<p class="p1">போர்ச்சுகலின் போர்டிமாவோ சர்க்யூட்டில் நடைபெறும் மிச்செலின் லீ மான்ஸ் கப் தொடரின் இறுதிச்சுற்றில் அஜித்தின் அணி பங்கேற்கிறது<span class="s1">. இதற்கு ரசிகர்களின் ஆதரவு கேட்டு நடிகர் அஜித் வீடியோ வெளியிட்டிருந்த நிலையில் இதற்கு அஜித் ரசிகர்கள் செம ரகளையான பதில்களை கொடுத்து வருகிறார்கள். </span></p>
<p class="p1">நடிகர் அஜித் இந்த ஆண்டு பல்வேறு சர்வதேச கார் பந்தயங்களில் பங்கேற்றுள்ளார்<span class="s1">. </span>ஏப்ரலில் ஸ்பெயினின் பார்சிலோனாவில் நடைபெற்ற மிச்செலின் லீ மான்ஸ் கப் சுற்றில் அஜித்தின் அணி பங்கேற்றது<span class="s1">. </span>தொடர்ந்து பெல்ஜியத்தின் ஸ்பா<span class="s1">-</span>ஃபிராங்கோர்சாம்ப் பந்தயத்தில் அஜித் ரெட் ஆன்ட் ரேசிங் அணி இரண்டாவது இடத்தைப் பிடித்தது<span class="s1">.<span class="Apple-converted-space"> </span></span>செப்டம்பர் மாதம் லண்டன் சில்வர்ஸ்டோனில் நடைபெற்ற மிச்செலின் லீ மான்ஸ் கப் பந்தயத்திலும் அஜித்தின் அணி பங்கேற்றது<span class="s1">. </span>அந்தப் போட்டியில் ஒட்டுமொத்த தரவரிசையில்<span class="s1"> 38</span>வது இடம் பிடித்தாலும்<span class="s1">, LMP3 Pro/Am </span>பிரிவில் மூன்றாவது இடத்தைப் பெற்றது<span class="s1">.<span class="Apple-converted-space"> </span></span>இதையடுத்து செப்டம்பர்<span class="s1"> 20</span>ஆம் தேதி பார்சிலோனாவில் நடைபெற்ற<span class="s1"> 24 </span>மணி நேர பந்தயத்தில் அஜித் ரெட் ஆன்ட் ரேசிங் அணி<span class="s1"> GT3 Pro-Am </span>பிரிவில் இரண்டாவது இடத்தைப் பிடித்து<span class="s1">, </span>அந்தத் தொடரின் ஒட்டுமொத்த சாம்பியன்ஷிப்பில் மூன்றாவது இடத்தைப் பெற்றது<span class="s1">.</span></p>
<h2 class="p1"><span class="s1">ஆதரவு கேட்டு அஜித் வெளியிட்ட வீடியோ</span></h2>
<p class="p1">அடுத்தபடியாக அஜித் போர்ச்சுகலில் நடைபெற இருக்கும் மிச்செலின் லீ மான்ஸ் கப் தொடரின் இறுதிச்சுற்றில் பங்கேற்க இருக்கிறார். இதனை முன்னிட்டு அவர் நேற்று ஒரு வீடியோ வெளியிட்டிருந்தார். இந்த வீடியோவில்<span class="s1">, “</span>நான் அஜித் குமார்<span class="s1">. </span>வரும்<span class="s1"> 9 </span>மற்றும்<span class="s1"> 10</span>ஆம் தேதிகளில் போர்ச்சுகலில் நடைபெறும் கார் பந்தயத்தில் நமது அணி பங்கேற்கிறது<span class="s1">. </span>நீங்கள் அனைவரும் அதற்கு ஆதரவு அளிக்க வேண்டும்<span class="s1">. </span>உங்கள் அனைவரின் ஆதரவையும் எதிர்பார்க்கிறேன்<span class="s1">. </span>லவ் யூ ஆல்<span class="s1">” </span>என ரசிகர்களிடம் கேட்டுக்கொண்டார்</p>
<h2 class="p1">ரசிகர்கள் கொடுத்த ரிப்ளை</h2>
<p>இந்த வீடியோவிற்கு அஜித் ரசிகர்கள் கொடுத்து வரும் பதில்கள் தான் தற்போது சமூக வலைதளத்தில் டிரெண்டிங்கில் இருந்து வருகின்றன. நடிகர்களை கொண்டாடுவதை விட்டுவிட்டு தங்களது குடும்பத்தை பாருங்கள் என அஜித் தனது ரசிகர்களுக்கு தொடர்ச்சியாக வலியுறுத்தி வருகிறார் . தற்போது ரசிகர்களிடம் ஆதரவு கேட்டு அவர் வெளியிட்டுள்ள வீடியோவுக்கு "சாரி தல எங்களுக்கு குடும்பத்த பாக்கனும்" என்று அவரது அட்வைஸையே பதிலாக கொடுத்து வருகிறார்கள். </p>
<blockquote class="twitter-tweet">
<p dir="ltr" lang="ta">@sunnewstamil Sorry ப்ரோ... எங்க தல எங்கள குடும்பத்தை பார்க்க சொல்லியிருக்கார்... நீங்க உங்க வேலைய பாருங்க...</p>
— சொல்லக்கூடாதாம் ⭐ (@Sollakudatham) <a href="https://x.com/Sollakudatham/status/2107716045100433696?ref_src=twsrc%5Etfw">October 7, 2026</a></blockquote>
<p>
<script src="https://platform.x.com/widgets.js" async="" charset="utf-8"></script>
</p>
<blockquote class="twitter-tweet">
<p dir="ltr" lang="ta">@sunnewstamil சாரி அங்கிள், எனக்கு ஃபேமிலிய பார்த்துக்குவே நேரம் சரியா இருக்கு.. வேற யாருக்கிட்டயாவது போய் அன்பும் ஆதரவும் தாங்க ன்னு கேளுங்க.. https://t.co/MZOtxtgvos</p>
— . (@This_isAruN) <a href="https://x.com/This_isAruN/status/2107701745598226927?ref_src=twsrc%5Etfw">October 7, 2026</a></blockquote>
<p>
<script src="https://platform.x.com/widgets.js" async="" charset="utf-8"></script>
</p>
3 weeks ago
3 
