"சிவனின் இளைய மகன் பெயர்கொண்டவரே மீண்டும் முதல்வர்" - ஓலைச்சுவடி ஆருடத்தால் பரபரப்பு!

<p style="text-align: justify;"><strong>வைத்தீஸ்வரன் கோயில்: </strong>தமிழகத்தின் ஆன்மீக பூமியான மயிலாடுதுறை மாவட்டம், வைத்தீஸ்வரன் கோயிலில் அமைந்துள்ள வைத்தியநாத சுவாமி ஆலயம் உலகப்புகழ் பெற்றது. நவகிரகங்களில் செவ்வாய் பகவானுக்குரிய பரிகாரத் தலமாக விளங்கும் இவ்வூரில், சித்தர்களால் அருளப்பட்ட 'நாடி ஜோதிடம்' பார்ப்பது ஒரு பிரதான தொழிலாகவும், பக்தர்களின் நம்பிக்கையாகவும் இருந்து வருகிறது.</p> <p style="text-align: justify;">இந்தியாவின் பல்வேறு மாநிலங்களில் இருந்தும், வெளிநாடுகளில் இருந்தும் நாள்தோறும் ஏராளமானோர் தங்கள் எதிர்காலத்தை அறிய இங்கு குவிந்து வருகின்றனர். மகா சிவ நாடி, அகத்தியர் நாடி, கௌசிக நாடி, பிருகு நாடி எனப் பல்வேறு சித்தர்களின் பெயர்களில் ஓலைச்சுவடிகள் மூலம் இங்கு பலன்கள் கணிக்கப்படுகின்றன.</p> <h3 style="text-align: justify;">நாடி ஜோதிடம் சொல்வது என்ன?</h3> <p style="text-align: justify;">தமிழகத்தில் அண்மையில் நடைபெற்று முடிந்த சட்டமன்றத் தேர்தல் முடிவுகள் குறித்து பெரும் எதிர்பார்ப்பு நிலவி வருகிறது. பல்வேறு ஊடகங்கள் மற்றும் தனியார் நிறுவனங்கள் தங்களின் தேர்தலுக்குப் பிந்தைய கருத்துக்கணிப்புகளை (Exit Polls) வெளியிட்டு வருகின்றன. இந்த நிலையில், வைத்தீஸ்வரன் கோயில் மகா சிவ நாடி ஜோதிடத்தில் தேர்தல் முடிவுகள் குறித்துக் கணிக்கப்பட்ட ஆருடம் தற்போது தமிழக அரசியலில் பெரும் விவாதத்தை ஏற்படுத்தியுள்ளது.</p> <p style="text-align: justify;">நடந்து முடிந்த தேர்தலில் எந்தக் கட்சி வெற்றி பெறும்? அடுத்த முதலமைச்சர் யார்? என்பது குறித்து மகா சிவ நாடி ஜோதிடத்தில் 'ஆருட காண்டம்' பார்க்கப்பட்டது. அப்போது, சிவபெருமான் பாடல் வடிவில் அருளியதாகக் கூறப்படும் ஓலைச்சுவடியில் ஒரு முக்கிய தகவல் இடம்பெற்றுள்ளது.</p> <h3 style="text-align: justify;">நாடிச் சுவடியின் பாடல் வரிகள்</h3> <p style="text-align: justify;">"சிவனின் இளைய மகன் பெயர் கொண்ட நபர், நல்லவர்கள் துணையுடன் மீண்டும் முதலமைச்சராகப் பதவியேற்பார்" என்று அந்த ஓலைச்சுவடியில் குறிப்பிடப்பட்டுள்ளதாக நாடி ஜோதிடர்கள் தெரிவிக்கின்றனர். முந்தைய கணிப்புகளும் தற்போதைய முடிவும் இதுகுறித்து மகா சிவ நாடி ஜோதிடர் சிவசாமி செய்தியாளர்களிடம் விரிவாக விளக்கமளித்தார். அவர் கூறியதாவது:</p> <p style="text-align: justify;">"நாடி ஜோதிடம் என்பது சித்தர்களால் ஓலைச்சுவடிகளில் எழுதப்பட்ட தீர்க்கதரிசனம். இது பல நேரங்களில் வியக்கத்தக்க வகையில் உண்மையாகியுள்ளது. கடந்த 2021-ம் ஆண்டு சட்டமன்றத் தேர்தலின் போது, மு.