குடித்து கோடை சூட்டை தனித்து பெண்ணியம் காத்த போது எடுத்த வீடியோ&rdquo; என்று குறிப்பிடப்பட்டுள்ளது. நெல்லை தனியார் கல்லூரி மாணவிகள் வகுப்பறையில் மது அருந்தியதாக <ins><a href="https://youtu.be/XynAdxU2a8A?si=FcJZHB1N_nuybTnb" target="_blank" rel="noopener" aria-label="content">Polimer News</a></ins> ஊடகம் 2019ஆம் ஆண்டு செய்தி வெளியிட்டுள்ளது. மேலும், 2019ஆம் ஆண்டு எடப்பாடி பழனிச்சாமி தலைமையிலான அதிமுக ஆட்சி நடைபெற்றது குறிப்பிடத்தக்கது.&nbsp;</p> <div class="overlay pt-3"> <div class="py-3 news-story"> <p><strong>முடிவு:</strong></p> <p>நம் தேடலின் முடிவாக திமுக ஆட்சியில் தமிழ்நாட்டில் மாணவிகள் மது அருந்துவதாக சமூக வலைதளங்களில் வைரலாகும் காணொலி 2019ஆம் ஆண்டு வைரலானது என்று ஆதாரப்பூர்வமாக நிரூபிக்க முடிகிறது.</p> <p><em><strong>பின்குறிப்பு:</strong> இந்த செய்தி தொகுப்பு முதலில் சக்தி கலெக்டிவ் முன்னெடுப்பின் ஒரு பகுதியாக <a title="News Meter" href="https://newsmeter.in/fact-check-tamil/school-girls-consuming-alcohol-during-dmk-rule-745807" target="_blank" rel="noopener">News Meter</a></em><em>&nbsp;</em><em>என்ற இணைய செய்தி தளத்தில் வெளியிடப்பட்டது. அதன் சாராம்சத்தை அப்படியே பின்பற்றி, ABP Nadu தனது வாசகர்களுக்கு ஏற்ப இந்த செய்தி தொகுப்பை மொழி பெயர்த்து எழுதியுள்ளது.&nbsp;</em></p> </div> </div>