பிளஸ் 2 பொதுத்தேர்வு மறுகூட்டல், மதிப்பீடு; விண்ணப்பிக்க அவகாசம் நீட்டிப்பு!

<p>மார்ச் மாதம் நடைபெற்ற மேல்நிலைப் பொதுத் தேர்வுகளுக்கான விடைத்தாள் நகல் பதிவிறக்கம் செய்ய அறிவுறுத்தப்பட்டு இருந்த நிலையில், மறுகூட்டல், மறு மதிப்பீட்டுக்கு விண்ணப்பிக்க அவகாசம் நீட்டிக்கப்பட்டு உள்ளதாக அரசுத் தேர்வுகள் இயக்ககம் அறிவுறுத்தி உள்ளது.</p> <p><strong>இதுகுறித்து அரசு வெளியிட்டுள்ள செய்திக் குறிப்பில் கூறப்பட்டு உள்ளதாவது:</strong></p> <p>மார்ச் 2026 மேல்நிலைப் பொதுத் தேர்வுக்கான விடைத்தாள் நகல் கோரி விண்ணப்பித்த மாணவர்கள் 05.06.2026 (வெள்ளிக் கிழமை) பிற்பகல் முதல் 16.06.2026 (செவ்வாய்க் கிழமை) வரை விடைத்தாள் நகலினை பாடவாரியாக பல்வேறு கட்டங்களாக பதிவிறக்கம் செய்து கொள்ளலாம் என்று அறிவிக்கப்பட்டு இருந்தது. இந்த நிலையில், விடைத்தாள் நகல் கோரி விண்ணப்பித்த மாணவர்கள் 12.06.2026 அன்று பிற்பகல் முதல் கீழ்க்காணும் பாடங்களின் விடைத்தாள் நகல்களை பதிவிறக்கம் செய்து கொள்ளலாம்.</p> <p>503 -ENGLISH</p> <p>509 - BIOLOGY</p> <p>541 - MATHEMATICS</p> <p>05.06.2026, 06.06.2026, 08.06.2026, 09.06.2026, 10.06.2026 மற்றும் 11.06.2026 ஆகிய நாட்களில் பதிவிறக்கம் செய்ய அறிவிக்கப்பட்ட பாடங்களுக்கான விவரங்கள் <a href="http://www.dge.tn.gov.in">www.dge.tn.gov.in</a> என்ற இணையதளத்தில் PRESS RELEASE என்ற வாசகத்தை click செய்து தெரிந்துகொள்ளலாம்.</p> <h2><strong>இன்று முதல்&hellip;</strong></h2> <p>மேலும், 12.06.2026 அன்று பிற்பகல் முதல் ஏற்கனவே வெளியிடப்பட்ட பாடங்கள் உள்ளிட்ட அனைத்து மேல்நிலைப் பொதுத்தேர்வு பாடங்களுக்கான விடைத்தாள் நகல்களை இணையதளத்திலிருந்து பதிவிறக்கம் செய்து கொள்ளலாம்.</p> <h2><strong>ஜூன் 17 வரை நீட்டிப்பு</strong></h2> <p>விடைத்தாள் நகல்களை பதிவிறக்கம் செய்த பின்னர் மாணவர்கள் 16.06.2026 க்குள் மறுகூட்டல் மற்றும் மறுமதிப்பீட்டிற்கு விண்ணப்பிக்க வேண்டும் எனத் தெரிவிக்கப்பட்டிருந்தது. தற்போது, தேர்வர்களின் நலன் கருதி இக்கால அவகாசம் 17.06.2026 (புதன்கிழமை) வரை நீட்டிக்கப்படுகிறது என்று அரசுத் தேர்வுகள் இயக்ககம் தெரிவித்துள்ளது.</p> <p>விடைத்தாள் நகல் பதிவிறக்கம் மற்றும் மறு கூட்டல் / மறு மதிப்பீட்டிற்கு விண்ணப்பிப்பது தொடர்பான சந்தேகங்களுக்கு <strong>9498383075 / 9498383076</strong> என்ற கைப்பேசி எண்களை தொடர்பு கொள்ளலாம் என்றும் அரசுத் தேர்வுகள் இயக்ககம் சார்பில் அறிவுறுத்தப்பட்டுள்ளது.</p> <p><iframe class="vidfyVideo" style="border: 0px;" src="https://tamil.abplive.com/web-stories/health/beware-drinking-water-after-eating-these-foods-can-be-life-threatening-263509" width="631" height="381" scrolling="no"></iframe></p>