யாருப்பா இவரு... அனைவரையும் ஆச்சரியப்படுத்திய நபர்.. அப்படி என்ன செய்தார்?

<p style="text-align: left;">தஞ்சாவூர்: பைக், ஸ்கூட்டியில் செல்பவர்கள் ஹெல்மெட் அணிந்து போவதை பார்த்து இருப்பீர்கள் ஆனால் விழிப்புணர்வு ஏற்படுத்த வேண்டும் என்பதற்காக சைக்கிளில் சென்றவர் ஹெல்மெட் அணிந்து சென்ற சம்பவம் தஞ்சாவூரில் நடந்துள்ளது.&nbsp;</p> <p style="text-align: left;">ஹெல்மெட்களின் முக்கியத்துவத்தைப் புரிந்துகொள்வது வாழ்க்கையின் ஒரு தேவையாகிவிட்டது. கிட்டத்தட்ட ஒவ்வொரு நாளும், பல்வேறு ஊடகங்கள் மூலம் விபத்துக்கள் பற்றிய செய்திகளை நாம் அறிகிறோம். தலைக்கவசம் அணியாத ஓட்டுநர்கள் எதிர்பாராத சூழ்நிலைகளில் சிக்கிக் கொள்கிறார்கள். புள்ளிவிவரங்களின்படி, 30% இருசக்கர வாகன விபத்துக்கள் ஹெல்மெட்களைப் பயன்படுத்தாததால் மட்டுமே நிகழ்கின்றன.</p> <p style="text-align: left;">வாகனம் ஓட்டும்போது ஹெல்மெட் அணிவது எவ்வளவு அவசியம் என்பதை மக்கள் அறியும்போது, சதவீதத்தைக் குறைக்கலாம். இது தலைக்கு சுமை அல்ல, மாறாக தலைக்கு பாதுகாப்பு. இரு சக்கர வாகனங்களில் செல்லும் போது ஹெல்மெட் அணிந்த ஆண்களும், பெண்களும்&nbsp;ஏதேனும் விபத்து ஏற்பட்டால், ஹெல்மெட் அணியாத இருசக்கர வாகன ஓட்டிகளுக்கான கோரிக்கைகளை சுகாதார காப்பீட்டு நிறுவனங்கள் மறுக்கின்றன. இந்தியாவில் மோட்டார் வாகனச் சட்டத்தின்படி, 4 வயதுக்கு மேற்பட்டவர்கள் பைக் சவாரி செய்யும்போது ஹெல்மெட் அணிய வேண்டும்.</p> <p style="text-align: left;"><br /><img style="display: block; margin-left: auto; margin-right: auto;" src="https://feeds.abplive.com/onecms/images/uploaded-images/2025/05/20/5f48f770cd0838082093b16488dbaf9e1747748282925733_original.jpg" width="720" /></p> <p style="text-align: left;">வாகனம் ஓட்டும்போது ஹெல்மெட் அணிய ஊக்குவிப்பது ஒரு மாற்றத்தை ஏற்படுத்தும். வாகனம் ஓட்டும்போது ஹெல்மெட் அணியாமல் அலட்சியம் காட்டுவது உயிருக்கு ஆபத்தானது. மேலும், சாலை விபத்துகளில் சிக்கிய ஓட்டுநர்களுக்கு இருசக்கர வாகன காப்பீட்டு கோரிக்கை கிடைக்காது.&nbsp;</p> <p style="text-align: left;">போக்குவரத்து அபராதத்திலிருந்து உங்களைக் காப்பாற்றுகிறது. சில பகுதிகளில் ஹெல்மெட் அணிவது சட்டப்படி கட்டாயமாக்கப்பட்டுள்ளது. ஹெல்மெட் இல்லாமல் இருசக்கர வாகனம் ஓட்டுவது மிகப்பெரிய அபராதத்திற்கு காரணமாக இருக்கலாம். சட்டத்தை மீறுவது சட்டரீதியான விளைவுகளையும் ஏற்படுத்தக்கூடும். எனவே, ஹெல்மெட் மூலம் உங்கள் இருப்பைக் காப்பாற்றிக் கொள்வதும், உங்கள் செலவுகளைச் சேமிப்பதும் நல்லது.</p> <p style="text-align: left;">முதன்மையாக, தலைக்கவசம் அணிவது தலையில் காயங்கள் ஏற்படுவதைத் தடுக்கிறது. ஹெல்மெட்டின் உறுதியான வெளிப்புற ஓடு, மோதல் ஏற்பட்டால் உங்கள் தலையைப் பாதுகாப்பாக வைத்திருக்கிறது. பைக்குகளை ஓட்டுபவர்கள் வேகமாக ஓட்டுகிறார்கள், தலைக்கவசம் விழும்போதோ அல்லது விபத்துக்குள்ளாகும்போதோ தலையில் பலத்த கீறல்களைத் தடுக்கிறது. இவ்வாறு ஹெல்மெட் அணிவது நமக்கும், நம் குடும்பத்திற்கும் பாதுகாப்பு கவசம் என்பதை பைக் ஓட்டுபவர்கள் உணர வேண்டும்.</p> <p style="text-align: left;">இரு சக்கர வாகனத்தில் செல்பவர்களே ஹெல்மெட் அணியாத நிலையில், ஹெல்மெட் போட்டு சைக்கிள் ஒட்டி கொண்டு தஞ்சையில் சாலையில் சென்றவர் அனைவரது கவனத்தையும் ஈர்த்தார். தஞ்சை காந்திஜி சாலையில் ஒருவர் தலையில் ஹெல்மெட் போட்டுக் கொண்டு சைக்கிளில் சென்றார்.</p> <p style="text-align: left;">அனைவரும் அவரையே பார்த்தனர் என்றால் மிகையில்லை. தலைகவசம் உயிர் கவசம் என பல வகைகளில் தலைகவசம் குறித்து விழிப்புணர்வு செய்தாலும் யாரும் &nbsp;கேட்பதாய் இல்லை. தலைக்கவசம் இல்லாமல் பெரும்பாலான இருசக்கர வாகன ஓட்டுனர்கள் செல்லும்போது, &nbsp;இவரோ சைக்கிள் ஓட்டும் போது ஹெல்மெட் அணிந்து செல்கிறாரே என்று அவரை வழிமறித்து விபரம் கேட்ட போது அவர் கூறியதாவது:</p> <p style="text-align: left;">எனது பெயர் ராஜா. விழிப்புணர்வுக்காக ஹெல்மெட் போட்டு செல்கிறேன். இப்போது என்னை பார்த்தவர்களில் 100ல் 10 பேராவது டூவீலர் ஓட்டும் போது ஹெல்மெட் அணிந்தால் கூட எனக்கு மகிழ்ச்சிதான். சிறுதுளிதானே பெரு வெள்ளம். சிறிய சேமிப்புதானே வருங்காலத்தின் பெரிய கையிருப்பு என்று கூறி ஆச்சரியப்படுத்தினார். அனைவரும் ஹெல்மெட் போட்டு வாகனம் ஓட்டுங்கள் என்றும் கேட்டுக் கொண்டார்.</p>