கோடை வெயிலுக்கு பிரேக் போட்ட சாரல் மழை... காலையிலேயே குஷியான கோவையன்ஸ்

<p class="isSelectedEnd">கோவை மாநகரின் பல்வேறு பகுதிகளில் இன்று காலை திடீரென பெய்த இதமான சாரல் மழையால் வெப்பம் தணிந்து, குளிர்ச்சியான சூழல் நிலவியது. பள்ளிக்குச் சென்ற மாணவ-மாணவிகள் மற்றும் பணிக்குச் சென்ற பொதுமக்கள் குடைகளைப் பிடித்தபடி தங்களது பயணத்தைத் தொடர்ந்தனர்.</p> <p class="isSelectedEnd">கடந்த சில நாட்களாக கோடை வெயிலின் தாக்கம் அதிகரித்து வந்த நிலையில், இன்று காலை வானிலையில் திடீர் மாற்றம் ஏற்பட்டது. இதையடுத்து காந்திபுரம், ரயில் நிலையம், உக்கடம், பீளமேடு, ஆர்.எஸ்.புரம் உள்ளிட்ட மாநகரின் பல்வேறு பகுதிகளில் பரவலாக சாரல் மழை பெய்தது.</p> <p class="isSelectedEnd">காலை 8 மணியளவில் அலுவலகங்கள், பள்ளிகள் மற்றும் கல்லூரிகளுக்குச் செல்லும் பரபரப்பான நேரத்தில் மழை பெய்ததால், சாலைகளில் சென்ற வாகன ஓட்டிகள் மற்றும் பொதுமக்கள் சற்று சிரமத்தை எதிர்கொண்டனர். இருப்பினும், நீண்ட நாட்களாக நிலவி வந்த வெப்பத்திலிருந்து தற்காலிக நிவாரணம் கிடைத்ததாக பலரும் மகிழ்ச்சி தெரிவித்தனர்.</p> <p class="isSelectedEnd">மழை காரணமாக பள்ளி மற்றும் கல்லூரிகளுக்குச் சென்ற மாணவ-மாணவிகள் குடைகளைப் பிடித்தபடி சென்ற காட்சிகள் பல இடங்களில் காணப்பட்டன. அதேபோல் அரசு மற்றும் தனியார் நிறுவன ஊழியர்களும் மழையில் நனைந்தபடி பணிக்குச் சென்றனர்.</p> <p class="isSelectedEnd">இந்த திடீர் சாரல் மழையால் மாநகரில் வெப்பநிலை குறைந்து குளிர்ந்த காற்று வீசியது. சில தாழ்வான சாலைகளில் லேசான போக்குவரத்து நெரிசல் ஏற்பட்டாலும், மழை காரணமாக பொதுமக்கள் உற்சாகமடைந்தனர்.</p> <p>கோடைக் கால வெப்பத்திலிருந்து ஓரளவு நிவாரணம் அளித்த இந்த இதமான சாரல் மழை, கோவை மக்களிடையே மகிழ்ச்சியை ஏற்படுத்தியுள்ளது.</p>