நவராத்திரி ஸ்பெஷல்! தஞ்சை பூம்புகாரில் கண்கவர் கொலு பொம்மைகள் விற்பனை!

<p style="text-align: justify;">தஞ்சாவூர்: நவராத்திரி பண்டிகையை முன்னிட்டு தஞ்சாவூர் பூம்புகார் விற்பனை நிலையத்தில் கொலு பொம்மைகள் கண்காட்சி மற்றும் விற்பனையை மாவட்ட கலெக்டர் ரேவதி நேற்று தொடங்கி வைத்தார். இக்கண்காட்சியில் பல்வேறு மாநிலங்களைச் சேர்ந்த பாரம்பரிய கொலு பொம்மைகள் விற்பனைக்கு வைக்கப்பட்டுள்ளன. அனைத்து பொம்மைகளுக்கும் 10 சதவீதம் தள்ளுபடி அறிவிக்கப்பட்டுள்ளது.</p> <p style="text-align: justify;"><strong><br /><img src="https://feeds.abplive.com/onecms/images/uploaded-images/2026/09/28/e00c8f67337ba3cd7142223a877dbe621790596760277733_original.jpg" /></strong></p> <p style="text-align: justify;"><strong>நவராத்திரி விழாவை முன்னிட்டு சிறப்பு கண்காட்சி</strong></p> <p style="text-align: justify;">இந்துக்களின் முக்கியமான பண்டிகைகளில் ஒன்றான நவராத்திரி விழா, நாடு முழுவதும் பல்வேறு பெயர்களில் கொண்டாடப்படுகிறது. தமிழ்நாட்டில் நவராத்திரி என்றும், கர்நாடகத்தில் தசரா என்றும், குஜராத்தில் தாண்டியா என்றும், மேற்கு வங்கம் மற்றும் வட இந்தியாவின் பல பகுதிகளில் துர்கா பூஜை என்றும் இந்த விழா கொண்டாடப்படுகிறது.</p> <p style="text-align: justify;">நவராத்திரி விழாவின் முக்கிய அம்சங்களில் ஒன்றாக வீடுகளில் கொலு பொம்மைகளை படிக்கட்டுகளில் அடுக்கி வைத்து வழிபடுவது வழக்கமாக உள்ளது. இதற்காக பல்வேறு வகையான பாரம்பரிய கொலு பொம்மைகளை பொதுமக்கள் ஆர்வத்துடன் வாங்கிச் செல்கின்றனர்.</p> <p style="text-align: justify;">இதனை முன்னிட்டு, தமிழ்நாடு அரசின் கைத்திறன் தொழில்கள் வளர்ச்சிக் கழகமான பூம்புகார் நிறுவனம் ஆண்டுதோறும் கொலு பொம்மைகள் கண்காட்சியை நடத்தி வருகிறது. கைவினைக் கலைஞர்களின் தயாரிப்புகளுக்கு சந்தை வாய்ப்பை ஏற்படுத்துவதுடன், பொதுமக்கள் ஒரே இடத்தில் பல்வேறு வகையான பொம்மைகளை வாங்குவதற்கும் இந்தக் கண்காட்சி வழிவகுக்கிறது.</p> <p style="text-align: justify;"><br /><img src="https://feeds.abplive.com/onecms/images/uploaded-images/2026/09/28/83752b33fb03dba3de3470451fe1bfd71790596785255733_original.jpg" /></p> <p style="text-align: justify;"><strong>பல்வேறு மாநில பொம்மைகள் அணிவகுப்பு</strong></p> <p style="text-align: justify;">தஞ்சாவூர் பூம்புகார் விற்பனை நிலையத்தில் இந்த ஆண்டு நடைபெறும் கண்காட்சியில் களிமண், காகிதக்கூழ், பளிங்குத்தூள், மரம், கருங்கல் உள்ளிட்ட பல்வேறு பொருட்களால் தயாரிக்கப்பட்ட கொலு பொம்மைகள் விற்பனைக்கு வைக்கப்பட்டுள்ளன.