மாணவர்களுக்கு தீபாவளி பரிசு! GST வரியில் கல்விப்பொருட்கள் விலை குறைப்பு! முழு விவரம் இதோ!

<p>கடந்த செப்டம்பர் 3ஆம் தேதி ஜிஎஸ்டி கவுன்சிலின் 56ஆவது கூட்டம் மத்திய நிதி அமைச்சர் நிர்மலா சீதாராமன் தலைமையில் நடைபெற்றது. இதில் நான்கடுக்கு வரி விதிப்பு, 2 அடுக்கு வரி விதிப்பாக எளிமை ஆக்கப்பட்டுள்ளது. இதன்படி செப்டம்பர் 22ஆம் தேதி முதல் 5 மற்றும் 18 சதவீத வரி விதிப்புகள் மட்டுமே அமலுக்கு வர உள்ளன.</p> <p>நாட்டின் சுதந்திர தின உரையில் தீபாவளி பரிசாக இதைச் செய்வதாக, பிரதமர் மோடி அறிவித்து இருந்தார்.&nbsp;அந்த வகையில் கல்வித் துறையில் மாணவர்களுக்கு மிகப் பெரிய ஆறுதலை ஜிஎஸ்டி வரி விதிப்பு மாற்றம் கொண்டு வந்துள்ளது.</p> <p>இந்த நிலையில் கல்வி, கற்றல் சார்ந்த பொருட்களுக்கு, வரி விதிப்பு எப்படி மாறி இருக்கிறது என்று பார்க்கலாம். &nbsp;</p> <h2><strong>வரியே கிடையாது</strong></h2> <p>இந்த சீர்திருத்தங்கள் மாணவர்களுக்கு நிவாரணம் அளிப்பதாக உள்ளன. குறிப்பாக, அத்தியாவசிய கற்றல் பொருட்களான பயிற்சி புத்தகங்கள், பென்சில்கள், அழிப்பான்கள், கிரேயான்கள் மற்றும் ஷார்ப்பனர்களுக்கு ஜிஎஸ்டி வரியே கிடையாது என்று அறிவிக்கப்பட்டு உள்ளது.</p> <p><br /><br /><img src="https://feeds.abplive.com/onecms/images/uploaded-images/2025/08/15/eef898f730bf42010e161b647a4d5f0f1755261451842708_original.jpg" width="720" /></p> <h2><strong>5 சதவீதமாகக் குறைப்பு</strong></h2> <p>கூடுதலாக, வடிவியல் பெட்டிகள் (geometry boxes), பள்ளி அட்டைப்பெட்டிகள் மற்றும் தட்டுகள் போன்ற பொருட்கள் 12% வரியில் இருந்து 5% ஆக மாற்றப்பட்டுள்ளன. இந்தக் குறைப்பு, கற்றல் அத்தியாவசியங்களை மிகவும் மலிவு விலையில் மாற்றும். அதேபோல குடும்பங்களின் நிதிச் சுமையைக் குறைக்கும் மற்றும் கற்றலை மேம்படுத்தும் என்று எதிர்பார்க்கப்படுகிறது.</p> <h2><strong>40 சதவீத வரி விதிப்பு</strong></h2> <p>இந்த நிலையில் ஆடம்பரமான, உடலுக்கு ஆபத்தை விளைவிக்கக்கூடிய பொருட்களுக்கான வரி விகிதம் 40 சதவீதமாக உயர்த்தப்பட்டு உள்ளது. குறிப்பாக,&nbsp;புகையிலை மற்றும் தொடர்புடைய பொருட்கள், சர்க்கரை மற்றும் காற்றோட்டமான பானங்கள், சொகுசு ஆட்டோமொபைல்கள், பைக், விமானங்கள், கேமிங் மூலம் வருமானம், <a title="ஐபிஎல்" href="https://tamil.abplive.com/sports/ipl" data-type="interlinkingkeywords">ஐபிஎல்</a> விளையாட்டு பார்வையாளர் கட்டணங்கள் ஆகியவற்றுக்கு அதிகபட்சமாக 40 சதவீத அளவுக்கு வரி உயர்த்தப்பட்டு உள்ளது குறிப்பிடத்தக்கது.</p> <p><iframe class="vidfyVideo" style="border: 0px;" src="https://tamil.abplive.com/web-stories/lifestyle/what-is-the-worst-bad-word-in-the-world-233244" width="631" height="381" scrolling="no"></iframe></p>