புதுச்சேரி விவசாயிகளுக்கு குட் நியூஸ்: 50% மானியத்தில் விதைகள் வழங்கல்!

<p>புதுச்சேரி: புதுச்சேரி யூனியன் பிரதேசத்தில் காய்கறி மற்றும் மலர் சாகுபடியை ஊக்குவிக்கவும், உற்பத்தியைப் பெருக்கவும் தோட்டக்கலை விவசாயிகளுக்கு 50 சதவீத மானியத்தில் விதைகள் வழங்கப்பட உள்ளது.</p> <h2>விவசாயிகளுக்கு 50 சதவீத மானியத்தில் விதைகள்!</h2> <p>புதுச்சேரி யூனியன் பிரதேசத்தில் காய்கறி மற்றும் மலர் சாகுபடியை ஊக்குவிக்கவும், உற்பத்தியைப் பெருக்கவும் தோட்டக்கலை விவசாயிகளுக்கு 50 சதவீத மானியத்தில் விதைகள் வழங்கப்பட உள்ளன. இதற்கான அதிகாரப்பூர்வ அறிவிப்பை புதுச்சேரி அரசு வேளாண் மற்றும் விவசாயிகள் நலத்துறை வெளியிட்டுள்ளது.</p> <h2>விதை சாகுபடியும் மானியமும்:</h2> <p>இது தொடர்பாக புதுச்சேரி அரசு வேளாண் துறை தோட்டக்கலை இணை இயக்குனர்&nbsp; சண்முகவேலு வெளியிட்டுள்ள செய்திக்குறிப்பில் தெரிவித்துள்ளதாவது:</p> <p>புதுச்சேரி மாவட்டத்தில் உள்ள அனைத்துப் பிரிவு தோட்டக்கலை விவசாயிகளின் வாழ்வாதாரத்தை மேம்படுத்தவும், பசுமைப் பரப்பை அதிகரிக்கவும் திட்டமிடப்பட்டுள்ளது. குறிப்பாக, தற்போது நிலவும் 'தை பட்டத்தில்' சாகுபடி செய்ய விரும்பும் விவசாயிகள்:</p> <ul> <li>காய்கறி நாட்டு ரகங்கள்</li> <li>வீரிய ஒட்டு ரகங்கள் (Hybrid varieties)</li> <li>மலர் சாகுபடி விதைகள்</li> </ul> <p>ஆகியவற்றை வாங்கிப் பயிரிடும்போது, அவர்கள் மேற்கொள்ளும் விதை செலவில் 50 சதவீதம் மானியமாகத் திருப்பி வழங்கப்படும் என அறிவிக்கப்பட்டுள்ளது.</p> <h2>விண்ணப்பம் பெறுதல் மற்றும் சமர்ப்பித்தல்:</h2> <p>இத்திட்டத்தின் கீழ் பயன்பெற விரும்பும் விவசாயிகள் இன்று (செவ்வாய்க்கிழமை) முதல் விண்ணப்பங்களைப் பெற்றுக்கொள்ளலாம்.</p> <h2>விண்ணப்பம் கிடைக்கும் இடங்கள்:</h2> <p>புதுச்சேரி தாவரவியல் பூங்காவில் (Botanical Garden) இயங்கும் கூடுதல் வேளாண் இயக்குனர் (தோட்டக்கலை) அலுவலகம். மற்றும் அந்தந்தப் பகுதிகளில் உள்ள உழவர் உதவியகங்கள் (Farmer Help Centers).</p> <p>இணையதள வழி: விவசாயிகள் அலைச்சலின்றி விண்ணப்பங்களைப் பதிவிறக்கம் செய்ய https://agri.py.gov.in என்ற அதிகாரப்பூர்வ இணையதள முகவரியைப் பயன்படுத்தலாம்.</p> <h2>கடைசித் தேதி:</h2> <p>பூர்த்தி செய்யப்பட்ட விண்ணப்பங்களுடன், தேவையான உரிய ஆவணங்களை இணைத்து வரும் பிப்ரவரி மாதம் 5-ம் தேதிக்குள் கூடுதல் வேளாண் இயக்குனர் (தோட்டக்கலை) அலுவலகத்தில் சமர்ப்பிக்க வேண்டும் என்று அறிவுறுத்தப்பட்டுள்ளது. இந்த அறிய வாய்ப்பைப் பயன்படுத்தி, புதுச்சேரி மாநில தோட்டக்கலை விவசாயிகள் அதிக அளவில் சாகுபடி செய்து பயன்பெறுமாறு வேளாண் துறை கேட்டுக்கொண்டுள்ளது.</p>