செல்லூர் ராஜு முதல் திண்டுக்கல் சீனிவாசன் வரை... திருமாவுக்கு பதிலடி கொடுத்த தவெக ராஜ்மோகன்!

<p style="text-align: justify;">"காலம் காலமாக ஆட்சியில் பங்கு வேண்டும் என திருமாவளவன் பேச்சுக்கு அதை கொடுப்பதற்கு, ஒரு மனம் வேண்டும் என காஞ்சிபுரம் மாவட்டம் வாலாஜாபாத் பகுதியில், நடைபெற்ற 3 ஆம் ஆண்டு துவக்க தவெக விழா பொது கூட்டத்தில் துணை பொதுச்செயலார் ராஜ்மோகன் பேட்டி அளித்துள்ளார்."</p> <h3 style="text-align: justify;">மூன்றாம் ஆண்டில் தவெக</h3> <p style="text-align: justify;">தமிழக வெற்றி கழகத்தை தலைவர் விஜய் கட்சி தொடங்கி இரண்டு ஆண்டுகள் நிறைவடைந்து, நேற்று மூன்றாம் ஆண்டில் அடியெடுத்து வைத்துள்ளது. சென்னையில் நடைபெற்ற பிரம்மாண்ட விழாவில் தலைவர் விஜய் பங்கேற்று அரசியல் விமர்சனங்களை முன்வைத்த நிலையில், தமிழகம் முழுவதும் அக்கட்சியினர் பொதுக்கூட்டங்களை நடத்தி வருகின்றனர். அந்த வகையில், காஞ்சிபுரம் மாவட்டம் வாலாஜாபாத் பேருந்து நிலையத்தில் கட்சியின் மூன்றாம் ஆண்டு துவக்க விழா பொதுக்கூட்டம் நடைபெற்றது.</p> <h4 style="text-align: justify;">நலத்திட்ட உதவிகள்</h4> <p style="text-align: justify;">இந்த விழாவிற்கு தமிழக வெற்றி கழகத்தின் துணைப் பொதுச் செயலாளர் ராஜ்மோகன் தலைமை தாங்கினார். செய்தி மற்றும் மக்கள் தொடர்பு மாநில ஒருங்கிணைப்பாளர்கள் கேத்தரின் பாண்டியன் மற்றும் ரமேஷ் ஆகியோர் முன்னிலை வகித்து சிறப்புரையாற்றினர். விழாவின் ஒரு பகுதியாக, பொதுமக்களின் வாழ்வாதாரத்தை மேம்படுத்தும் நோக்கில் தையல் இயந்திரங்கள், இஸ்திரிப் பெட்டிகள் உள்ளிட்ட பல்வேறு நலத்திட்ட உதவிகள் வழங்கப்பட்டன. நிகழ்ச்சியில் பேசிய நிர்வாகிகள், மத்திய மற்றும் மாநில அரசுகளின் செயல்பாடுகள் குறித்துக் கடுமையான விமர்சனங்களை முன்வைத்தனர்.</p> <h3 style="text-align: justify;">அரசியல் தலைவர்களுக்கு ராஜ்மோகனின் பதிலடி</h3> <p style="text-align: justify;">நிகழ்ச்சிக்கு பின் செய்தியாளர்களைச் சந்தித்த துணைப் பொதுச்செயலாளர் ராஜ்மோகன், மாற்று அரசியல் தலைவர்களின் விமர்சனங்களுக்குத் தகுந்த பதிலளித்தார்.&nbsp;</p> <p style="text-align: justify;">நைனார் நாகேந்திரனின் கருத்திற்குப் பதிலளித்த அவர், தமிழினத்திற்காகவும் நாட்டுப்புறக் கலைஞர்களை ஊக்குவிக்கவும் மட்டுமே நடிகர் விஜய் மேடையில் ஆடினார் எனக் குறிப்பிட்டார். அதேபோல், முன்னாள் அமைச்சர்கள் திண்டுக்கல் சீனிவாசன் மற்றும் செல்லூர் ராஜு ஆகியோரின் பேச்சுகள் நகைச்சுவைக்காகப் பேசப்படுபவை என்றும், அவற்றை ஒரு விளம்பரத்தைப் போலப் பார்த்துவிட்டு கடந்து செல்லலாம் என்றும் தெரிவித்தார்.</p> <h3 style="text-align: justify;">கூட்டணி மற்றும் ஆட்சியில் பங்கு குறித்த விளக்கம்</h3> <p style="text-align: justify;">கூட்டணி குறித்த கேள்விகளுக்குப் பதிலளித்த ராஜ்மோகன், காங்கிரஸ் உடனான கூட்டணி பற்றி நாஞ்சில் சம்பத் கேட்ட கேள்விக்கு விளக்கம் அளிக்கப்பட்டதே தவிர, கூட்டணி குறித்த முடிவை சம்பந்தப்பட்ட கட்சிகளே எடுக்க வேண்டும் என்றார். மேலும், திருமாவளவன் ஆட்சியில் பங்கு கோருவது குறித்துப் பேசிய அவர், அதிகாரம் என்பது கேட்டுப் பெறுவது அல்ல, அது தானாகத் தரப்பட வேண்டிய ஒன்று; அதற்கு ஒரு பெரிய மனம் வேண்டும் என்று சுட்டிக்காட்டினார். இறுதியாக, கட்சியின் அடுத்தகட்ட நகர்வுகள் மற்றும் முக்கிய முடிவுகளை இன்னும் சில நாட்களில் தலைவர் <a title="விஜய்" href="https://tamil.abplive.com/topic/vijay" data-type="interlinkingkeywords">விஜய்</a> அதிகாரப்பூர்வமாக அறிவிப்பார் என்று கூறி முடித்தார்.</p>