<p class="p2">சூப்பர் ஸ்டார் ரஜினிகாந்த் நடிப்பில் நெல்சன் திலீப்குமார் இயக்கியுள்ள<span class="s1"> ‘</span>ஜெயிலர்<span class="s1"> 2’ </span>திரைப்படத்தின் முழு ஆல்பம் இன்று வெளியாகியுள்ளது<span class="s1">. </span>சன் பிக்சர்ஸ் தயாரித்துள்ள இப்படத்திற்கு அனிருத் இசையமைத்துள்ளார்<span class="s1">. </span>மொத்தம்<span class="s1"> 12 </span>பாடல்கள் இடம்பெற்றுள்ள இந்த ஆல்பத்தில் ஏற்கெனவே<span class="s1"> 7 </span>பாடல்கள் ரசிகர்களிடம் சென்றடைந்த நிலையில்<span class="s1">, </span>மீதமுள்ள<span class="s1"> 5 </span>பாடல்களும் தற்போது வெளியாகியுள்ளன<span class="s1">. ‘</span>ஜெயிலர்<span class="s1"> 2’ </span>திரைப்படம் வரும் அக்டோபர்<span class="s1"> 15</span>ஆம் தேதி திரையரங்குகளில் வெளியாகிறது<span class="s1">.</span></p>
<h2 class="p2">ஜெயிலர் 2 ஆல்பம் ரிவியு</h2>
<p class="p2">முன்னதாக வெளியான<span class="s1"> 7 </span>பாடல்களில்<span class="s1"> ‘</span>அல போலேலோ<span class="s1">’, ‘</span>ஒன் நேம்<span class="s1">’, ‘</span>ஒன் சன் ஒன் மூன்<span class="s1">’, ‘</span>ஜெயிலர்<span class="s1"> 2 </span>தீம்<span class="s1">’, ‘</span>ஹுக்கும் ரீலோடட்<span class="s1">’, ‘</span>திலீப் தீம்<span class="s1">’, ‘</span>பிந்தாஸ்<span class="s1">’ </span>ஆகியவை இடம்பெற்றுள்ளன<span class="s1">. ‘</span>அலா போலேலோ<span class="s1">’ </span>பாடலை அருண்ராஜா காமராஜ் எழுதியுள்ளார்<span class="s1">. ‘</span>ஒன் நேம்<span class="s1">’ </span>பாடலுக்கு ஹைசன்பெர்க் வரிகள் எழுதியுள்ள நிலையில்<span class="s1">, ‘</span>ஒன் சன் ஒன் மூன்<span class="s1">’ </span>பாடலை ஹைசன்பெர்க் மற்றும் சூப்பர் சுப்பு இணைந்து எழுதியுள்ளனர்<span class="s1">. </span>இதில் அனிருத் மற்றும் எம்<span class="s1">.</span>எஸ்<span class="s1">.</span>கிருஷ்ணா பாடியுள்ளனர்<span class="s1">.</span></p>
<p class="p2">இந்நிலையில் தற்போது வெளியாகியுள்ள<span class="s1"> 5 </span>புதிய பாடல்களில் முதலில் கவனம் பெறுவது</p>
<p class="p2"><span class="s1"><strong>‘வேற</strong></span><strong>மாரி</strong><span class="s1"><strong>’</strong>. இயக்குநர் நெல்சனின் புகழ்பெற்ற வசனமான 'வேறமாரி' என்கிற வார்த்தையை</span> பாடலாக மாற்றியிருக்கிறார்கள். <span class="s1"> </span>முழுக்க முழுக்க ஃபன் மற்றும் ராப் கலந்து இந்த பாடம் அமைந்துள்ளது<span class="s1">. </span>இதில்<span class="s1"> “</span>எங்கள கூட்டிட்டு வந்து கூட்டிட்டு போறது ஈஸி இல்ல<span class="s1">... </span>கஷ்டம்<span class="s1">” </span>என்ற புஸ்ஸி ஆனந்த் பேசிய வரியும் இடம்பெற்றுள்ளது<span class="s1">. </span><span class="s1">. </span>இந்தப் பாடலுக்கு தமிழ்ஆதவன் வரிகள் எழுதியுள்ளார்<span class="s1">.</span></p>
<p class="p2">அடுத்ததாக<span class="s1"> <strong>‘</strong></span><strong>நேற்று</strong> <strong>போனவை</strong><span class="s1"><strong>’</strong> </span>இடம்பெற்றுள்ளது<span class="s1">. முதல் பாகத்தில் ரத்தமாரே பாடலைப் போல் இந்த பாகத்தில் இந்த பாடல் என்று சொல்லலாம். </span>கடந்த காலத்தை கடந்து செல்ல வேண்டும் என்ற கருத்தை மையமாகக் கொண்டுள்ள இந்த உணர்வுப்பூர்வமான பாடலை சங்கர் மகாதேவன் பாடியுள்ளார்<span class="s1">. </span>பாடலுக்கு விக்னேஷ் சிவன் வரிகள் எழுதியுள்ளார்<span class="s1">. </span></p>
<p class="p2"><span class="s1"><strong>‘</strong></span><strong>புட்டாப்பு</strong> <strong>கேங்</strong><span class="s1"><strong>’</strong> </span>பாடலும் ஃபன் ஜோனில் அமைந்துள்ளது<span class="s1">. </span>இந்தப் பாடலுக்கும் தமிழ்ஆதவன் வரிகள் எழுதியுள்ளார்<span class="s1">.</span></p>
<p class="p2"><span class="s1"><iframe class="vidfyVideo" style="border: 0px;" src="https://tamil.abplive.com/web-stories/auto/do-you-know-carrying-luggage-on-top-of-car-is-a-crime-271721" width="631" height="381" scrolling="no"></iframe></span></p>
