<p style="text-align: justify;"><strong>தஞ்சாவூர்:</strong> AAICLAS நிறுவனத்தில் புதிய வேலைவாய்ப்பு. இந்திய விமான நிலைய சரக்கு சேவை நிறுவனமான AAICLAS (AAI Cargo Logistics & Allied Services Company Ltd) நிறுவனத்தில் காலியாக உள்ள Assistant (Security) பணிக்கான புதிய வேலைவாய்ப்பு அறிவிப்பு வெளியிடப்பட்டுள்ளது.</p>
<p style="text-align: justify;">மத்திய அரசு நிறுவனமான இதில் மொத்தம் 62 காலியிடங்கள் அறிவிக்கப்பட்டுள்ளன. தகுதியும் ஆர்வமும் உள்ள விண்ணப்பதாரர்கள் ஆன்லைன் மூலம் இந்த வேலைக்கு விண்ணப்பிக்கலாம்.</p>
<p style="text-align: justify;"><strong>விமான நிலைய வாரியான காலியிடங்கள் மற்றும் பணியிடம்</strong></p>
<p style="text-align: justify;">தேர்வு செய்யப்படுபவர்கள் திருப்பதி, திருச்சி, மதுரை, புவனேஸ்வர் மற்றும் உதய்பூர் ஆகிய விமான நிலையங்களில் பணியமர்த்தப்படுவார்கள்.</p>
<p style="text-align: justify;"><strong>திருச்சி – 23 காலியிடங்கள்</strong><br /><strong>உதய்பூர் – 12 காலியிடங்கள்</strong><br /><strong>மதுரை – 09 காலியிடங்கள்</strong><br /><strong>திருப்பதி – 09 காலியிடங்கள்</strong><br /><strong>புவனேஸ்வர் – 09 காலியிடங்கள்</strong></p>
<p style="text-align: justify;"><strong>கல்வித் தகுதியும் வயது வரம்பும்</strong></p>
<p style="text-align: justify;">கல்வித் தகுதி: விண்ணப்பதாரர்கள் அங்கீகரிக்கப்பட்ட கல்வி வாரியத்தில் 12ஆம் வகுப்பு (Plus Two) தேர்ச்சி பெற்றிருக்க வேண்டும்.</p>
<p style="text-align: justify;">வயது வரம்பு: விண்ணப்பதாரர்கள் 18 முதல் 27 வயதுக்குள் இருக்க வேண்டும்.</p>
<p style="text-align: justify;"><strong>அரசு விதிகளின்படி வயது தளர்வு விபரம்:</strong></p>
<p style="text-align: justify;">OBC பிரிவினர்: 3 ஆண்டுகள்<br />SC / ST பிரிவினர்: 5 ஆண்டுகள்<br />முன்னாள் ராணுவத்தினர் (Ex-Servicemen): 5 ஆண்டுகள்</p>
<p style="text-align: justify;"><strong>மாதச் சம்பளம்</strong></p>
<p style="text-align: justify;">இப்பணிக்குத் தேர்வு செய்யப்படுபவர்களுக்கு ஒப்பந்த அடிப்படையில் ஆண்டுதோறும் சம்பள உயர்வுடன் கூடிய கவர்ச்சிகரமான ஊதியம் வழங்கப்படும்.</p>
<p style="text-align: justify;">முதல் வருடம்: ரூ.21,500/-</p>
<p style="text-align: justify;">இரண்டாம் வருடம்: ரூ.22,000/-</p>
<p style="text-align: justify;">மூன்றாம் வருடம்: ரூ.22,500/-</p>
<p style="text-align: justify;"><strong>தேர்வு செய்யும் முறை மற்றும் விண்ணப்பக் கட்டணம்</strong></p>
<p style="text-align: justify;">தேர்வு முறை: விண்ணப்பதாரர்கள் தங்களின் தகுதிப் பட்டியல் (Short Listing) அடிப்படையில் பிரிக்கப்பட்டு, தொடர்ந்து நேர்காணல் (Interview) மூலம் தகுதியானவர்கள் தேர்வு செய்யப்படுவர்.</p>
<p style="text-align: justify;"><strong>விண்ணப்பக் கட்டணம்:</strong></p>
<p style="text-align: justify;">ST / SC / பெண்கள் / EWS பிரிவினர்: ரூ.100/-</p>
<p style="text-align: justify;">இதர பிரிவினர் (Others): ரூ.500/-</p>
<p style="text-align: justify;">கட்டணத்தை ஆன்லைன் மூலமாக மட்டுமே செலுத்த வேண்டும்.</p>
<p style="text-align: justify;"><strong>விண்ணப்பிக்கும் முறை (How to Apply)</strong></p>
<p style="text-align: justify;">ஆர்வமுள்ளவர்கள் 02.07.2026 வரை ஆன்லைன் மூலம் மட்டுமே விண்ணப்பிக்க முடியும்.</p>
<p style="text-align: justify;">AAICLAS நிறுவனத்தின் அதிகாரப்பூர்வ இணையதளத்திற்கு <strong>(https://www.aaiclas.aero/career)</strong> செல்லவும். அதில் “Advertisement No.2 of 2026 for Assistant (Security)” என்ற அறிவிப்பைத் தேர்வு செய்யவும்.</p>
<p style="text-align: justify;">புதிய பயனராக இருந்தால், முதலில் உங்கள் விவரங்களைப் பதிவு (Registration) செய்ய வேண்டும்.</p>
<p style="text-align: justify;">பின்னர், பயனர்பெயர் மற்றும் கடவுச்சொல் கொண்டு 'Login' செய்து விண்ணப்பப் படிவத்தை துல்லியமாக நிரப்பவும். கேட்கப்பட்டுள்ள தேவையான ஆவணங்கள் மற்றும் உங்களுடைய அண்மைக்கால புகைப்படத்தைப் பதிவேற்றவும்.</p>
<p style="text-align: justify;">விண்ணப்பக் கட்டணத்தை ஆன்லைனில் செலுத்தி, விண்ணப்பத்தை 'Submit' செய்யவும். இறுதி விண்ணப்பப் படிவத்தை எதிர்காலத் தேவைக்காக PDF வடிவில் பதிவிறக்கம் (Download) செய்து அச்சுப் பிரதி எடுத்துக் கொள்ளவும்.</p>
<p style="text-align: justify;"><strong>முக்கியக் குறிப்பு:</strong> விண்ணப்பிப்பதற்கு முன்பாக, அதிகாரப்பூர்வ அறிவிப்பில் குறிப்பிடப்பட்டிருக்கும் அனைத்து தகுதிகளும் தங்களிடம் இருப்பதை விண்ணப்பதாரர்கள் முழுமையாக உறுதிப்படுத்திக் கொள்ளுமாறு கேட்டுக் கொள்ளப்படுகிறார்கள்.</p>
4 months ago
9 
