<p>பாஜக கட்சியைச் சேர்ந்த மத்திய அமைச்சர் அமித்ஷாவை வரவேற்கும் வகையில் ராணிப்பேட்டையில் ஒட்டப்பட்ட போஸ்டரானது, மீண்டும் சர்ச்சையை ஏற்படுத்தியுள்ளது. இந்நிலையில், அந்த போஸ்டரை பாஜகவினரே ஒட்டவில்லை என்றும் தகவல் தெரிவிக்கின்றன. </p>
<h2><strong>வருகைதரும் அமித்ஷா:</strong></h2>
<p>மத்திய உள்துறை அமைச்சர் அமித்ஷா , 2 நாள் பயணமாக ராணிப்பேட்டை மாவட்டம் அரக்கோணத்திற்கு அருகே உள்ள மத்திய தொழில் பாதுகாப்பு படை பயிற்சி மையத்திற்கு வருகை தந்துள்ளார். இந்நிலையில், அவரை வரவேற்கும் விதமாக பல போஸ்டர்கள் ஒட்டப்பட்டிருக்கின்றன. </p>
<p>ஆனால், இந்த போஸ்டரால்தான் தற்போது மிகப்பெரிய சர்ச்சை மீண்டும் எழுந்துள்ளது. அது என்னவென்றால், அமித்ஷாவை வரவேற்கும் போஸ்டரில் , அமித்ஷா படம் இல்லை; அதற்குப் பதிலாக இயக்குநர் மற்றும் நடிகர் சந்தான பாரதியின் படம் இடம் பெற்றிருக்கிறது. </p>
<blockquote class="twitter-tweet" data-media-max-width="560">
<p dir="ltr" lang="ta"><a href="https://twitter.com/hashtag/CISFRaisingDay?src=hash&ref_src=twsrc%5Etfw">#CISFRaisingDay</a> ।|<br /><br />நாட்டின் பாதுகாப்பு பணிகளில் <a href="https://twitter.com/hashtag/CISF?src=hash&ref_src=twsrc%5Etfw">#CISF</a> வீரர்களின் பங்கு மிக முக்கியமானது. இவர்கள் அமைதியான முறையில் பாதுகாப்பு பணியை சிறப்பாக செய்து வருகின்றனர் - மத்திய உள்துறை அமைச்சர் திரு அமித்ஷா <a href="https://t.co/oUM6hRkXF4">pic.twitter.com/oUM6hRkXF4</a></p>
— AIR News Chennai (@airnews_Chennai) <a href="https://twitter.com/airnews_Chennai/status/1897884764117618883?ref_src=twsrc%5Etfw">March 7, 2025</a></blockquote>
<p>
<script src="https://platform.twitter.com/widgets.js" async="" charset="utf-8"></script>
</p>
<h2><strong>சர்ச்சை போஸ்டர்:</strong></h2>
<p>இதுபோன்ற போஸ்டர், முதல் முறையாக என்றால், இல்லை. இதற்கு முன்பும், அமித்ஷா படத்திற்கு பதிலாக நடிகர் சந்தான பாரதியின் படத்தை மாற்றி பாஜகவினர் ஒட்டியதாக சர்ச்சை ஏற்பட்டு, நகைப்புக்கும் உள்ளானது. </p>
<p>இந்நிலையில் ராணிப்பேட்டை மாவட்டம் அரக்கோணத்திற்கு உட்பட்ட தக்கோலத்தில் போஸ்டர்கள் ஒட்டப்பட்டிருக்கின்றன. அதில், இந்தியாவின் இரும்பு மனிதரே வருக, வருக, என்று குறிப்பிடப்பட்டுள்ளது. மேலும், இந்த போஸ்டரில் பாஜக நிர்வாகி அருள்மொழி பெயரும் இடம் பெற்றிருக்கிறது. </p>
<p><br /><img style="display: block; margin-left: auto; margin-right: auto;" src="https://feeds.abplive.com/onecms/images/uploaded-images/2025/03/07/209fc6b2830fb582caa0987b1121bb121741361901462572_original.jpg" width="720" height="540" /></p>
<p>இந்நிலையில், இந்த போஸ்டரை சமூக வலைதளங்களில் பலரும் பகிர்ந்து, பாஜக தலைவரின் புகைப்படம், பாஜகவினருக்கே தெரியவில்லை என்றும் விமர்சிக்க ஆரம்பித்தனர். இந்த போஸ்டரானது பல விமர்சனத்திற்கு உள்ளாகியும் நகைப்பு உள்ளாகியும் வந்த நிலையில், இது குறித்து பாஜக நிர்வாகி அருள்மொழி விளக்கமளித்துள்ளார். </p>
<h2><strong>”எனக்கு சம்பந்தம் இல்லை”</strong></h2>
<p>அவர் தெரிவித்துள்ளதாவது. மத்திய அமைச்சர் அமித்ஷா வரும் நிலையில், இதுபோன்ற போஸ்டரை ஒட்டி , அசிங்கப்படுத்த சிலர் முயற்சி செய்கிறார்கள். மேலும் , அதில் அருள்மொழி என்கிற எனது பெயரையும் சேர்த்திருக்கிறார்கள். இந்த போஸ்டருக்கும் எனக்கும் சம்பந்தம் இல்லை. இதனால், மன உளைச்சலுக்கு ஆளாகி இருக்கிறேன். இந்நிலையில், இந்த விவகாரம் தொடர்பாக காவல் நிலையத்தில் புகார் அளிக்க உள்ளேன் என்றும் பாஜக நிர்வாகி அருள்மொழி தெரிவித்துள்ளார். </p>
<blockquote class="twitter-tweet">
<p dir="ltr" lang="ta">"எனது பெயரை தவறாக பயன்படுத்தி அமித்ஷா அவர்களை இழிவாக ஓட்டப்பட்ட போஸ்டருக்கும் எனக்கும் சம்பந்தமில்லை...போலீஸ் கம்ப்ளைன்ட் கொடுக்கப் போகிறேன்" - அருள்மொழி <br /><br />சன் டிவி, தந்தி டிவி போன்ற விபச்சாரி மீடியாக்ககளின் போடும் போலி செய்தியை பரப்பினா ஜெயிலு தான்!! <a href="https://t.co/VHAT7SyQoe">pic.twitter.com/VHAT7SyQoe</a></p>
— Praveen Kumar G.L🧡💚 (@praveen_kgl) <a href="https://twitter.com/praveen_kgl/status/1897937095538487778?ref_src=twsrc%5Etfw">March 7, 2025</a></blockquote>
<p>
<script src="https://platform.twitter.com/widgets.js" async="" charset="utf-8"></script>
</p>
<p>இந்நிலையில், மத்திய அமைச்சர் அமித்ஷா தொடர்பான போஸ்டரில் , அமித்ஷாவுக்கு பதிலாக நடிகர் சந்தான பாரதியின் படம் ஒட்டப்பட்டிருப்பது, மீண்டும் சர்ச்சையாகி உள்ள நிலையில், சிலர் அமித்ஷாவுக்கும் நடிகருக்கும் வித்தியாசம் தெரியாமல் போஸ்டர் ஒட்டிவிட்டு , இப்போது சமாளிக்கிறார்கள் என்றும் கூறுகின்றனர். இதை வேண்டும் என்றே ஒட்டியது எதிர்க்கட்சியினரா என்றும் சிலர் கேள்விகள் எழுப்புகின்றன. </p>
9 months ago
8 
