கல்லூரியில் நடந்து சென்றவர் திடீர் கீழே விழுந்து மரணம்; உயிரிழப்புக்கு காரணம் என்ன?

<p><strong>திருப்பத்தூர்:</strong> வாணியம்பாடி அருகே தனியார் பொறியியல் கல்லூரி நிர்வாகக் குழு உறுப்பினர், கல்லூரி வளாகத்தில் திடீரென மயங்கி விழுந்து உயிரிழந்தது அதிர்ச்சியை ஏற்படுத்தியுள்ளது. இதுதொடர்பாக காவல்துறையினர் விசாரணை மேற்கொண்டு வருகின்றனர்.</p> <p>திருப்பத்தூர் மாவட்டம் வாணியம்பாடி அடுத்த ஜனதாபுரம் பகுதியில் தனியார் பொறியியல் கல்லூரி செயல்பட்டு &nbsp;வருகிறது. இந்தக் கல்லூரியின் நிர்வாகக் குழு உறுப்பினராக சேகர் என்பவர் பொறுப்பு வகித்து வரும் நிலையில், இவர் வழக்கம்போல் பணிகளை கவனிப்பதற்காக இன்று கல்லூரிக்கு வருகை தந்துள்ளார்.அப்பொழுது. கல்லூரி வளாகத்தில் அவர் நடந்து சென்றுகொண்டிருந்தபோது, எதிர்பாராதவிதமாக திடீரென நிலைதடுமாறி கீழே மயங்கி விழுந்துள்ளார்.&nbsp;</p> <p>&nbsp;</p> <p><iframe title="YouTube video player" src="https://www.youtube.com/embed/3Xoewmdoe0M?si=4cIJLfH-VbtHM-Ad" width="560" height="315" frameborder="0" allowfullscreen="allowfullscreen"></iframe></p> <p>இதைக் கண்டு அதிர்ச்சியடைந்த அங்கிருந்த பேராசிரியர்கள், ஊழியர்கள் மற்றும் சக நிர்வாகத்தினர் உடனடியாக ஓடிவந்து அவரை மீட்டு, அவரை &nbsp;சிகிச்சைக்காக வாணியம்பாடி அரசு &nbsp;மருத்துவமனைக்கு கொண்டு வந்துள்ளனர். அங்கு அவரை பரிசோதித்த &nbsp;மருத்துவர்கள் அவர் ஏற்கனவே உயிரிழந்துவிட்டதாக தெரிவித்துள்ளனர்.</p> <p>அதனை தொடர்ந்து, இந்தச்சம்பவம் குறித்து &nbsp;தகவலறிந்து விரைந்து வந்த வாணியம்பாடி கிராமிய காவல்துறையினர் அவரது உடலை மீட்டு பிரேதப் பரிசோதனைக்கு அனுப்பி வைத்தனர். இந்த சம்பவம் குறித்து, வழக்குபதிவு செய்து, அவர் மாரடைப்பால் உயிரிழந்தாரா? &nbsp;அல்லது வேறு ஏதேனும் காரணமா ? என்பது குறித்து, காவல்துறையினர் &nbsp;தீவிர விசாரணை மேற்கொண்டு வருகின்றனர்.</p> <p>மேலும், கல்லூரி வளாகத்தில், நிர்வாக குழு உறுப்பினர் திடீரென மயங்கி விழுந்து உயிரிழந்த சம்பவம், அப்பகுதியில் பெரும் பரபரப்பை ஏற்படுத்தியுள்ளது.</p>