<p class="p2">அதேபோல்<span class="s1"> <strong>‘</strong></span><strong>ஷைத்தான்</strong><span class="s1"><strong>’</strong> </span>பாடல் ஏற்கெனவே வித்யா பாலனின் கதாபாத்திர அறிமுக வீடியோவில் இடம்பெற்றிருந்தது<span class="s1">. </span>தற்போது முழுப் பாடல் வெளியாகியுள்ளது<span class="s1">. </span>வில்லன் கதாபாத்திரத்தின் செயல்பாடுகளை விவரிக்கும் வகையில் அமைந்துள்ள இந்தப் பாடலின் பின்னணியில்<span class="s1"> ‘</span>வர்மன்<span class="s1">’ </span>கதாபாத்திரத்தின் தீம் இசையும் இணைக்கப்பட்டுள்ளது<span class="s1">. </span>இந்தப் பாடலை சூப்பர் சுப்பு மற்றும் விவேக் இணைந்து எழுதியுள்ளனர்<span class="s1">.</span></p>
<p class="p2">இறுதியாக<span class="s1"> <strong>‘</strong></span><strong>தில்</strong> <strong>ஹாரேயா</strong><span class="s1"><strong>’</strong> </span>என்ற இந்தி பாடல் இடம்பெற்றுள்ளது<span class="s1">. </span>இந்தப் பாடல் இந்தி வரிகளுடன் கிளாசிக்கல் இசைத் தன்மையில் உருவாகியுள்ளது<span class="s1">. </span>இதற்கு ரிதேஷ் ஜி<span class="s1">. </span>ராவ் வரிகள் எழுதியுள்ளார்<span class="s1">.</span></p>
<p class="p2">இதன்மூலம்<span class="s1"> ‘</span>ஜெயிலர்<span class="s1"> 2’ </span>ஆல்பத்தில் மாஸ் பாடல்கள் மட்டுமின்றி ராப்<span class="s1">, </span>எமோஷனல்<span class="s1">, </span>ஃபன் மற்றும் கிளாசிக்கல் இசை பாணிகளும் இடம்பெற்றுள்ளன<span class="s1">. ஜெயிலர் முதல் பாகத்தில் ஹுகும் , காவாலா போன்ற பாடல்கள் வெளியான உடனே வைரல் ஹிட் ஆகின. அதே போல ரத்தமாரே பாடல் படம் வெளியானப்பின் ரசிகர்களை கவர்ந்தது. முதல் பார்வைக்கு ஜெயிலர் 2 படத்தின் பாடல்கள் இதே அளவு கவர்கின்றனவா என்றால் சந்தேகம் தான். ஆனால் முதல் பாகத்தில் ஹிட் ஆகிய காரணத்தால் அதே மாதிரியான இசையை வழங்க முடிவு செய்யாமல் முற்றிலும் புதிய முயற்சியை அனிருத் இந்த ஆல்பத்தில் கையாண்டிருப்பது பாராட்டிற்குரியது. படம் வெளியானப் பின் இந்த பாடல்களின் பின்னணியுடன் கேட்கையில் நிச்சயம் நம்மை கவரும் என்று எதிர்பார்க்கலாம் </span></p>
<blockquote class="twitter-tweet">
<p dir="ltr" lang="en"><a href="https://x.com/hashtag/Jailer2?src=hash&ref_src=twsrc%5Etfw">#Jailer2</a> full album with 12 tracks is all yours 🤘🏻🕺💃<a href="https://t.co/jlqmPQ9mKY">https://t.co/jlqmPQ9mKY</a><br /><br />Love you all ❤️🙏🏻<br /><br />Superstar <a href="https://x.com/rajinikanth?ref_src=twsrc%5Etfw">@rajinikanth</a> <a href="https://x.com/Nelsondilpkumar?ref_src=twsrc%5Etfw">@Nelsondilpkumar</a> <a href="https://x.com/vidya_balan?ref_src=twsrc%5Etfw">@vidya_balan</a> <a href="https://x.com/iam_SJSuryah?ref_src=twsrc%5Etfw">@iam_SJSuryah</a> <a href="https://x.com/hashtag/SurajVenjaramoodu?src=hash&ref_src=twsrc%5Etfw">#SurajVenjaramoodu</a> <a href="https://x.com/meramyakrishnan?ref_src=twsrc%5Etfw">@meramyakrishnan</a> <a href="https://x.com/iYogiBabu?ref_src=twsrc%5Etfw">@iYogiBabu</a> <a href="https://x.com/mirnaaofficial?ref_src=twsrc%5Etfw">@mirnaaofficial</a> <a href="https://x.com/vijaykartikdop?ref_src=twsrc%5Etfw">@vijaykartikdop</a> <a href="https://x.com/Nirmalcuts?ref_src=twsrc%5Etfw">@Nirmalcuts</a> <a href="https://x.com/ChethanDsouza?ref_src=twsrc%5Etfw">@ChethanDsouza</a>… <a href="https://t.co/iUyiqaIqhW">pic.twitter.com/iUyiqaIqhW</a></p>
— Anirudh Ravichander (@anirudhofficial) <a href="https://x.com/anirudhofficial/status/2105319206359302509?ref_src=twsrc%5Etfw">September 30, 2026</a></blockquote>
<p class="p2"><span class="s1">
<script src="https://platform.x.com/widgets.js" async="" charset="utf-8"></script>
</span></p>
1 month ago
6 
