பாரதிராஜாவின் சிறந்த மாணவன்...உதவி இயக்குநராக தொடங்கி பாரதிராஜா பட நாயகனான பாக்கியராஜ்

4 months ago 7

ARTICLE AD

இயக்குநர் இமயம் பாரதிராஜா காலமான ஒரு சில வாரங்களில் அவரது சிஷ்யரான பாக்யராஜ் இன்று காலமான செய்தி ஒட்டுமொத்த தமிழ் திரையுலகிற்கு பெரும் அதிர்ச்சியை கொடுத்துள்ளது. இயக்குநர் பாக்யராஜ் தனது சினிமா பயணத்தை பாரதிராஜாவின் படங்களில் உதவி இயக்குநராக பணியாற்றியதில் இருந்து தொடங்கினார். தமிழ் சினிமாவில் கதைசொல்லலில் பாரதிராஜா மிகப்பெரிய மாற்றங்களை கொண்டு வந்தார் எனில் திரைக்கதையில் பெரும் ஜாம்பவானாக திகழ்ந்தவர் பாக்யராஜ். பாரதிராஜாவின் எநதெந்த படங்களில் பாக்யராஜ் உதவி இயக்குநராக பணியாற்றினார் என்று பார்க்கலாம்  சென்னைக்கு சினிமா கனவுடன் வந்த பாக்யராஜுக்கு மிகப்பெரிய வாய்ப்பை வழங்கியவர் இயக்குநர் பாரதிராஜா. அப்போது தமிழ் சினிமாவில் புதிய அலை உருவாக்கியிருந்த பாரதிராஜாவின் குழுவில் உதவி இயக்குநராக இணைந்த பாக்யராஜ், படப்பிடிப்பு, திரைக்கதை, வசனம், காட்சியமைப்பு என திரைப்பட உருவாக்கத்தின் ஒவ்வொரு நுணுக்கத்தையும் நேரடியாக கற்றுக்கொண்டார். அந்த அனுபவமே பின்னாளில் அவரை ஒரு வலுவான திரைக்கதையாசிரியராகவும் வெற்றிகரமான இயக்குநராகவும் உருவாக்கியது என்று திரையுலகினர் கூறுகின்றனர். பாரதிராஜா இயக்கிய '16 வயதினிலே', 'கிழக்கே போகும் ரயில்' உள்ளிட்ட படங்களில் உதவி இயக்குநராக பணியாற்றிய பாக்யராஜ், அப்போது கதைக் கலந்துரையாடல்களில் தொடர்ந்து புதிய யோசனைகளை முன்வைத்ததாக பல பழைய பேட்டிகளில் குறிப்பிடப்பட்டுள்ளது. அவரது எழுத்துத் திறனும் காட்சிகளை அணுகும் விதமும் பாரதிராஜாவை கவர்ந்ததாகவும் கூறப்படுகிறது. இந்த குரு–சிஷ்யன் உறவின் மிக முக்கியமான மைல்கல்லாக அமைந்தது 'புதிய வார்ப்புகள்' திரைப்படம். அப்போது நடிகராக அறிமுகமாகும் அளவுக்கு பாக்யராஜின் தோற்றம் பொருத்தமாக இருக்காது என்ற கருத்துகள் பலரிடமிருந்து எழுந்ததாக கூறப்படுகிறது. ஆனால், அவரது திறமையில் முழு நம்பிக்கை வைத்த பாரதிராஜா, அந்தப் படத்தின் கதாநாயகனாக அவரையே அறிமுகப்படுத்தினார். பின்னர் அந்த முடிவு சரியானது என்பதை பாக்யராஜின் வெற்றிப்பயணம் நிரூபித்தது. பின்னாளில் <a title="பாக்யராஜ்" href="https://tamil.abplive.com/topic/bhagyaraj" data-type="interlinkingkeywords">பாக்யராஜ்</a> தனியாக இயக்குநராக மாறிய பிறகும், பாரதிராஜாவிடம் கற்றுக்கொண்ட பல விஷயங்களை தனது படங்களில் வெளிப்படுத்தினார். கதையே ஒரு திரைப்படத்தின் உயிர், கதாபாத்திரங்களின் இயல்பான உணர்வுகளே வெற்றியை தீர்மானிக்கும் என்ற பாரதிராஜாவின் அணுகுமுறை, பாக்யராஜின் திரைக்கதைகளிலும் தெளிவாக பிரதிபலித்தது. இருப்பினும், தனது குருவின் கிராமிய யதார்த்தப் பாணியை அப்படியே பின்பற்றாமல், குடும்ப உறவுகள், புத்திசாலித்தனமான நகைச்சுவை, எதிர்பாராத திருப்பங்கள் ஆகியவற்றை மையமாகக் கொண்டு தனக்கென ஒரு புதிய திரைமொழியை உருவாக்கினார். பல நேர்காணல்களில் பாரதிராஜா, பாக்யராஜை தனது திறமையான மாணவர்களில் ஒருவராகக் குறிப்பிட்டு பாராட்டியிருக்கிறார். அதேபோல், பாக்யராஜும் தனது சினிமா வாழ்க்கைக்கு அடித்தளம் அமைத்தவர் பாரதிராஜாதான் என்று பலமுறை நன்றியுடன் நினைவுகூர்ந்துள்ளார். பாக்யராஜின் மறைவுக்குப் பிறகு சமூக வலைதளங்களிலும் இந்த குரு–சிஷ்யன் உறவு மீண்டும் பேசுபொருளாகியுள்ளது. பாரதிராஜாவுடன் இணைந்து பணியாற்றிய காலத்தின் அரிய புகைப்படங்கள், பழைய நேர்காணல் காணொளிகள், 'புதிய வார்ப்புகள்' படத்தின் காட்சிகள், இருவரும் ஒருவரை ஒருவர் பாராட்டிப் பேசிய தருணங்கள் ஆகியவை மீண்டும் வைரலாகப் பகிரப்பட்டு வருகின்றன.  <iframe class="vidfyVideo" style="border: 0px;" src="https://tamil.abplive.com/web-stories/health/people-with-these-issues-should-not-consume-pan-265209" width="631" height="381" scrolling="no"></iframe>

Read Entire Article