"போதைப்பொருள் விற்றால் சிறை உறுதி!" - விழுப்புரம் புதிய எஸ்.பி. சாய் பிரனீத் அதிரடி !

<p>விழுப்புரம்: விழுப்புரம் மாவட்டத்தின் 25-வது காவல் கண்காணிப்பாளராக (SP) சாய் பிரனீத் IPS இன்று முறைப்படி பொறுப்பேற்றுக்கொண்டார்.</p> <h2>விழுப்புரம் மாவட்ட புதிய எஸ்பி பொறுப்பேற்பு&nbsp;</h2> <p>விழுப்புரம் மாவட்டத்தின் 25-வது காவல் கண்காணிப்பாளராக (SP) சாய் பிரனீத் IPS இன்று முறைப்படி பொறுப்பேற்றுக் கொண்டார். பொறுப்பேற்ற பின் செய்தியாளர்களிடம் பேசிய அவர், மாவட்டத்தில் சட்டம் ஒழுங்கை பாதுகாக்கவும், குற்றச்சம்பவங்களை தடுக்கவும் பல்வேறு அதிரடி திட்டங்களை அறிவித்துள்ளார்.</p> <p>விழுப்புரம் மாவட்ட எஸ்.பி-யாக பணியாற்றி வந்த சரவணன், தற்போது டி.ஐ.ஜி-யாக (DIG) பதவி உயர்வு பெற்று திருநெல்வேலிக்கு மாற்றப்பட்டார். இதனைத் தொடர்ந்து, செங்கல்பட்டு மாவட்ட எஸ்.பி-யாக பணியாற்றி வந்த சாய் பிரனீத், விழுப்புரம் மாவட்டத்தின் புதிய எஸ்.பி-யாக நியமிக்கப்பட்டு, இன்று விழுப்புரம் மாவட்ட காவல் கண்காணிப்பாளர் அலுவலகத்தில் தனது பணிகளைத் தொடங்கினார்.</p> <h2>புதிய எஸ்.பி-யின் முக்கிய அறிவிப்புகள்:</h2> <h3>போதைப்பொருள் ஒழிப்பு:</h3> <p>பள்ளி மற்றும் கல்லூரிகளுக்கு அருகில் கஞ்சா உள்ளிட்ட போதைப்பொருட்கள் விற்பனை செய்யப்படுவதை தடுக்க தீவிர கண்காணிப்பு மேற்கொள்ளப்படும். இத்தகைய செயல்களில் ஈடுபடுவோர் மீது மிகக் கடுமையான சட்ட நடவடிக்கை எடுக்கப்படும் என எச்சரித்துள்ளார்.</p> <h3>விபத்து தடுப்பு நடவடிக்கைகள்:</h3> <p>ஜி.எஸ்.டி (GST) மற்றும் ஈ.சி.ஆர் (ECR) போன்ற முக்கிய நெடுஞ்சாலைகளில் விபத்துகளின் எண்ணிக்கையைக் குறைக்க சிறப்பு நடவடிக்கைகள் மேற்கொள்ளப்படும்.</p> <h3>குற்றப் புலனாய்வு:</h3> <p>நிலுவையில் உள்ள வழக்குகள் மற்றும் புதிய குற்றச் சம்பவங்களை உடனுக்குடன் கண்டறிந்து, காலதாமதமின்றி விசாரணை நடத்தி முடிக்கப்படும்.</p> <h2>காவல்துறையினருக்கு அறிவுறுத்தல்:</h2> <p>பொதுமக்களிடம் காவல்துறையினர் மனிதாபிமானத்துடன் நடந்துகொள்ள வேண்டும் என்றும், காவல் நிலையங்களுக்கு வரும் பொதுமக்களின் குறைகளை உரிய நேரத்தில் கேட்டறிந்து தீர்வு காண வேண்டும் என்றும் அதிகாரிகளுக்கு அறிவுறுத்தியுள்ளார்.</p> <p>மாவட்டத்தின் பாதுகாப்பை உறுதி செய்யவும், குற்றமில்லா மாவட்டமாக மாற்றவும் பொதுமக்கள் காவல்துறையினருக்கு முழு ஒத்துழைப்பு வழங்க வேண்டும் என்றும் அவர் கேட்டுக்கொண்டார்.</p>