சோப் ஆர்டர் செய்தால் ஐபோன் பார்சல்; நூதன மோசடி- கோவையில் 7 பேர் கைது!

<p>கோவை நகரில் ஃப்ளிப்கார்ட் நிறுவனத்தில் பணிபுரியும் 7 ஊழியர்கள், நிறுவனத்திற்கு பெரும் இழப்பை ஏற்படுத்தியதாக, நூதன மோசடி வழக்கில் கைது செய்யப்பட்டுள்ளனர்.</p> <p>போத்தனூர் அருகே, மலுமிச்சம்பட்டி அடுத்த ஒக்கிலிபாளையத்தில், ஃபிளிப்கார்ட் நிறுவனத்தின் குடோன் உள்ளது. இங்கு வாடிக்கையாளர்கள் இருவர் வாங்கிய சோப்புப் பவுடர் திரும்பி வந்தது. அதில் சோப்பு பவுடருக்கு பதில், லேப்டாப் இருந்த தெரிய வந்தது.</p> <p>இதுதொடர்பான விசாரணையில், பொருட்கள் பேக்கிங் பிரிவில் பணிபுரியும், பொள்ளாச்சி விக்னேஷ், ராமநாதபுரம் கிஷோர்குமார், வெள்ளலூர் ஸ்ரீசஞ்சய், திருப்பூர் சிரஞ்சீவி, யோகேஷ், கேரள மாநிலம், கோழிக்கோடு ஆஷ்லா, முகமது ஆதில், அஞ்சலி ஆகியோர் பொருட்களை மாற்றியது தெரிந்தது.</p> <h2><strong>மோசடி</strong> <strong>நடந்தது எப்படி?</strong></h2> <p>முதலில், இவர்கள் சோப்பு, க்ளீனிங் பவுடர் போன்ற மலிவான பொருட்களை ஃபிளிப்கார்ட் மூலம் தங்கள் சொந்த முகவரிக்கு ஆர்டர் செய்துள்ளனர். பேக்கிங் பிரிவில், மலிவாக பொருட்களுக்கு பதிலாக விலையுயர்ந்த எலக்ட்ரானிக் பொருட்கள், குறிப்பாக ஐபோன் மற்றும் லேப்டாப்புகளை வைத்துள்ளனர்.</p> <p>தங்களுக்கு வந்த விலையுயர்ந்த பொருட்களைத் தங்களின் சொந்த பயன்பாட்டிற்காகவோ அல்லது வெளியே விற்பனை செய்வதற்காகவோ எடுத்துக் கொண்டுள்ளனர்.</p> <h2><strong>மோசடி</strong> <strong>வெளிச்சத்திற்கு</strong> <strong>வந்தது</strong> <strong>எப்படி</strong><strong>?</strong></h2> <p>கோவையைச் சேர்ந்த ஒரு வாடிக்கையாளர் லேப்டாப் ஆர்டர் செய்துள்ளார். அவருக்கு லேப்டாப்பிற்கு பதிலாக தவறுதலாக சோப்பு பார்சல் வந்துள்ளது. இதனால் அந்த வாடிக்கையாளர் நிறுவனத்திற்கு புகார் அளித்துள்ளார்.</p> <p>இந்த புகாரின் அடிப்படையில் ஃபிளிப்கார்ட் நிறுவனம் உள் விசாரணை நடத்தியது. விசாரணையில், இதேபோன்ற பல சம்பவங்கள் நடந்திருப்பதும், இது ஒரு திட்டமிட்ட மோசடி என்பதும் தெரியவந்தது.</p> <h2><strong>பொருட்கள் மீட்பு</strong></h2> <p>இதையடுத்து, லேப்டாப், மொபைல் போன், வாட்ச், ஷூ, கேமரா உள்ளிட்ட பல லட்சம் மதிப்புள்ள பொருட்கள் மீட்கப்பட்டன.</p> <p>புகாரின் அடிப்படையில் வழக்குப் பதிவு செய்த காவல் துறையினர், தீவிர விசாரணை நடத்தி 7 ஊழியர்களைக் கைது செய்தனர். பெண் ஊழியர் அஞ்சலியைத் தேடி வருகின்றனர். மேலும், இந்த மோசடியில் வேறு யாருக்காவது தொடர்பு உள்ளதா என்பது குறித்து விசாரணை நடைபெற்று வருகிறது. ஃப்ளிப்கார்ட் நிறுவனத்திலேயே ஊழியர்கள் நிகழ்த்திய மோசடி, பரபரப்பை ஏற்படுத்தி உள்ளது.&nbsp;</p> <p><iframe class="vidfyVideo" style="border: 0px;" src="https://tamil.abplive.com/web-stories/health/do-you-eat-bread-every-day-in-your-diet-is-it-healthy-238921" width="631" height="381" scrolling="no"></iframe></p>