மொத்தமா மாற போகுது.. மாசு இல்லாத இந்தியா.. ஐஐடி மெட்ராஸின் அசத்தல் திட்டங்கள்!

<p>சென்னையில் உள்ள இந்திய தொழில்நுட்பக் கழகம் (ஐஐடி மெட்ராஸ்), 2050-ம் ஆண்டில் &lsquo;100% கார்பன் உமிழ்வு இல்லாத சரக்குப் போக்குவரத்து&rsquo; என்ற இலக்கை எட்டுவதற்கான மிக முக்கிய திட்டத்தை தொடங்கியுள்ளது.</p> <p>இந்தியாவின் வாகனப் போக்குவரத்தில் 5 சதவீத அளவுக்கு மட்டுமே சரக்கு லாரிகள் உள்ள நிலையில், சுமார் 65 சதவீத டீசல் பயன்படுத்தப்படுகிறது. கணிசமான அளவு காற்றுமாசுக்கும், எரிபொருள் நுகர்வு செலவுகளுக்கும் இது வழிவகுக்கிறது.</p> <p><strong>ஐஐடி மெட்ராஸ் அறிமுகம் செய்யும் திட்டங்கள்:</strong></p> <p>எனவே, மின்சார சரக்கு லாரிகள் போன்ற கார்பன் உமிழ்வு இல்லாத சரக்குப் போக்குவரத்தை விரைவுபடுத்துவது அவசியம்.</p> <p><iframe class="vidfyVideo" style="border: 0px;" src="https://tamil.abplive.com/web-stories/entertainment/top-10-highest-opening-day-collection-indian-movies-pushpa-2-rrr-baahubali-2-209114" width="631" height="381" scrolling="no"></iframe></p> <p>இந்த நிலையில், ஐஐடி மெட்ராஸ் ஆராய்ச்சிப் பூங்காவில் இன்று (9 டிசம்பர் 2024) நடைபெற்ற &lsquo;கார்பன் உமிழ்வு இல்லாத சரக்குப் போக்குவரத்துக்கு மாற்றுதல்&rsquo; நிகழ்வில் இரண்டு பெரிய திட்டங்களை அறிமுகப்படுத்தியுள்ளது.&nbsp;</p> <p>இந்த நிகழ்ச்சியில் பேசிய ஐஐடி இயக்குநர் பேராசிரியர் வி. காமகோடி, &ldquo;விழிப்புணர்வு அளித்தல், ஏற்றுக் கொள்ளல், பின்பற்றுதல் என்ற நடைமுறை மேற்கொள்ளப்பட்டு வருகிறது. நம்பிக்கையின் அடிப்படையில் வலுவான உறவை ஏற்படுத்துவதுதான் இதன் நோக்கம்.</p> <p>இறுதியில், சரியான கருவிகள், பயிற்சி, முன்தயாரிப்புகள் மூலம் சரக்குலாரி மின்மயமாக்கலைப் பின்பற்ற உதவிகரமாக செயல்படுவோம். சரக்குலாரிகள் மின்மயமாக்கலுக்காக பல்வேறு வகைகளில் தொடர்புடையோர் பணியில் ஈடுபட்டுள்ளனர்.</p> <p>இதுபோன்ற குறைந்த தொடர்புடைய சமூகத்துடன் ஐஐடி மெட்ராஸ் இணைந்து பணியாற்றி வருகிறது. இ-டிரக்குகளை ஏற்றுக் கொள்வதில் இது மிகவும் முக்கியமான ஒன்றாகும்" என்றார்.</p> <p>இந்தியாவின் டிரக்கிங் தொழில் என்பது சரக்கு போக்குவரத்து மூலம் விரைவான வளர்ச்சிப் பாதையில் உள்ளது. ஐஐடி மெட்ராஸின் இத்தகைய திட்டங்கள், நீடித்த ஈடுபாட்டுடன், இந்தியா லாரிகளின் மின்மயமாக்கலை விரைவுபடுத்த உதவும் என்று எதிர்பார்க்கப்படுகிறது.</p> <p>இதன் மூலம் பெட்ரோலியத்தின் இறக்குமதி செலவுகளை மிச்சப்படுத்துகிறது. போட்டித்தன்மையை மேம்படுத்துகிறது. உமிழ்வைக் குறைக்கிறது, ஓட்டுநர் வசதி மற்றும் நல்வாழ்வை அதிகரிக்க செய்கிறது.&nbsp;</p> <p><strong>முக்கிய அம்சங்கள்:</strong></p> <ul> <li>உள்ளடக்கம் மற்றும் தகவல் தொடர்பு உள்ளூர் மொழிகள் அல்லது ஆங்கிலம் அல்லது இந்தியில், உள்ளூர் தேவைகளைப் பொறுத்து இருக்க வேண்டும்.</li> <li>யூடியூப் சேனல், யூடியூப் விளம்பரங்கள், வீடியோக்கள், டிஜிட்டல் வினாடி வினா, வாட்ஸ்அப் குழுக்கள் மூலம் தகவல்களை பரப்ப வேண்டும்.</li> </ul> <p><strong>இதையும் படிக்க: <a title="BJP DMK: திமுக சொல்லி நாங்க செய்ய மாட்டோம்; - டங்ஸ்டன் சுரங்க திட்டத்தை கைவிட பரிசீலனை - அண்ணாமலை" href="https://tamil.abplive.com/news/tamil-nadu/annamalai-reports-central-bjp-government-is-considering-abandoning-the-tungsten-mining-project-in-madurai-209156" target="_blank" rel="noopener">BJP DMK: திமுக சொல்லி நாங்க செய்ய மாட்டோம்; - டங்ஸ்டன் சுரங்க திட்டத்தை கைவிட பரிசீலனை - அண்ணாமலை</a></strong></p>