மாதம் ஒரு ரேஸ்...2027 வரை அஜித் பிஸி..அப்போ AK 64 படம் ?

<p>குட் பேட் அக்லி படத்தைத் தொடர்ந்து அஜித்தின் அடுத்த படத்தை ஆதிக் ரவிச்சந்திரன் இயக்கவிருக்கிறார். கடந்த ஆண்டே இப்படத்தின் அறிவிப்பு வந்தபோதிலும் இதுவரை படத்திற்கு தயாரிப்பாளர் அமையவில்லை. தற்போது அஜித் குமார் அபுதாபியில் நடைபெற்று வரும் கார் பந்தையத்தில் கலந்துகொண்டிருக்கிறார். அஜித்தின் ரேஸிங் அணி சார்பாக இந்த ஆண்டிற்கான ரேஸிங் அட்டவணை வெளியிடப்பட்டுள்ளது. இதில் இந்த ஆண்டு மார்ச் முதல் நவம்பர் வரை அஜித் கார் ரேஸிங்கில் கலந்துகொள்ள இருப்பது தெரியவந்துள்ளது. அப்படியானால் அஜித்தின் அடுத்த படம் 2027 ஆம் ஆண்டு துவங்குமா என்கிற கேள்வி ரசிகர்களிடம் எழுந்துள்ளது.&nbsp;</p> <p>ஒவ்வொரு முறை அஜித் படம் வருவதற்கு ரசிகர்கள் ஒரு நீண்ட காத்திருப்பில் இருந்து வருகிறார்கள். துணிவு படத்திறு பின் கிட்டதட்ட 2 ஆண்டுகள் கழித்து அஜித்தின் விடாமுயற்சி மற்றும் குட் பேட் அக்லி திரைப்படம் வெளியானது. இப்படத்தைத் தொடர்ந்து அஜித் கார் பந்தையங்களில் முழு கவனம் செலுத்த தொடங்கினார். இப்படியான நிலையில் தான் அஜித்தின் அடுத்த படத்தை ஆதிக் இயக்கவிருப்பதாக அதிகாரப்பூர்வமாக தகவல் வெளியானது. படம் அறிவித்து நீண்ட காலமாகியும் இதுவரை இந்த படத்தின் அடுத்தகட்ட அப்டேட் வெளியாகாமல் இருந்து வருகிறது.</p> <h2>தயாரிப்பாளர் அமைவதில் சிக்கல்&nbsp;</h2> <p>அஜித் 64 படத்தை தயாரிக்க இதுவரை எந்த தயாரிப்பாளரும் முன்வராததே படப்பிடிப்பு செல்லாததற்கு முக்கிய காரணமாக கூறப்படுகிறது. இப்படத்தில் நடிக்க அஜித் குமார் ரூ185 கோடி வரை சம்பளமாக கேட்டுள்ளதாகவும் அந்த சம்பளத்தை வழங்க தயாரிப்பாளர் தயக்கம் காட்டுவதாகவும் கூறப்படுகிறது. கடந்த ஆண்டு வெளியான குட் பேட் அக்லி திரைப்படம் தமிழ்நாட்டில் பெரியளவில் வசூல் ஈட்டினாலும் பிற மாநிலங்களில் பெரிதாக கலெக்&zwnj;ஷன் இல்லை. இதனால் அஜித் கேட்ட சம்பளத்தை தர இதுவரை எந்த தயாரிப்பாளரும் முன்வர தயங்குகிறார்கள். அதே நேரம் தான் கேட்ட சம்பளத்தில் உறுதியாக நிற்கிறார் அஜித்.&nbsp;</p> <h2>ஆண்டு முழுவதும் ரேஸிங்</h2> <p>படம் தாமதமானாலும் பரவாயில்லை என்பது போல் அஜித் மறுபக்கம் ரேஸிங்கில் முழு கவனத்தையும் செலுத்தி வருகிறார். இந்த ஆண்டு அஜித் குமார் ரேஸிங் அணி கலந்துகொள்ள இருக்கும் போட்டிகளுக்கான அட்டவனையை அஜித் ரேஸி அணி வெளியிட்டுள்ளது. இதன் படி மார்ச் முதல் நவம்பர் மாதம் முதல் அஜித் கார் பந்தையங்களில் பிஸியாக இருக்கப் போகிறார். இதனால் அவரது அடுத்த படத்திற்காக இன்னும் ஒரு ஆண்டு காலம் காத்திருக்க வேண்டி வருமோ என ரசிகர்களிடம் சந்தேகம் எழுந்துள்ளது.</p> <p>&nbsp;</p>