தவேக - நாதக கூட்டணியா? விஜய் தான் முடிவு எடுக்கவேண்டும் - சீமான் பேட்டி

<p style="text-align: justify;">சென்னை திருவான்மியூர் பகுதியில் நேற்று நாம் தமிழர் கட்சி தென் சென்னை மாவட்ட கலந்தாய்வு கூட்டம் நடைபெற்றது. இந்த கலந்தாய்வு கூட்டத்தில் பல்வேறு கருத்துக்கள் விவாதிக்கப்பட்டது. இதனைத் தொடர்ந்து செய்தியாளர்களை சந்தித்த <strong>நாம் தமிழர் கட்சி ஒருங்கிணைப்பாளர் சீமான் பேசியது..</strong></p> <p style="text-align: justify;">இந்த கலந்தாய்வு கூட்டத்தில் கட்சியை மேலும் பலப்படுத்துவதும், வருகின்ற உள்ளாட்சி மற்றும் சட்டமன்ற தேர்தல்களை எவ்வாறு எதிர்கொள்வது. அதற்கான களப்பணிகள் எவ்வாறு மேற்கொள்ள வேண்டும் என விரிவாக ஆலோசிக்கப்பட்டது.&nbsp;</p> <p style="text-align: justify;"><strong>உங்களுடைய தூண்டல் பெயரில் தான் கட்சி நிர்வாகிகள் அவதூறாக சமூக வளைதலங்களில் எழுதுகின்றனர் என்ற திருச்சி எஸ்.பி புகார் குறித்த கேள்விக்கு..</strong></p> <p style="text-align: justify;">என்னை பற்றி எவ்வளவு அவதூறு எழுதுகின்றனர், அதெல்லாம் இவர் சொல்லி தான் எழுதுகின்றனர் என்று சொல்லவா.. அல்லது இவர் நேசிக்கும் தலைமை சொல்லி தான் எழுதுகின்றனர் என்று சொல்லலாமா..&nbsp;&nbsp;</p> <p style="text-align: justify;">என் குடும்பத்தை பற்றி என் தாயை பற்றி எவ்வளவு இழிவாக பேசுகின்றனர்.&nbsp; அதற்கு நான் ஏதாவது பதில் பேசுகின்றேனா இல்லை.&nbsp; நான் அனைத்தையும் கடந்து போகிறேன்.&nbsp;</p> <p style="text-align: justify;">திடீரென வந்து நான் சொல்லி தான் எழுதுகின்றனர் என்று சொல்வது எப்படி என்னால் ஏற்றுகொள்ள முடியும்.&nbsp; எனக்கு இதுவா வேலை? நான் கொள்கைக்காக போரடிக்கொண்டிருக்கிறேன்.&nbsp;</p> <p><br /><img style="display: block; margin-left: auto; margin-right: auto;" src="https://feeds.abplive.com/onecms/images/uploaded-images/2024/08/19/734bd0c462fef91389ac48801c4646c41724047475324184_original.jpg" /></p> <p style="text-align: justify;">நான் எந்த பின்புலத்தில் இருந்து எவ்வளவு பெரிய கனவை கொண்டு வந்து வேலை செய்து கொண்டிருக்கிறேன்.&nbsp; இந்த மண்ணில் நடந்த எந்த போராட்டதில் நான் நிற்கவில்லை என்று நினைக்கிறீர்கள்</p> <p style="text-align: justify;">ஆகையால் இதெல்லாம் சும்மா&hellip; நீங்களே fake id ஐ உருவாக்கி நீங்கலே திட்டிக்கிட்டு அதற்கு பதில் போட்டுவிட்டு, நாம் தமிழ் கட்சி தான் என்று சொன்னால் யார் கண்டுபிடிக்க முடியும்?</p> <p style="text-align: justify;">எங்கள் கட்சி நிர்வாகிகளுக்கு அது வேலை இல்லை அதெல்லாம் செய்யமாட்டார்கள். அப்படி செய்பவர்களை உடனே கட்சியை விட்டு நீக்கியிருக்கிறேன். கடந்த காலத்தை பார்த்தால் உங்களுக்கு தெரியும்.</p> <p style="text-align: justify;">இப்படியெல்லாம் எழுத நான் கட்சி நடத்தவில்லை... ஆனாலும் இத்தகைய பதிவை நாங்கள் கண்டிக்கிறோம் கட்சியை விட்டு நீக்குகிறோம். எத்தனையோ வழக்கை பார்த்தாச்சு,&nbsp; அதில் இந்த வழக்கும் இன்று அவ்வளவுதான்.&nbsp;</p> <p style="text-align: justify;"><strong>2026 சட்டமன்ற தேர்தலில் தவேக - நாதக கூட்டணியா?</strong></p> <p style="text-align: justify;">தம்பி விஜய் அரசியல் கட்சி ஆரம்பித்துள்ளார். அதற்கான பணிகளை செப்டம்பர் மாதம் முதல் தீவிரமாக செயல்படுத்த உள்ளார். மேலும் வருகின்ற 2026 சட்டமன்ற தேர்தலில் எதிர்நோக்கி தம்பி விஜய் அரசியல் பயணத்தை தொடங்கியுள்ளார் .</p> <p style="text-align: justify;">விஜய்யுடன் கூட்டணி சேர்வது குறித்து தற்போது எந்த முடிவும் எடுக்கவில்லை. மேலும் தேர்தல் நெருங்கும் சமயத்தில் அது குறித்து ஆலோசனை செய்யப்படும். தம்பி <a title="விஜய்" href="https://tamil.abplive.com/topic/vijay" data-type="interlinkingkeywords">விஜய்</a> தான் கூட்டணி குறித்து முடிவு எடுக்க வேண்டும் என்றார்</p>