ரூ.126 கோடி பட்ஜெட்டில் உருவாகும் D56! தனுஷ் - வடிவேலு சம்பளம் எவ்வளவு?

1 month ago 4

ARTICLE AD

தனுஷ் நடிப்பில் உருவாகி வரும் D56 திரைப்படத்தின் படப்பிடிப்பு பணிகள் தற்போது நடைபெற்று வருகின்றன. தமிழரசன் பச்சமுத்து இயக்கும் இப்படத்தில் தனுஷுடன் வடிவேலு, எஸ்.ஜே. சூர்யா உள்ளிட்ட பலர் முக்கிய கதாபாத்திரங்களில் நடித்து வருகின்றனர். இந்த நிலையில், படத்தின் பட்ஜெட் மற்றும் நடிகர்களின் சம்பளம் தொடர்பான தகவல்கள் வெளியாகியுள்ளன. நீண்ட இடைவெளிக்குப் பிறகு தனுஷ் - வடிவேலு கூட்டணி மீண்டும் இணைந்திருப்பது D56 படத்தின் மீதான கவனத்தை அதிகரித்துள்ளது. ‘லப்பர் பந்து’ படத்தை இயக்கிய தமிழரசன் பச்சமுத்து இப்படத்தை இயக்குகிறார். தனுஷின் 56-வது படமாக உருவாகும் இப்படத்தின் படப்பிடிப்பு சமீபத்தில் தொடங்கியது. <h2 class="p1">பட்ஜெட் , நடிகர்களின் சம்பளம்</h2> அந்த வகையில் D56 படத்தின் மொத்த பட்ஜெட் ரூ.126 கோடி என தகவல் வெளியாகியுள்ளது. இதில் தனுஷுக்கு ரூ.60 கோடிக்கும் அதிகமாக சம்பளம் வழங்கப்படுவதாகவும், முக்கிய கதாபாத்திரத்தில் நடிக்கும் வடிவேலுவுக்கு ரூ.6 கோடி சம்பளம் வழங்கப்படுவதாகவும் கூறப்படுகிறது. D56 படத்தின் தயாரிப்பில் சித்தாரா என்டர்டெயின்மென்ட்ஸ் நிறுவனத்துடன் பிரைமார்க் புரொடக்&zwnj;ஷன்ஸ் நிறுவனமும் இணைந்துள்ளது. படத்திற்காக பிரைமார்க் புரொடக்&zwnj;ஷன்ஸ் தரப்பில் ரூ.30 கோடி முதலீடு செய்யப்படுவதாகவும், அதற்கு பதிலாக தமிழக திரையரங்கு வெளியீட்டு உரிமையை அந்த நிறுவனம் பெறுவதாகவும் கூறப்படுகிறது. அதேபோல் திங்க் ஸ்டுடியோஸ் நிறுவனத்தைச் சேர்ந்த ஸ்வரூப் ரெட்டியும் படத்தின் நிதியளிப்பில் முக்கிய பங்கு வகிப்பதாக தகவல் வெளியாகியுள்ளது. படத்தில் தனுஷ், வடிவேலு, எஸ்.ஜே. சூர்யா ஆகியோருடன் விஜயகுமார் மற்றும் ப்ரீத்தி முகுந்தன் உள்ளிட்டோரும் நடிக்கின்றனர். சாய் அப்யங்கர் இப்படத்திற்கு இசையமைக்கிறார். படத்தின் கதை மற்றும் கதாபாத்திரங்கள் குறித்த முழுமையான தகவல்கள் இன்னும் வெளியாகவில்லை. மாஸ் கமர்ஷியல் என்டர்டெயினராக உருவாகும் D56 திரைப்படம் 2027-ம் ஆண்டு கோடை விடுமுறையை முன்னிட்டு திரையரங்குகளில் வெளியாகும் என தெரிவிக்கப்பட்டுள்ளது. தனுஷ் - வடிவேலு கூட்டணி, தமிழரசன் பச்சமுத்துவின் இயக்கம் என பல்வேறு எதிர்பார்ப்புகளை கொண்டுள்ள இப்படத்தின் அடுத்தகட்ட அறிவிப்புகள் விரைவில் வெளியாகும் என எதிர்பார்க்கப்படுகிறது.

Read Entire Article