மாணவர்களுக்கு இலவச ரோபோட்டிக்ஸ் படிப்புகள்; மிச்சிகன் முதல் MIT வரை எங்கெங்கே? இதோ லிஸ்ட்!

<p><strong>நாளுக்கு நாள் மாறி வரும் காலகட்டத்தில், ரோபோட்டிக்ஸ் படிப்புகள் மீதான நாட்டமும் ஆர்வமும் அதிகரித்து வருகிறது.&nbsp; அதேபோல நாட்டின் தொழில்நுட்ப முன்னேற்றத்திற்கு ரோபாட்டிக்ஸ் ஒரு முக்கியமான துறையாக அதிகரித்து வருகிறது.</strong></p> <p>மனிதர்களைப் போல நடை, பேச்சு அல்லது எளிய செயல்பாடுகளையும் அறுவை சிகிச்சை போன்ற கடினமான செயல்பாடுகளையும் ரோபோக்கள் மேற்கொள்கின்றன. இந்த நிலையில் ரோபோட்டிக்ஸ் குறித்து இலவசமே கல்வி நிறுவனங்கள் கற்பிக்கத் தொடங்கி உள்ளது.&nbsp;இவை குறித்து விரிவாக அறிந்துகொள்ளலாம்.</p> <p><strong>1. மிச்சிகன் பல்கலைக்கழகம்</strong></p> <p>மிச்சிகன் பல்கலைக்கழகம் GitHub மற்றும் யூடியூப் மூலம் பல இலவச ரோபாட்டிக்ஸ் படிப்புகளை வழங்குகிறது, இவை அனைத்தையும் அதன் அதிகாரப்பூர்வ வலைத்தளம் வழியாக தெரிந்து கொள்ளலாம். இந்த படிப்புகள் நேரியல் இயற்கணிதம் மற்றும் கால்குலஸ் முதல் ரோபோ இயக்க முறைமை, இயக்கம் மற்றும் ரோபாட்டிக்ஸ் நிரலாக்கம் வரை அனைத்தையும் உள்ளடக்கியது. வரவிருக்கும் செமஸ்டருக்கான அனைத்து இலவச படிப்புகளையும் பட்டியலிடும் பல்கலைக்கழக வலைத்தளத்தில் இருந்து (robotics.umich.edu) கூகிள் ஷீட்டை மாணவர்கள் பெறலாம்.</p> <p><strong>2. எம்ஐடி OpenCourseWare (OCW) ரோபாட்டிக்ஸ் பாடநெறி</strong></p> <p>எம்ஐடி எனப்படும் மாசசூசெட்ஸ் தொழில்நுட்ப நிறுவனம் (MIT) அதன் OpenCourseWare தளத்தின் மூலம் ஒரு விரிவான ரோபாட்டிக்ஸ் பாடத்திட்டத்தை வழங்குகிறது. 25-க்கும் மேற்பட்ட பாடங்கள், பணிகள், விரிவுரை குறிப்புகள் மற்றும் திட்டங்களுடன், இந்த பாடநெறி ரோபாட்டிக்ஸை கட்டமைக்கப்பட்ட மற்றும் விரிவான முறையில் வழங்குகிறது, இது மாணவர்களுக்கு ஒரு சிறந்த சோர்ஸாக அமைகிறது. நீங்கள் அதை <a href="https://ocw.mit.edu/courses/2-12-introduction-to-robotics-fall-2005/" target="_blank" rel="noopener">https://ocw.mit.edu/courses/2-12-introduction-to-robotics-fall-2005/&nbsp;</a> என்ற இணைப்பில் காணலாம்.</p> <p><strong>3. ஸ்வயம் ரோபாட்டிக்ஸ் பாடநெறி</strong></p> <p>மத்திய அரசின் ஸ்வயம் ரோபாட்டிக்ஸ் திட்டம் மாணவர்களுக்கு ரோபாட்டிக்ஸ் வரலாறு, அதன் கூறுகள் மற்றும் இயக்கவியல் ஆகியவற்றை அறிமுகப்படுத்துகிறது. இது ரோபோ சென்சார்கள், பார்வை மற்றும் இயக்கத்தையும் உள்ளடக்கியது. எட்டு வார பாடத் திட்டத்தில் ஏற்கனவே 5,000 க்கும் மேற்பட்ட மாணவர்கள் சேர்ந்துள்ளனர், 1,000-க்கும் மேற்பட்ட மாணவர்கள் அதன் தேர்வுக்கு பதிவு செய்துள்ளனர். இது பொறியியல் மாணவர்கள் அல்லது ரோபாட்டிக்ஸ் மீது ஆர்வமுள்ள எவருக்கும் மிகவும் பொருத்தமானது.</p> <p>அண்மையில், டெல்லி அரசு 15 தொழில்துறை பயிற்சி நிறுவனங்களை (ITI) மேம்படுத்த ரூ. 170 கோடி மதிப்பிலான முயற்சியை வெளியிட்டது, இதில் AI, ரோபாட்டிக்ஸ், மின்சார வாகன (EV) பராமரிப்பு மற்றும் பசுமை ஆற்றல் ஆகிய படிப்புகளைச் சேர்ப்பது அடங்கும் என்பது குறிப்பிடத்தக்கது.</p>