காக்னிசண்டில் ஃபிரெஷர்களுக்கு சூப்பர் வேலை... 2025, 2026 பட்டதாரிகள் உடனே அப்ளை பண்ணுங்க!

<p style="text-align: justify;">சென்னை: காக்னிசண்டில் ஃபிரெஷர்களுக்கு சூப்பர் வேலைவாய்ப்பு... 2025, 2026 பட்டதாரிகள் உடனே விண்ணப்பிக்கலாம்! பணி அனுபவம் தேவையில்லை... ஜூலை 15 வரை விண்ணப்பிக்க வாய்ப்பு.</p> <p style="text-align: justify;">தகவல் தொழில்நுட்பத் துறையில் வேலைவாய்ப்புக்காக காத்திருக்கும் இளம் பட்டதாரிகளுக்கு மகிழ்ச்சியான செய்தி வெளியாகியுள்ளது. முன்னணி தகவல் தொழில்நுட்ப நிறுவனமான காக்னிசண்ட் (Cognizant), 2025 மற்றும் 2026-ஆம் ஆண்டுகளில் பட்டப்படிப்பு முடித்த ஃபிரெஷர்களுக்காக புதிய வேலைவாய்ப்பு அறிவிப்பை வெளியிட்டுள்ளது.</p> <p style="text-align: justify;">Digital Workplace Practice (Service Desk) பிரிவுக்கான இந்த ஆட்சேர்ப்பில், முன் பணி அனுபவம் இல்லாதவர்களும் விண்ணப்பிக்கலாம். தகுதியும் விருப்பமும் உள்ளவர்கள் ஜூலை 15-ஆம் தேதி நள்ளிரவு 12 மணிக்குள் ஆன்லைன் மூலம் விண்ணப்பிக்க வேண்டும் என்று நிறுவனம் தெரிவித்துள்ளது.</p> <p style="text-align: justify;"><strong>எந்த பட்டதாரிகள் விண்ணப்பிக்கலாம்?</strong></p> <p style="text-align: justify;">இந்த வேலைவாய்ப்புக்கு 2025 அல்லது 2026-ஆம் ஆண்டில் ஏதேனும் மூன்று ஆண்டு இளநிலை பட்டப்படிப்பை முடித்தவர்கள் விண்ணப்பிக்கலாம்.</p> <p style="text-align: justify;"><strong>விண்ணப்பிக்க தகுதியான படிப்புகள்:</strong></p> <p style="text-align: justify;">B.Com<br />BCA<br />B.Sc<br />BA<br />BBA<br />B.Voc<br />BMS<br />மற்றும் பிற மூன்று ஆண்டு பட்டப்படிப்புகள்</p> <p style="text-align: justify;">விண்ணப்பதாரர்களுக்கு அரியர்ஸ் (Backlogs) இருக்கக் கூடாது என தெரிவிக்கப்பட்டுள்ளது. இருப்பினும் Revaluation செய்தவர்கள் விண்ணப்பிக்கலாம். ஆனால், முந்தைய தேர்வு முடிவுகள் தொடர்பான ஆவணங்களை கட்டாயம் வைத்திருக்க வேண்டும்.</p> <p style="text-align: justify;"><strong>கல்வித் தகுதியில் முக்கிய நிபந்தனை</strong></p> <p style="text-align: justify;">10-ஆம் வகுப்பு, 12-ஆம் வகுப்பு, டிப்ளமோ (பொருந்தினால்) மற்றும் பட்டப்படிப்பில் குறைந்தபட்சம் 50 சதவீத மதிப்பெண்கள் பெற்றிருக்க வேண்டும். கல்விச் சான்றிதழ்களில் உள்ள தகவல்கள் அனைத்தும் சரியாக இருக்க வேண்டும் என்றும் நிறுவனம் அறிவுறுத்தியுள்ளது.</p> <p style="text-align: justify;"><strong>ஆங்கிலத் திறன் அவசியம்</strong></p> <p style="text-align: justify;">இந்தப் பணியில் தேர்வாகும் நபர்கள் வாடிக்கையாளர்களுடன் நேரடியாகப் பேச வேண்டியிருப்பதால், ஆங்கிலத்தில் சரளமாகப் பேசவும், எழுதவும் தெரிந்திருக்க வேண்டும். மேலும், புதிய தொழில்நுட்பங்களை விரைவாகக் கற்றுக்கொண்டு, வாடிக்கையாளர்களுக்கு தொழில்நுட்ப உதவி வழங்கும் திறனும் இருக்க வேண்டும்.