<p class="p3">ரஜினிகாந்த் நடிப்பில் வெளியாகியுள்ள<span class="s2"> ‘</span>ஜெயிலர்<span class="s2"> 2’ </span>திரைப்படம் உலகளாவிய வசூலில் ரூ<span class="s2">.700 </span>கோடியைக் கடந்து சாதனை படைத்துள்ளது<span class="s2">. </span>இதன் மூலம் ரஜினிகாந்தின் திரைப்பயணத்தில் மற்றொரு இண்டஸ்ட்ரி ஹிட் திரைப்படமாக இது உருவெடுத்துள்ளது<span class="s2">. </span>ஏற்கெனவே<span class="s2"> ‘</span>படையப்பா<span class="s2">’, ‘</span>சந்திரமுகி<span class="s2">’, ‘</span>சிவாஜி<span class="s2">’, ‘</span>எந்திரன்<span class="s2">’, ‘2.0’ </span>எனப் பல படங்கள் வசூலில் சாதனை படைத்துள்ள நிலையில்<span class="s2">, </span>தற்போது<span class="s2"> ‘</span>ஜெயிலர்<span class="s2"> 2’ </span>அந்தப் பட்டியலில் இணைந்துள்ளது<span class="s2">.</span></p>
<p class="p3"><span class="s2">‘</span>ஜெயிலர்<span class="s2"> 2’ </span>படத்தின் வசூல் சாதனையைத் தொடர்ந்து<span class="s2">, </span>ரஜினிகாந்த் நடிப்பில் இதற்கு முன்பு இண்டஸ்ட்ரி ஹிட் அந்தஸ்தைப் பெற்ற படங்கள் என்னென்ன<span class="s2">, </span>அவை உலகளவில் எவ்வளவு வசூலித்தன என்பதைப் பார்க்கலாம்<span class="s2">.</span></p>
<h2 class="p3">படையப்பா<span class="s2"> (1999)</span></h2>
<p class="p3">கே<span class="s2">.</span>எஸ்<span class="s2">. </span>ரவிக்குமார் இயக்கத்தில் ரஜினிகாந்த் நடிப்பில் வெளியான<span class="s2"> ‘</span>படையப்பா<span class="s2">’ </span>திரைப்படம்<span class="s2"> 1999</span>ஆம் ஆண்டில் மிகப்பெரிய வெற்றியைப் பெற்றது<span class="s2">. </span>ரம்யா கிருஷ்ணனின் நீலாம்பரி கதாபாத்திரம் இன்றளவும் ரசிகர்களால் பேசப்படுகிறது<span class="s2">. </span>இப்படத்தின் உலகளாவிய வசூல் சுமார் ரூ<span class="s2">.60 </span>கோடி என மதிப்பிடப்படுகிறது<span class="s2">. </span>அந்தக் காலகட்டத்தில் இப்படம் நிகழ்த்திய வசூல் சாதனை ரஜினியின் நட்சத்திர அந்தஸ்தை மேலும் உயர்த்தியது<span class="s2">.</span></p>
<h2 class="p3">சந்திரமுகி<span class="s2"> (2005)</span></h2>
<p class="p3">பி<span class="s2">. </span>வாசு இயக்கத்தில் வெளியான<span class="s2"> ‘</span>சந்திரமுகி<span class="s2">’ </span>திரைப்படம்<span class="s2">, </span>ரஜினிகாந்த் மற்றும் ஜோதிகாவின் நடிப்பால் ரசிகர்களிடம் பெரும் வரவேற்பைப் பெற்றது<span class="s2">. </span>நீண்டகாலம் திரையரங்குகளில் ஓடிய இப்படம்<span class="s2">, </span>உலகளவில் சுமார் ரூ<span class="s2">.75 </span>முதல் ரூ<span class="s2">.90 </span>கோடி வரை வசூலித்ததாக மதிப்பிடப்படுகிறது<span class="s2">. </span>தமிழ் சினிமாவில் நீண்ட நாட்கள் திரையரங்குகளில் ஓடிய படங்களில் ஒன்றாகவும் இது அமைந்தது<span class="s2">.</span></p>
<h2 class="p4"><span class="s3">சிவாஜி</span> (2007)</h2>
