நெல் சாகுபடி செஞ்சா ரூ. 5 லட்சமா? விவசாயிகளுக்கு அடித்தது பம்பர் லாட்டரி – முழு விவரம் உள்ளே!

<p style="text-align: justify;"><strong>நாகப்பட்டினம்:</strong> நாகப்பட்டினம் மாவட்டத்தில் திருந்திய நெல் சாகுபடி (SRI) தொழில்நுட்பத்தைப் பின்பற்றி, அதிக மகசூல் பெறும் விவசாயிகளை ஊக்குவிக்கும் வகையில், மாநில அரசின் உயரிய விருது மற்றும் ரொக்கப் பரிசு வழங்கப்பட உள்ளது. தகுதியும் ஆர்வமும் உள்ள விவசாயிகள் இதற்கு விண்ணப்பித்து பயனடையலாம் என்று நாகப்பட்டினம் மாவட்ட ஆட்சியர் கே.ஜே.பிரவீன் குமார், செய்திக்குறிப்பு ஒன்றில் தெரிவித்துள்ளார்.</p> <p style="text-align: justify;">தமிழக அரசு வேளாண்மை மற்றும் உழவர் நலத்துறை சார்பில், விவசாயிகளின் வாழ்வாதாரத்தை உயர்த்தவும், உணவு உற்பத்தியில் புதிய சாதனைகளைப் படைக்கவும் பல்வேறு ஊக்கத்திட்டங்களைச் செயல்படுத்தி வருகிறது. அதன் ஒரு பகுதியாக, நடப்பு ஆண்டில் திருந்திய நெல் சாகுபடி முறையில் அதிக விளைச்சலை ஈட்டும் விவசாயிகளுக்கு " சி. நாராயணசாமி நாயுடு நெல் உற்பத்தி திறனுக்கான விருது" அறிவிக்கப்பட்டுள்ளது.</p> <h3 style="text-align: justify;">ரூ. 5 லட்சம் மற்றும் பதக்கம்</h3> <p style="text-align: justify;">இப்போட்டியில் மாநில அளவில் சிறந்து விளங்கி, மிக அதிக மகசூல் பெற்று முதலிடம் பிடிக்கும் விவசாயிக்கு, தமிழக அரசின் சார்பில் ரூ. 5 இலட்சம் ரொக்கப் பரிசு சிறப்புப் பரிசாக வழங்கப்படும். இத்துடன், ரூ. 7,000 மதிப்பிலான உயரிய பதக்கமும் வழங்கி கௌரவிக்கப்படுவர். இந்த விருது விவசாயிகளிடையே ஆரோக்கியமான போட்டியையும், நவீன தொழில்நுட்பங்களை ஏற்கும் ஆர்வத்தையும் அதிகரிக்கும் என்று எதிர்பார்க்கப்படுகிறது.</p> <h3 style="text-align: justify;">போட்டியில் பங்கேற்பதற்கான தகுதிகள் மற்றும் நிபந்தனைகள்</h3> <p style="text-align: justify;">இப்போட்டியில் பங்கேற்று நெல் உற்பத்தி திறன் விருது பெற விரும்பும் நாகப்பட்டினம் மாவட்ட விவசாயிகள் பின்வரும் தகுதிகளைப் பெற்றிருக்க வேண்டும்;</p> <p style="text-align: justify;"><strong>நிலத்தின் பரப்பளவு:</strong> போட்டியில் கலந்துகொள்ளும் விவசாயிக்கு குறைந்தபட்சம் 2 ஏக்கர் நெல் சாகுபடி நிலம் சொந்தமாகவோ அல்லது முறையான குத்தகை உரிமையிலோ இருக்க வேண்டும்.</p> <p style="text-align: justify;"><strong>நெல் ரகம்:</strong> தமிழக அரசால் அங்கீகரிக்கப்பட்ட சன்ன இரக நெல் வகைகளை மட்டுமே சாகுபடி செய்திருக்க வேண்டும்.</p> <p style="text-align: justify;"><strong>முன்னோடி விவசாயி:</strong> திருந்திய நெல் சாகுபடி (ஒற்றை நாற்று நடும் முறை) தொழில்நுட்பத்தை தொடர்ந்து மூன்று ஆண்டுகள் வெற்றிகரமாகப் பின்பற்றிய முன்னோடி விவசாயியாக அவர் இருத்தல் அவசியம்.</p> <p style="text-align: justify;"><strong>குறைந்தபட்ச மகசூல்:</strong> போட்டியில் பங்குபெறும் விவசாயிகளின் வயலில், நடுவர்கள் முன்னிலையில் குறைந்தபட்சம் 2 ஏக்கர் பரப்பளவில் பயிர் அறுவடை சோதனை நடத்தப்படும். இந்த அறுவடையில் குறைந்தது 2,500 கிலோ (2.5 டன்) மகசூல் பெறப்பட்டால் மட்டுமே, அந்த விவசாயி அடுத்தகட்ட போட்டிப் பரிசீலனைக்குத் தகுதி பெறுவார்.