க. ஸ்டாலின் முதலமைச்சராகப் பொறுப்பேற்பார் என்று நாடியில் வந்தது; அது அப்படியே நிகழ்ந்தது. அதேபோல், 2024-ம் ஆண்டு நாடாளுமன்றத் தேர்தலில் நரேந்திர மோடி மூன்றாவது முறையாகப் பிரதமராகப் பதவியேற்பார் எனப் பார்க்கப்பட்டது; அதுவும் பலித்தது.</p> <p style="text-align: justify;">தற்போது வெளியாகியுள்ள சுவடியில், 'சிவனின் இளைய மகன்' என்ற குறிப்பு உள்ளது. சிவனின் இளைய மகன் என்பது முருகப் பெருமானைக் குறிக்கும். தமிழக அரசியலில் 'முருகன்' என்ற பெயரைக் கொண்ட முக்கியத் தலைவர்கள் மற்றும் அந்தப் பெயரின் பின்னணியைக் கொண்ட கூட்டணிகளை இது குறிக்கிறது. இதன் மூலம், தேசிய ஜனநாயகக் கூட்டணியின் (NDA) ஆதரவுடன் எடப்பாடி பழனிசாமி மீண்டும் முதலமைச்சராகப் பொறுப்பேற்பார் என்பது இதன் பொருளாகும்," என்று அவர் தெரிவித்தார்.</p> <h3 style="text-align: justify;">அரசியல் வட்டாரத்தில் கிளம்பும் விவாதங்கள்</h3> <p style="text-align: justify;">பொதுவாகவே தேர்தல் காலங்களில் ஜோதிடக் கணிப்புகளும், எண்கணித முடிவுகளும் வாக்காளர்கள் மற்றும் தொண்டர்கள் மத்தியில் ஆர்வத்தைத் தூண்டுவது வழக்கம். ஆனால், வைத்தீஸ்வரன் கோயில் நாடி ஜோதிடம் என்பது நீண்ட கால வரலாற்றைக் கொண்டது என்பதால், தற்போது வெளியாகியுள்ள இந்த ஆருடம் சமூக வலைதளங்களில் வைரலாகி வருகிறது.</p> <h3 style="text-align: justify;">முடிவை எதிர்நோக்கி தமிழகம்</h3> <p style="text-align: justify;">தேர்தலுக்குப் பிந்தைய கணிப்புகள் ஒரு பக்கம் சாதக பாதகமாகத் தென்பட்டாலும், ஆன்மீக ரீதியிலான இந்த நாடி ஜோதிடக் கணிப்பு அதிமுக மற்றும் அதன் கூட்டணிக் கட்சியினரிடையே புதிய உற்சாகத்தை ஏற்படுத்தியுள்ளது. அதே சமயம், பகுத்தறிவு மற்றும் அரசியல் யதார்த்தத்தை நம்புவோர், "மக்களின் தீர்ப்பே இறுதியானது, மே 4-ம் தேதி வரை பொறுத்திருந்துதான் பார்க்க வேண்டும்" என்று கருத்து தெரிவித்து வருகின்றனர்.</p> <p style="text-align: justify;">வைதீஸ்வரன் கோயில் நாடி ஜோதிடத்தின் இந்த 'ஆருட காண்டம்' உண்மையிலேயே பலிக்குமா அல்லது அரசியல் மாற்றங்கள் வேறு விதமாக அமையுமா என்பது இன்னும் சில தினங்களில் தெரிந்துவிடும். அதுவரை, இந்த ஓலைச்சுவடிப் பாடல் தமிழகத்தின் பட்டிதொட்டியெங்கும் பேசுபொருளாகவே இருக்கும் என்பதில் ஐயமில்லை.</p>