<p class="p3">ஷங்கர் இயக்கத்தில் வெளியான<span class="s2"> ‘</span>சிவாஜி<span class="s2">’ </span>திரைப்படத்தில் ரஜினிகாந்த்<span class="s2">, </span>ஸ்ரேயா உள்ளிட்டோர் நடித்திருந்தனர்<span class="s2">. </span>பிரம்மாண்டமான உருவாக்கம்<span class="s2">, </span>ஏ<span class="s2">.</span>ஆர்<span class="s2">. </span>ரஹ்மானின் இசை ஆகியவை படத்தின் வெற்றிக்கு முக்கியக் காரணங்களாக அமைந்தன<span class="s2">. </span>இப்படத்தின் உலகளாவிய வசூல் சுமார் ரூ<span class="s2">.146 </span>முதல் ரூ<span class="s2">.152 </span>கோடி வரை இருந்ததாகக் கணிக்கப்படுகிறது<span class="s2">. </span>ரூ<span class="s2">.100 </span>கோடி வசூலைக் கடந்த தமிழ் படங்களில் முக்கியமான இடத்தைப் பெற்றது<span class="s2">.</span></p>
<h2 class="p3">எந்திரன்<span class="s2"> (2010)</span></h2>
<p class="p3">ஷங்கர் இயக்கத்தில் ரஜினிகாந்த் இரட்டை வேடங்களில் நடித்த<span class="s2"> ‘</span>எந்திரன்<span class="s2">’ </span>திரைப்படம்<span class="s2">, </span>தமிழ் சினிமாவின் வசூல் எல்லையை விரிவுபடுத்தியது<span class="s2">. </span>ஐஸ்வர்யா ராய் கதாநாயகியாக நடித்த இப்படத்திற்கு ஏ<span class="s2">.</span>ஆர்<span class="s2">. </span>ரஹ்மான் இசையமைத்திருந்தார்<span class="s2">. </span>அறிவியல் புனைகதை மற்றும் பிரம்மாண்டமான காட்சிகளுடன் உருவான இப்படம் உலகளவில் சுமார் ரூ<span class="s2">.283 </span>முதல் ரூ<span class="s2">.320 </span>கோடி வரை வசூலித்ததாக மதிப்பிடப்படுகிறது<span class="s2">.</span></p>
<h2 class="p4">2.0 (2018)</h2>
<p class="p3"><span class="s2">‘</span>எந்திரன்<span class="s2">’ </span>படத்தின் தொடர்ச்சியாக ஷங்கர் இயக்கத்தில் உருவான<span class="s2"> ‘2.0’ </span>திரைப்படத்தில் ரஜினிகாந்துடன் அக்ஷய் குமாரும் நடித்திருந்தார்<span class="s2">. </span>அதிக பொருட்செலவில் உருவான இப்படம் பல மொழிகளில் வெளியிடப்பட்டது<span class="s2">. </span>உலகளவில் சுமார் ரூ<span class="s2">.656</span><span class="s2"> </span>கோடி வரை வசூலித்தது<span class="s2">. </span>ரஜினிகாந்தின் அதிக வசூல் செய்த படங்களில் ஒன்றாகவும் இது அமைந்தது<span class="s2">.</span></p>
<h2 class="p4"><span class="s3">ஜெயிலர்</span> 2 (2026)</h2>
<p class="p3">நெல்சன் திலீப்குமார் இயக்கத்தில் ரஜினிகாந்த் நடித்துள்ள<span class="s2"> ‘</span>ஜெயிலர்<span class="s2"> 2’ </span>திரைப்படம்<span class="s2">, </span>உலகளாவிய வசூலில் ரூ<span class="s2">.750 </span>கோடியைக் கடந்துள்ளதாகப் தகவல்கள் தெரிவிக்கின்றன<span class="s2">. </span>முதல் பாகத்தின் வெற்றியைத் தொடர்ந்து உருவான இப்படத்தின் வசூல் சாதனை<span class="s2">, தற்போது தமிழ் திரையுலகின் அதிக வசூல் ஈட்டிய படமாக ஜெயிலர் 2 திரைப்படம் முதலிடத்தை பிடித்துள்ளது. </span></p>
3 days ago
3 
