<p>தொழில் முனைவோர்‌ சொந்தமாக வலையொளி (யூடியூப்‌) சேனலை உருவாக்குதல்‌ தொடர்பான பயிற்சி குறித்து தமிழக அரசின்‌ தொழில்‌ முனைவோர்‌ மேம்பாடு மற்றும்‌ புத்தாக்க நிறுவனம் அழைப்பு விடுத்துள்ளது.</p>
<p><strong>இதுகுறித்து தமிழக அரசு சார்பில் தெரிவிக்கப்பட்டு உள்ளதாவது:</strong></p>
<p>தமிழக அரசின்‌ தொழில்‌ முனைவோர்‌ மேம்பாடு மற்றும்‌ புத்தாக்க நிறுவனம் சார்பில், சென்னையில்‌ சொந்தமாக "வலையொளி" (யூடியூப்‌) சேனலை உருவாக்குதல்‌' என்ற தலைப்பில்‌ மூன்று நாள்‌ பயிற்சி முகாம்‌ வளாகத்தில் ‌நடைபெற உள்ளது.</p>
<p>இந்த முகாம் 29.07.2025 முதல்‌ 31.07.2025 வரை, காலை 10.00 மணி முதல்‌ மாலை 05.00 மணி வரை நிறுவன‌ வளாகத்தில் ‌நடைபெற உள்ளது.</p>
<h2><strong>என்னென்ன கற்றுக் கொள்ளலாம்?</strong></h2>
<p>இந்த பயிற்சியில்‌ பங்கேற்பவர்கள்‌ கற்றுக்கொள்ளப் போவது:</p>
<ul>
<li>வலையொளி (யூடியூப்‌) சேனல்‌ உருவாக்கம்‌</li>
<li>வீடியோ மற்றும்‌ ஸ்லைட்‌ ஷோ தயாரிப்பு</li>
<li>சமூக ஊடகங்களை இணைக்கும்‌ நுட்பங்கள்‌</li>
<li>வாடிக்கையாளர்‌ வலையமைப்பை விரிவுபடுத்தும்‌ முறைகள்‌</li>
<li>பயனுள்ள ஆன்லைன்‌ சந்தைப்படுத்தல்‌, ஊக்குவிப்பு</li>
<li>டொமைன்‌ பெயர்‌ பதிவு மற்றும்‌ ஹோஸ்டிங்‌</li>
<li>இணையதள வடிவமைப்பு மற்றும்‌ அதன்‌ தொழில்நுட்பங்கள்‌</li>
<li>இவற்றுடன்‌ தொடர்புடைய விதிமுறைகள்‌ மற்றும்‌ நடைமுறைகள்‌</li>
</ul>
<p>இப்பயிற்சியில்‌ கலந்து கொள்ள ஆர்வமுள்ளவர்கள்‌ (ஆண்‌ / பெண்‌/ திருநங்கைகள்‌) 18 வயதிற்கு மேற்பட்ட, குறைந்தப்பட்ச கல்வித்‌தகுதியாக 10-ம்‌ வகுப்பு தேர்ச்சிப்‌ பெற்றவர்கள்‌ விண்ணப்பிக்கலாம்‌. பயிற்சியில்‌ பங்குப்‌ பெறும்‌ ஆண்‌ / பெண்‌/ திருநங்கைகள்‌ தங்கிப்‌ பயில்வதற்கு எதுவாக குறைந்த கட்டண வாடகையில்‌ தங்கும்‌ விடுதி உள்ளது. தேவைப்படுவோர்‌ இதற்கு விண்ணப்பித்து முன்‌ பதிவு செய்து கொள்ளலாம்‌.</p>
<h2><strong>குறைந்த கட்டணத்தில் தங்கும் வசதி</strong></h2>
<p>பங்கேற்கும்‌ பயிற்சியாளர்களுக்காக, குறைந்த கட்டணத்தில்‌ தங்குமிட வசதியும்‌ நிறுவனம்‌ வழங்குகிறது. தங்கும்‌ வசதி விரும்புவோர்‌, முன்பதிவு செய்து கொள்ள வேண்டும்‌.</p>
<p>மேலும்‌ தகவல்களுக்காக <a href="http://www.editn.in">www.editn.in</a> என்ற இனையதளத்தைப் பார்வையிடலாம்‌. திங்கள்‌ முதல்‌ வெள்ளி வரை, காலை 10.00 மணி முதல்‌ மாலை 5.00 மணி வரை தொலைபேசியில்‌ தொடர்பு கொள்ளலாம்‌. </p>
<p>பயிற்சி முடிவில்‌ அரசு சான்றிதழும்‌ வழங்கப்படும்‌.</p>
<p>முன்பதிவு அவசியம்‌.</p>
<p>தகவல்‌ தொடர்புக்கு: <strong>5543773337 / 53602 21280</strong></p>
<p>இவ்வாறு தமிழக அரசின்‌ தொழில்‌ முனைவோர்‌ மேம்பாடு மற்றும்‌ புத்தாக்க நிறுவனம் தெரிவித்துள்ளது.</p>
4 months ago
4 
