<p>சென்னையில் உள்ள இந்திய தொழில்நுட்பக் கழகத்தில் (ஐஐடி மெட்ராஸ்) இரண்டு புது படிப்புகள் அறிமுகம் செய்யப்பட்டுள்ளது. பள்ளி மாணவர்களுக்கு உயர்கல்வி மற்றும் தொழில்நெறி குறித்த தகவல்களை அறிந்து கொள்ளும் வகையில் ‘ஐஐடிஎம் பள்ளி இணைப்புத் திட்டத்தை அறிமுகப்படுத்தியுள்ளது.</p>
<p>இதில் ‘தரவு அறிவியல் மற்றும் செயற்கை நுண்ணறிவு’, ‘எலக்ட்ரானிக் சிஸ்டம்ஸ்’ ஆகிய இரு சான்றிதழ் படிப்புகள் கற்றுத்தரப்படுகின்றன. பள்ளி மாணவர்களுக்கென வடிவமைக்கப்பட்ட உள்ளடக்கங்களுடன், ஐஐடி மெட்ராஸ் பேராசிரியர்களைக் கொண்டு இதற்கான பாடநெறி வடிவமைக்கப்பட்டுள்ளது. </p>
<p><strong>மாணவர்களுக்கு கிடைத்த முத்தான வாய்ப்பு:</strong></p>
<p>ஆன்லைன் மூலம் கற்பிக்கப்படும் இப்படிப்புகளின் மூலம் 11, 12-ம் வகுப்பு மாணவர்களுக்கு தொழில்நெறி அனுபவத்தை வழங்க வேண்டும் என்பதுதான் இதன் நோக்கம். இந்தத் துறைகளைப் பற்றிய நுண்ணறிவை வழங்கும் வகையில் மாணவர்களுக்கான அறிமுகப் படிப்புகள் வடிவமைக்கப்பட்டிருப்பதுடன், அவர்களின் உயர்கல்வி, தொழில்நெறி ஆகியவை குறித்த விவரங்களை முழுமையாக அறிந்து முடிவெடுக்கவும் உதவிகரமாக இருக்கும்.</p>
<p>அடுத்த தொகுதி 21 அக்டோபர் 2024 அன்று தொடங்குவதையொட்டி, அதற்கான விண்ணப்பப் பதிவுகள் செப்டம்பர் 16-ந் தேதி முதல் நடைபெற்று வருகின்றன. ஐஐடி மெட்ராஸுடன் இணைந்து செயல்பட விரும்பும் பள்ளிகள் பின்வரும் இணைப்பில் தங்களைப் பதிவு செய்து கொள்ளலாம்… <a href="https://school-connect.study.iitm.ac.in/">https://school-connect.study.iitm.ac.in/</a></p>
<p>ஐஐடி மெட்ராஸில் பள்ளி மாணவர்களுக்காக அறிமுகம் செய்யப்பட்ட படிப்புகள்:</p>
<p><strong>Data Science and AI:</strong></p>
<p>பதினொன்றாம் வகுப்பில் அனைத்து பாடப்பிரிவைச் சேர்ந்த மாணவர்களும் தகுதியுடையவர்கள்.</p>
<p><strong>Electronic Systems:</strong></p>
<p>பதினொன்றாம் வகுப்பில் கணிதம் மற்றும் இயற்பியல் படிக்கும் மாணவர்கள் தகுதியானவர்கள்.</p>
<p><strong>Schedule:</strong></p>
<p><span class="Y2IQFc" lang="ta">படிப்பில் சேர்வதற்கு மாணவர்கள் எப்போதிலிருந்து விண்ணப்பிக்கலாம்: செப்டம்பர் 16, 2024 </span></p>
<p><span class="Y2IQFc" lang="ta">விண்ணப்பிப்பதற்கான கடைசி தேதி: அக்டோபர் 4, 2024 </span></p>
<p><span class="Y2IQFc" lang="ta">பள்ளிகள் பதிவு செய்து கொள்வதற்கான காலக்கெடு: செப்டம்பர் 30, 2024, (பேட்ச்சில் மாணவர்கள் சேர்வதற்கான கடைசி தேதி) </span></p>
<p><span class="Y2IQFc" lang="ta">Course தொடங்கும் தேதி: அக்டோபர் 21, 2024</span></p>
<p>பாடப்பிரிவின் கீழ் விரிவுரை வீடியோக்கள் பதிவேற்றம் செய்யப்படும். ஒவ்வொன்றும் 30 நிமிட கால அளவு கொண்ட வீடியோக்கள் ஆகும். ஒவ்வொரு திங்கட்கிழமையும் பதிவேற்றப்படும்.</p>
<p>பதிவுசெய்யப்பட்ட வீடியோக்களை வாரத்தில் எப்போது வேண்டுமானாலும் மாணவர்கள் பார்க்கலாம்.</p>
<p>மாதத்திற்கு ஒருமுறை நேரலை ஊடாடும் அமர்வுகள் நடத்தப்படும். வார இறுதிகளில் நடைபெறும் ஆன்லைன் வகுப்புகளில், வீட்டுப்பாடங்கள் தரப்படும். </p>
<p> </p>
1 year ago
7 
