<h2>குட் பேட் அக்லி</h2>
<p>ஆதிக் ரவிச்சந்திரன் இயக்கத்தில் அஜித் நடித்துள்ள குட் பேட் அக்லி படம் வரும் ஏப்ரல் 10 ஆம் தேதி வெளியாக இருக்கிறது. ஏப்ரல் 4 ஆம் தேதி இப்படத்தின் டிரைலர் வெளியாகி ரசிகர்களிடம் பெரிய எதிர்பார்ப்பை உருவாக்கியுள்ளது. . அர்ஜூன் தாஸ் ,பிரபு , த்ரிஷா , சுனில் , யோகிபாபு , ரெடின் கிங்ஸ்லி , ஜாக்கி ஷ்ராஃப் , பிரசன்னா , பிரியா பிரகாஷ் வாரியர் , சிம்ரன் என பெரும் நட்சத்திர பட்டாளம் இப்படத்தில் நடித்துள்ளார்கள். ஜிவி பிரகாஷ் இசையமைத்துள்ளார். </p>
<h2>அஜித் ரசிகர்கள் வைத்த 285 அடி கட் அவுட்</h2>
<p>அஜித் நடிப்பில் கடையாக விடாமுயற்சி திரைப்படம் வெளியானது. இப்படம் ரசிகர்களுக்கு பெரியளவில் கொண்டாட்டமான படமாக அமையவில்லை என்றுதான் சொல்ல வேண்டும். அந்த குறையை போக்கும் விதமாக முழுக்க முழுக்க மாஸ் ஆக்‌ஷன் திரைப்படமாக உருவாகியுள்ளது குட் பேட் அக்லி. இப்படத்திற்கான முன்பதிவுகள் படுவேகமாக நடைபெற்று வருகின்றன. குட் பேட் அக்லி படத்தின் ரிலீஸை பெரியளவில் கொண்டாட அஜித் ரசிகர்கள் தயாராகி வருகிறார்கள். திருநெல்வேலியில் அஜித் ரசிகர்கள் அஜித்திற்கு 285 அடி உயரத்தில் கட் அவுட் எழுப்பினார்கள். தமிழ்நாட்டில் சூர்யாவுக்கு 275 அடியில் அதிக உயரமான கட் அவுட் வைக்கப்பட்டது. அந்த சாதனையை முறியடிக்க திருநெல்வேலி பி.எஸ்.எஸ் திரையரங்கில் அஜித்திற்கு 285 அடியில் பிரம்மாண்ட கட் அவுட் வைக்கப்பட்டது. </p>
<h2>கட் அவுட் சரிந்து விழுந்த வீடியோ வைரல்</h2>
<p>இந்த கட் அவுட்டின் பனிகள் நடைபெற்று வந்த நிலையில் கடந்த ஏப்ரல் 6 ஆம் தேதி பாரம் தாங்காமல் கட் அவுட் சரிந்து விழுந்தது. கட் அவுட் அமைப்பதில் காட்டிய அலட்சியமே இந்த விபத்திற்கு காரணம் என தெரியவந்துள்ளது. அதிர்ஷ்டவசமாக இந்த விபத்தில் எந்த உயிரிழப்பும் ஏற்படவில்லை. இந்த கட் அவுட் சரிந்து விழுவதும் அருகில் இருந்த ரசிகர்கள் பதறி ஓடும் வீடியோவும் தற்போது சமூக வலைதளத்தில் வைரலாகி வருகிறது. </p>
<blockquote class="twitter-tweet">
<p dir="ltr" lang="in">Namaku yethuku intha vela!!🤦‍♂️<br /><br /><a href="https://t.co/jzVcKO1n1P">pic.twitter.com/jzVcKO1n1P</a></p>
— Christopher Kanagaraj (@Chrissuccess) <a href="https://twitter.com/Chrissuccess/status/1908894993500037159?ref_src=twsrc%5Etfw">April 6, 2025</a></blockquote>
<p>
<script src="https://platform.twitter.com/widgets.js" async="" charset="utf-8"></script>
</p>
<p>பெரிய ஸ்டார்களின் படங்கள் வெளியாகையில் கட் அவுட் சரிந்து விழுவது , கூட்ட நெரிசலில் சிக்கி உயிரிழப்புகள் கடந்த சில ஆண்டுகளில் குறைந்துள்ளன. சிறப்பு காட்சிகள் மற்றும் கட் அவுட் வைப்பதில் தீவிர நிபந்தனைகளை அரசு கடைபிடித்து வருகிறது. இப்படியான நிலையில் இந்த விபத்து அனைவருக்கும் அதிர்ச்சியை ஏற்படுத்தியுள்ளது. மேலும் இந்த நிகழ்வால் குட் பேட் அக்லி சிறப்பு காட்சிகளுக்கு தமிழ்நாடு அரசு அனுமதி வழங்குமா என்கிற கேள்வியும் எழுந்துள்ளது</p>
<p><iframe class="vidfyVideo" style="border: 0px;" src="https://tamil.abplive.com/web-stories/health/when-is-the-right-time-to-eat-watermelon-know-all-about-its-benefits-220572" width="631" height="381" scrolling="no"></iframe></p>
8 months ago
8 
