செட்டில் துள்ளி குதிக்கும் ரஜினி..அஸ்வத் மாரிமுத்து பகிர்ந்த தகவல்

<p class="p1">சூப்பர் ஸ்டார் ரஜினிகாந்த் நடிப்பில் உருவாகி வரும்<span class="s1"> &lsquo;</span>தர்மன்<span class="s1">&rsquo; </span>திரைப்படம் குறித்த எதிர்பார்ப்பு நாளுக்கு நாள் அதிகரித்து வருகிறது<span class="s1">. </span>சமீபத்தில் நிகழ்ச்சி ஒன்றில் இயக்குநர் அஸ்வத் மாரிமுத்து<span class="s1">, </span>ரஜினிகாந்துடன் பணியாற்றிய அனுபவங்களை பகிர்ந்து பேசியது ரசிகர்களிடையே கவனம் பெற்றுள்ளது<span class="s1">.</span></p> <p class="p1"><span class="s1">ரஜினி நடித்து வரும் அடுத்தடுத்த படங்களின் அப்டேட்கள் வெளியாகி ரஜினி ரசிகர்களுக்கு உற்சாகமளித்து வருகின்றன. சமீபத்தில் சிறப்பான ப்ரோமோவோடு ஜெயிலர் 2 படத்தின் ரிலீஸ் தேதி அறிவிக்கப்பட்டது. அடுத்தபடியாக அஸ்வத் மாரிமுத்து இயக்கத்தில் தர்மன் படத்தில் ரஜினி நடித்து வருகிறார். தர்மன் படத்தின் முதற்கட்ட படப்பிடிப்பு நடந்து வரும் நிலையில் படப்பிடிப்பில் ரஜினிகாந்துடன் பணியாற்றிய அனுபவம் பற்றி அஸ்வத் மாரிமுத்து பகிர்ந்துகொண்டுள்ளார்.</span></p> <h2 class="p1">செட்டில் துள்ளி குதிக்கும் ரஜினி</h2> <p class="p1">தர்மன் படம் குறித்து பேசிய அஸ்வத் மாரிமுத்து<span class="s1">, &ldquo;</span>இவ்வளவு பெரிய தயாரிப்பு நிறுவனத்தில்<span class="s1">, </span>ரஜினி சார் போன்ற மிகப்பெரிய நட்சத்திரத்தை வைத்து படம் இயக்குவது மிகப்பெரிய பொறுப்பு<span class="s1">. </span>படப்பிடிப்பு தளத்தில்கூட இந்த கூட்டணியை நினைத்தாலே எனக்கு பதற்றமாக இருக்கிறது என்று ரஜினி சாரிடம் சொன்னேன்<span class="s1">. </span>ஆனால் அவருடன் பணியாற்றியது மிக அற்புதமான அனுபவமாக இருந்தது<span class="s1">. </span>அவருக்கு வயதே ஆகவில்லை என்று தோன்றுகிறது<span class="s1">. </span>எப்போதும் உற்சாகமாக இருப்பார்<span class="s1">. </span>செட்டில் ஒரு குழந்தை மாதிரி துள்ளி குதித்துக் கொண்டிருக்கிறார்<span class="s1">. </span>அவருடைய கலகலப்பான இயல்பு முழு படப்பிடிப்பு தளத்தையும் உயிரோட்டமாக வைத்திருக்கும்<span class="s1">&rdquo; </span>என்று நெகிழ்ச்சியுடன் தெரிவித்தார்<span class="s1">.</span></p> <h2 class="p1">தர்மன் படக்குழு குறித்து</h2> <p class="p1">அதோடு<span class="s1">, &ldquo;</span>டிராகன் படத்தில் பணியாற்றிய அதே தொழில்நுட்பக் குழுவே தற்போது<span class="s1"> &lsquo;</span>தர்மன்<span class="s1">&rsquo; </span>படத்திலும் இணைந்துள்ளது<span class="s1">. </span>இந்த படம் தமிழ்நாட்டு ரசிகர்களுக்கு மட்டுமல்ல<span class="s1">, </span>இந்தியா முழுவதும் உள்ள ரசிகர்களுக்காக உருவாக்கப்படுகிறது<span class="s1">. </span>குறிப்பாக இது முழுக்க முழுக்க தலைவர் ரசிகர்களுக்கான படம்<span class="s1">. </span>ரஜினியின் ஸ்டைல்<span class="s1">, </span>ஸ்வேக்<span class="s1">, </span>ரசிகர்கள் அவரிடம் எதிர்பார்க்கும் அனைத்து அம்சங்களும் இதில் இருக்கும்<span class="s1">. </span>ரசிகர்களுக்கு இது மிகப்பெரிய விருந்தாக அமையும்<span class="s1">&rdquo; </span>என்றும் அவர் நம்பிக்கையுடன் கூறினார்<span class="s1">.</span></p> <p class="p1">ரஜினிகாந்தின்<span class="s1"> 173</span>வது படமாக உருவாகும் தர்மன் படத்தை ராஜ்கமல் பிலிம்ஸ் இன்டர்நேஷனல் நிறுவனம் சார்பில் <a title="கமல்ஹாசன்" href="https://tamil.abplive.com/topic/kamal-haasan" data-type="interlinkingkeywords">கமல்ஹாசன்</a> தயாரிக்கிறார்<span class="s1">. </span>ஆர்<span class="s1">. </span>மகேந்திரன் இணை தயாரிப்பாளராக உள்ளார்<span class="s1">. &lsquo;</span>ஓ மை கடவுளே<span class="s1">&rsquo;, &lsquo;</span>டிராகன்<span class="s1">&rsquo; </span>போன்ற வெற்றி படங்களை இயக்கிய அஸ்வத் மாரிமுத்து இந்த படத்தை இயக்குகிறார்<span class="s1">. </span>அனிருத் இசையமைக்க<span class="s1">, </span>அன்பறிவ் சண்டைக் காட்சிகளை வடிவமைக்கின்றனர்<span class="s1">. </span>நடிகைகள் சிம்ரன் மற்றும் ராஷி கண்ணா முக்கிய கதாபாத்திரங்களில் நடிக்கின்றனர்<span class="s1">.</span></p> <p class="p1"><span class="s1"><iframe class="vidfyVideo" style="border: 0px;" src="https://tamil.abplive.com/web-stories/auto/bajaj-cheapest-bike-platina-100-price-in-tamilnadu-and-mileage-details-266041" width="631" height="381" scrolling="no"></iframe></span></p>