</p> <p style="text-align: justify;"><strong>நைட் ஷிப்டில் பணியாற்ற தயாராக இருக்க வேண்டும்</strong></p> <p style="text-align: justify;">இந்த வேலை Service Desk பிரிவைச் சேர்ந்தது என்பதால், Night Shift முறையிலும் பணியாற்ற வேண்டியிருக்கும். அதற்குத் தயாராக இருப்பவர்கள் மட்டுமே விண்ணப்பிக்க வேண்டும் என்று நிறுவனம் தெரிவித்துள்ளது.</p> <p style="text-align: justify;"><strong>இந்தியா முழுவதும் பணியிடம்</strong></p> <p style="text-align: justify;">இது PAN India Recruitment என்பதால், இந்தியாவின் எந்த மாநிலத்திலும் பணியமர்த்தப்பட வாய்ப்பு உள்ளது. தமிழகத்தில் சென்னை, கர்நாடகாவில் பெங்களூரு உள்ளிட்ட காக்னிசண்ட் அலுவலகங்களில் பணியாற்றும் வாய்ப்பும் கிடைக்கலாம்.</p> <p style="text-align: justify;"><strong>PAN மற்றும் ஆதார் கட்டாயம்</strong></p> <p style="text-align: justify;">விண்ணப்பதாரர்களிடம் PAN Card மற்றும் Aadhaar Card கட்டாயமாக இருக்க வேண்டும். இரண்டு ஆவணங்களிலும் பெயர், பிறந்த தேதி மற்றும் பிற விவரங்கள் ஒரே மாதிரியாக இருக்க வேண்டும். வேறுபாடுகள் இருந்தால், விண்ணப்பிக்கும் முன்பே அவற்றை சரிசெய்ய வேண்டும்.</p> <p style="text-align: justify;">ஏனெனில், இறுதித் தேர்வுக்கு முன் நிறுவனத்தால் Background Verification மேற்கொள்ளப்படும்.</p> <p style="text-align: justify;"><strong>இன்டர்வியூ செல்லும்போது கவனிக்க வேண்டியவை</strong></p> <p style="text-align: justify;">நேர்முகத் தேர்வில் பங்கேற்கும்போது,</p> <p style="text-align: justify;">இரண்டு பக்க Resume<br />High Resolution புகைப்படம்<br />கல்விச் சான்றிதழ்கள்<br />அடையாள ஆவணங்கள்<br />ஆகியவற்றை தயாராக வைத்திருக்க வேண்டும்.</p> <p style="text-align: justify;">தற்போதைய அறிவிப்பில் சம்பள விவரங்கள் வெளியிடப்படவில்லை. இறுதிக்கட்ட நேர்முகத் தேர்வில் தேர்வாகும் விண்ணப்பதாரர்களுக்கு சம்பள விவரங்கள் தெரிவிக்கப்படும் என்று நிறுவனம் குறிப்பிட்டுள்ளது.</p> <p style="text-align: justify;"><strong>கிடைக்கும் கூடுதல் சலுகைகள்</strong></p> <p style="text-align: justify;">இந்த வேலைக்கு தேர்வாகும் நபர்களுக்கு,</p> <p style="text-align: justify;">Service Bond இல்லை<br />Night Shift Allowance<br />உயர்கல்விக்கான Sponsorship<br />Timely Rewards &amp; Recognition<br />தொழில்முன்னேற்ற வாய்ப்புகள் உள்ளிட்ட பல்வேறு சலுகைகள் வழங்கப்படும் என தெரிவிக்கப்பட்டுள்ளது.</p> <p style="text-align: justify;"><strong>ஜூலை 15-க்குள் விண்ணப்பிக்க வேண்டும்</strong></p> <p style="text-align: justify;">தகுதியும் விருப்பமும் உள்ள பட்டதாரிகள், ஜூலை 15-ஆம் தேதி நள்ளிரவு 12 மணிக்குள் விண்ணப்பத்தை சமர்ப்பிக்க வேண்டும். ஐடி துறையில் பணியை தொடங்க விரும்பும் ஃபிரெஷர்களுக்கு, இது ஒரு சிறந்த வாய்ப்பாக கருதப்படுகிறது</p>