ரெண்டே ரெண்டு பேருக்கு தான் போட்டியே..ஒரே நாளில் வெளியாகும் ஜனநாயகன் மற்றும் சிக்மா

<p class="p1">தமிழ் சினிமாவில் இதுவரை இல்லாத அளவுக்கு ரசிகர்களிடையே பெரும் எதிர்பார்ப்பை ஏற்படுத்தியுள்ள சம்பவமாக நடிகர் விஜயும் அவரது மகன் ஜேசன் சஞ்சய் இயக்குநராக அறிமுகமாகும் திரைப்படமும் ஒரே நாளில் வெளியாகும் சூழல் உருவாகியுள்ளது<span class="s1">. </span>விஜய் நடித்துள்ள ஜனநாயகன் திரைப்படத்திற்கு தணிக்கைக்குழு<span class="s1"> 'A' </span>சான்றிதழ் வழங்கியுள்ள நிலையில் படம் ஜூலை<span class="s1"> 23 </span>அல்லது ஜூலை<span class="s1"> 31 </span>ஆகிய தேதிகளில் ஏதேனும் ஒரு நாளில் வெளியாகும் என கூறப்பட்டு வந்த நிலையில்<span class="s1">, </span>தற்போது ஜூலை<span class="s1"> 31 </span>வெளியீட்டை நோக்கி தயாரிப்பு நிறுவனம் நகர்ந்து வருவதாக திரையுலக வட்டாரங்களில் பேசப்படுகிறது<span class="s1">.</span></p> <p class="p1">அதே நாளில் விஜயின் மகன் ஜேசன் சஞ்சய் இயக்குநராக அறிமுகமாகும் சிக்மா திரைப்படமும் வெளியாகும் என ஏற்கனவே அறிவிக்கப்பட்டுள்ளது<span class="s1">. </span>இதனால் தந்தை<span class="s1"> - </span>மகன் திரைப்படங்கள் ஒரே நாளில் திரையரங்குகளில் நேருக்கு நேர் மோதும் அபூர்வமான சூழல் உருவாகியுள்ளது<span class="s1">. </span>சமூக வலைதளங்களில் விஜய் ரசிகர்கள்<span class="s1">, "</span>ரெண்டே ரெண்டு பேருக்கு தான் போட்டியே<span class="s1">" </span>என்ற விஜயின் பிரபல வசனத்தை பகிர்ந்து இந்த மோதலை கொண்டாடி வருகின்றனர்<span class="s1">.</span></p> <p class="p1">ஜேசன் சஞ்சய் இயக்கியுள்ள சிக்மா திரைப்படத்தை லைக்கா புரொடக்ஷன்ஸ் தயாரித்துள்ளது<span class="s1">. </span>சந்தீப் கிஷன் கதாநாயகனாக நடித்துள்ள இப்படத்தில் அதிதி ஷங்கர் கதாநாயகியாக நடித்துள்ளார்<span class="s1">. </span></p> <p class="p1">மறுபுறம்<span class="s1">, </span>விஜயின் அரசியல் பயணத்திற்கு முன் வெளியாகும் கடைசி திரைப்படம் என்ற அடையாளத்தால் ஜனநாயகன் படத்திற்கு மிகப்பெரிய வரவேற்பு உருவாகியுள்ளது<span class="s1">. </span>படத்தின் சில காட்சிகள் மற்றும் வீடியோக்கள் இணையத்தில் கசிந்தபோதும்<span class="s1">, </span>அதனால் படத்தின் மீதான ஆர்வம் குறையவில்லை என்பதே திரையரங்கு உரிமையாளர்களின் கருத்தாக உள்ளது<span class="s1">. </span>மாறாக<span class="s1">, </span>ரசிகர்கள் முதல் நாள் முதல் காட்சியை திரையரங்குகளில் பார்த்தே ரசிக்க விரும்புவதால் முன்பதிவுக்கு மிகப்பெரிய வரவேற்பு கிடைக்கும் என எதிர்பார்க்கப்படுகிறது<span class="s1">.</span></p> <p class="p1">தமிழ்நாடு மட்டுமின்றி கேரளா<span class="s1">, </span>கர்நாடகா<span class="s1">, </span>ஆந்திரா<span class="s1">, </span>தெலங்கானா மற்றும் வெளிநாடுகளிலும் பிரம்மாண்டமாக படம் வெளியாக திட்டமிடப்பட்டுள்ளதாக கூறப்படுகிறது<span class="s1">. </span>உலகம் முழுவதும் சுமார்<span class="s1"> 4,500 </span>முதல்<span class="s1"> 5,000 </span>திரைகளில் ஜனநாயகன் வெளியாகும் என்ற தகவல்கள் வெளியாகியுள்ளன<span class="s1">. </span>முதல் நாளிலேயே ஜனநாயகன் நூறு கோடி வசூலை பதிவு செய்யும் என எதிர்பார்க்கப்படுகிறது<span class="s1">.</span></p> <p class="p1">ஆச்சரியப்படும் விதமாக ஜனநாயகன் திரைப்படத்தால் சிக்மா திரைப்படத்தின் வசூலில் பெரியளவில் பாதிப்பு ஏற்படாது என்றும் மாறாக <a title="விஜய்" href="https://tamil.abplive.com/topic/tvk-vijay" data-type="interlinkingkeywords">விஜய்</a> ரசிகர்கள் சிக்மா திரைப்படத்திற்கும் சமமான வரவேற்பை தருவார்கள் என்று எதிர்பார்க்கப்படுகிறது</p> <p class="p1"><iframe class="vidfyVideo" style="border: 0px;" src="https://tamil.abplive.com/web-stories/auto/how-much-ari-pressure-should-be-maintained-in-car-during-rainy-season-265392" width="631" height="381" scrolling="no"></iframe></p>