</p> <h3 style="text-align: justify;">விண்ணப்பிக்கும் முறை மற்றும் தேவையான ஆவணங்கள்</h3> <p style="text-align: justify;">மேற்குறிப்பிட்ட தகுதிகளைக் கொண்டுள்ள மற்றும் திருந்திய நெல் சாகுபடியில் சாதனை படைத்துள்ள நாகப்பட்டினம் மாவட்டத்தைச் சேர்ந்த விவசாயிகள், உடனடியாக விண்ணப்பிக்குமாறு கேட்டுக்கொள்ளப்படுகிறார்கள்.</p> <h3 style="text-align: justify;">இணைக்க வேண்டிய ஆவணங்கள்</h3> <p style="text-align: justify;">&nbsp;1. நிலத்தின் சிட்டா</p> <p style="text-align: justify;">&nbsp;2. அடங்கல் நகல்</p> <p style="text-align: justify;">&nbsp;3. நில வரைபடம் (FMB)</p> <p style="text-align: justify;">4. அடையாளச் சான்றாக [அங்கீகரிக்கப்பட்ட அடையாள அட்டை நகல்]</p> <p style="text-align: justify;">விவசாயிகள் தங்களின் பூர்த்தி செய்யப்பட்ட விண்ணப்பத்துடன், மேற்கண்ட ஆவணங்களை இணைத்து, தத்தமது பகுதியில் உள்ள வட்டார வேளாண்மை உதவி இயக்குநர் அலுவலகத்தை நேரில் அணுக வேண்டும். விண்ணப்பத்தைப் பதிவு செய்வதற்குப் பதிவுக் கட்டணமாக ரூ.150 மட்டும் செலுத்த வேண்டும்.</p> <h3 style="text-align: justify;">நடுவர் குழு மற்றும் இறுதித் தீர்ப்பு</h3> <p style="text-align: justify;">விண்ணப்பித்த விவசாயிகளின் வயல்களில், அறுவடைக்காலத்தில் வேளாண்மைத் துறை அதிகாரிகள் மற்றும் போட்டி நடுவர்கள் நேரடியாகச் சென்று பார்வையிடுவார்கள். அவர்களின் முன்னிலையிலேயே பயிர் அறுவடைப் பணிகள் முறையாக மேற்கொள்ளப்பட்டு, மகசூல் துல்லியமாகக் கணக்கிடப்படும்.</p> <p style="text-align: justify;">இந்தத் திட்டத்தில் மாநில அளவிலான வெற்றியாளர்களைத் தேர்வு செய்து அறிவிப்பதில், தமிழக வேளாண்மை இயக்குநர் தலைமையிலான மாநில அளவிலான உயர்நிலைக் குழுவின் முடிவே இறுதியானது என்றும் மாவட்ட நிர்வாகம் தெளிவுபடுத்தியுள்ளது.</p> <h3 style="text-align: justify;">மாவட்ட ஆட்சியரின் அழைப்பு</h3> <p style="text-align: justify;">நாகப்பட்டினம் மாவட்டம் பாரம்பரியமாகவே நெல் விவசாயத்திற்குப் புகழ்பெற்ற மாவட்டமாகும். இங்குள்ள விவசாயிகள் நவீன தொழில்நுட்பங்களை ஆவலோடு கையாண்டு வருகின்றனர். எனவே, மாவட்டத்தில் உள்ள திறமையான, உழைப்பிற்குப் பெயர் போன விவசாயப் பெருமக்கள் அனைவரும் இந்த அரிய வாய்ப்பைப் பயன்படுத்தி, மாநில அளவிலான போட்டியில் பெருமளவில் கலந்துகொள்ள வேண்டும். இதன் மூலம் நாகப்பட்டினம் மாவட்டத்திற்குப் பெருமை சேர்க்க வேண்டும் என்று மாவட்ட ஆட்சியர் கே.ஜே.பிரவீன் குமார், தனது செய்திக்குறிப்பில் விடுத்துள்ள அழைப்பில் சுட்டிக்காட்டியுள்ளார்.</p> <p style="text-align: justify;">கூடுதல் விவரங்களுக்கு விவசாயிகள் தங்கள் பகுதி உதவி வேளாண்மை அலுவலர்கள் அல்லது வட்டார வேளாண்மை விரிவாக்க மையங்களைத்தொடர்புகொள்ளலாம் எனத் தெரிவிக்கப்பட்டுள்ளது.</p>