</p> <p style="text-align: justify;">குறிப்பாக, ஸ்ரீரங்கம் சேர்த்தி சேவை, சுக்ரீவர் யுத்தம், நவதிருப்பதி செட், நவதுர்கா செட், தீச்சட்டி அம்மன், பூரி ஜெகநாதர் செட், துர்கை அம்மன், மஞ்சள் தாலி அம்மன், ஏகபாத மூர்த்தி, பால மீனாட்சி, ஆண்டாள் கிருஷ்ணா, ஐஸ்வர்ய லட்சுமி செட், சென்னை கபாலீஸ்வரர் கற்பகாம்பாள், கஜசம்ஹார மூர்த்தி, திருமங்கை ஆழ்வார், பிரகலாதன் செட், ராவணப் போர் செட், கும்பாபிஷேகம் செட், நவ நடராஜர், சித்தர்கள் மற்றும் ராமாயண செட் உள்ளிட்ட பல்வேறு சிறப்பு பொம்மைகள் இடம்பெற்றுள்ளன.</p> <p style="text-align: justify;">தமிழ்நாட்டின் பல்வேறு பகுதிகளிலிருந்தும், ராஜஸ்தான், கொல்கத்தா, புனே, புதுடெல்லி உள்ளிட்ட பிற மாநிலங்களிலிருந்தும் பொம்மைகள் வரவழைக்கப்பட்டுள்ளன. மேலும், கொல்கத்தா களிமண் பொம்மைகள், சென்னப்பட்டினா மர பொம்மைகள், ஒட்டிகோப்பா பொம்மைகள், டிரஸ்ஸிங் டால்ஸ் உள்ளிட்ட புதுமையான பொம்மைகளும் விற்பனைக்கு வைக்கப்பட்டுள்ளன.</p> <p style="text-align: justify;"><strong>அனைத்து பொம்மைகளுக்கும் 10 சதவீதம் தள்ளுபடி</strong></p> <p style="text-align: justify;">இந்தக் கண்காட்சி அக்டோபர் 31-ம் தேதி வரை தினமும் காலை 10 மணி முதல் இரவு 8 மணி வரை நடைபெறுகிறது. ஞாயிற்றுக்கிழமைகளிலும் கண்காட்சி செயல்படும்.</p> <p style="text-align: justify;">கண்காட்சியில் இடம்பெற்றுள்ள அனைத்து கொலு பொம்மைகளுக்கும் 10 சதவீதம் தள்ளுபடி வழங்கப்படுகிறது. மேலும், கடன் அட்டைகள் மூலம் சேவைக் கட்டணமின்றி பணம் செலுத்தும் வசதியும் ஏற்படுத்தப்பட்டுள்ளது.</p> <p style="text-align: justify;">கடந்த ஆண்டு நடைபெற்ற கொலு பொம்மைகள் கண்காட்சியில் ரூ.20 லட்சம் விற்பனை இலக்கு நிர்ணயிக்கப்பட்ட நிலையில், ரூ.25 லட்சத்துக்கு பொம்மைகள் விற்பனையாகின.</p> <p style="text-align: justify;">இதையடுத்து, இந்த ஆண்டு ரூ.40 லட்சம் மதிப்பிலான விற்பனையை எட்ட இலக்கு நிர்ணயிக்கப்பட்டுள்ளது.</p> <p style="text-align: justify;"><strong>கலெக்டர் தொடங்கி வைத்தார்</strong></p> <p style="text-align: justify;">தஞ்சாவூர் பூம்புகார் விற்பனை நிலையத்தில் நடைபெற்ற கொலு பொம்மைகள் கண்காட்சி மற்றும் விற்பனையை மாவட்ட கலெக்டர் ரேவதி தொடங்கி வைத்தார். நிகழ்ச்சியில் பூம்புகார் விற்பனை நிலைய மேலாளர் சக்திதேவி மற்றும் அதிகாரிகள் கலந்து கொண்டனர்.</p> <p style="text-align: justify;">நவராத்திரி விழாவை சிறப்பாகக் கொண்டாட விரும்பும் பொதுமக்கள், பல்வேறு வடிவங்களில் தயாரிக்கப்பட்ட பாரம்பரிய கொலு பொம்மைகளை ஒரே இடத்தில் வாங்கிச் செல்லும் வகையில் இந்தக் கண்காட்சி ஏற்பாடு செய்யப்பட்டுள்ளது. இதன் மூலம் கைவினைக் கலைஞர்களின் வாழ்வாதாரத்துக்கும், அவர்களின் கலைப்படைப்புகளுக்கான சந்தை வாய்ப்புக்கும் ஆதரவு கிடைக்கும் என எதிர்பார்க்கப்படுகிறது.</p>