ஓ.பி.எஸ் மகன் த.வெ.க-வுக்கு தாவ கிரீன் சிக்னல்? தி.மு.க-வில் அதிருப்தி!

<p style="text-align: justify;">அ.தி.மு.க எம்.எல்.ஏ-க்களில் இதுவரை ஆறு பேர், தங்கள் பதவிகளை ராஜினாமா செய்துவிட்டு த.வெ.க-வில் இணைந்திருக்கும் சூழலில், ஓ.பி.எஸ்-சின் மகனும், அவருடைய ஆதரவாளர்களும் த.வெ.க-வில் இணையப் போவதாக வெளியாகும் தகவலால் பரவலாக பேசப்படுகிறது.</p> <p><br /><img style="display: block; margin-left: auto; margin-right: auto;" src="https://feeds.abplive.com/onecms/images/uploaded-images/2026/07/08/4aa1fdc8b3ddf9aef0638322b6789a5f1783503060649193_original.JPG" /></p> <p style="text-align: justify;">முன்னாள் முதலமைச்சரான ஓ.பன்னீர்செல்வம் அ.தி.மு.க-வில் மீண்டும் இணைய, பல வழிகளில் முயன்றும் முடியாததால், சட்டமன்றத் தேர்தலுக்கு முன்பாக மகனுடனும், ஆதரவாளர்களுடனும் தி.மு.க-வில் இணைந்தார். இணைந்தும் இதுவரை மகன் ரவீந்திரநாத்துக்கோ, அவருடைய ஆதரவாளர்களுக்கோ எந்தப் பொறுப்பும் வழங்கப்படவில்லை. இதனால், அதிருப்தியில் இருக்கும் அவர்கள் த.வெ.க-வுக்குத் தாவத் தயாராகிவருவதாகக் கூறப்படுகிறது.</p> <p style="text-align: justify;">இது குறித்துப் பேசிய த.வெ.க-வினர் சிலர், &ldquo;தி.மு.க-வில் சேருவதற்கு முன்பே த.வெ.க-வில் சேருவதற்கான பேச்சுவார்த்தைகளில் ஈடுபட்டு வந்தார் ஓ.பி.எஸ். குறிப்பாக, செங்கோட்டையனுடன் அதிக நெருக்கத்தில் இருந்தார். ஆனால், கடைசிநேரத்தில் சபாநாயகர் பதவி, மகனுக்கு எம்.பி சீட் என்கிற ஆசையைக் காட்டி தி.மு.க-வினர் அவரைக் கட்சியில் சேர்த்துக்கொண்டனர்.</p> <p style="text-align: justify;">அவரே எதிர்பார்க்காத வகையில், தற்போது த.வெ.க வெற்றிபெற்று ஆட்சி அமைத்தது, ஓ.பி.எஸ்-ஐ யோசிக்கவைத்திருக்கிறது. ஏற்கனவே தேனி மாவட்ட அ.தி.மு.க-வில் இருந்தவர்கள் த.வெ.க-வுக்குள் வந்து தனிக் கோஷ்டியாகவே செயல்பட்டு வருகிறார்கள். இப்போது இவர்களும் வந்தால், ஆரம்பத்திலிருந்தே கட்சிக்குள் இருக்கும் எங்களுக்கான முக்கியத்துவம் குறைந்துவிடும். கட்சித் தலைமை எங்களிடம் இது பற்றிக் கலந்தாலோசிக்காமல் மாற்றுக் கட்சியினரைச் சேர்ப்பதால், கீழ்மட்டத்தில் இருக்கும் நாங்கள்தான் பாதிக்கப்படுகிறோம்&rdquo; என்றனர்.</p> <p style="text-align: center;"><br /><img src="https://feeds.abplive.com/onecms/images/uploaded-images/2026/07/08/3e552c7d4c297f033375f99092d6a0071783502952134193_original.JPG" /></p> <p style="text-align: justify;">இது குறித்து அரசியல் வட்டாரங்களில் பேசப்படுவதாவது&ldquo;ஓ.பி.எஸ் தி.மு.க-வில் இணைந்த பிறகு தேனி மாவட்டத்தில் அவரது செல்வாக்கு அதிகரித்தாலும், அவரின் ஆதரவாளர்களுக்கும், மகன் ரவீந்திரநாத்துக்கும் எதிர்பார்த்த அரசியல் முக்கியத்துவம் கிடைக்கவில்லை. இதனால், ரவீந்திரநாத் தலைமையில் ஓ.பி.எஸ்-ஸின் ஆதரவாளர்கள் த.வெ.க-வில் இணையத் தயாராக இருப்பதாகத் தகவல்கள் வெளியாகியிருக்கின்றன.</p> <p style="text-align: justify;">தி.மு.க-வுக்குச் சென்றதற்காகப் பல்வேறு விமர்சனங்களை எதிர்கொண்ட ஓ.பன்னீர்செல்வம், மீண்டும் கட்சி மாறினால் தனது நம்பகத்தன்மை பாதிக்கப்படும் என்று தயக்கம் காட்டுவதோடு, &lsquo;நீங்கள் வேண்டுமானால் அங்கு செல்லுங்கள்; செங்கோட்டையனிடம் பேசி உங்களுக்கு வேண்டியதைச் செய்யச் சொல்கிறேன்&rsquo; என கிரீன் சிக்னல் கொடுத்திருக்கிறார். இதையடுத்து ஓ.பி.எஸ்-ஸின் மகன் உட்பட அவரின் ஆதரவாளர்கள் த.வெ.க-வுக்குச் செல்ல வாய்ப்பிருக்கிறது என பேசப்படுகிறது.</p>