<p>ஒத்திவைக்கப்பட்ட யு.ஜி.சி. நெட் தேர்வுகள், வருகிற 21ஆம் தேதி நடைபெறும் என தேசிய தேர்வு முகமை அறிவித்துள்ளது.</p>
<p><strong>நெட் தேர்வுகள்:</strong></p>
<p>மத்திய, மாநில அரசுக் கல்லூரிகளில் உதவிப் பேராசிரியராகப் பணியாற்ற ’GC-National Eligibility Test (NET)' எனப்படும் ஆசிரியர் தகுதித் தேர்வு நடத்தப்படுகிறது. இளையர் இளநிலை ஆராய்ச்சியாளர் உதவித்தொகை (Junior Research Fellowship-JRF) இந்தத் தேர்வின் அடிப்படையில் வழங்கப்படும். நெட் தேர்வு எனப்படும் தேசியத் தகுதித் தேர்வில் தேர்ச்சி பெற வேண்டியது அவசியம்.</p>
<p><iframe class="vidfyVideo" style="border: 0px;" src="https://tamil.abplive.com/web-stories/lifestyle/why-are-wells-round-in-shape-know-the-science-behind-circular-well-212717" width="631" height="381" scrolling="no"></iframe></p>
<p>இந்தத் தேர்வு தேசியத் தேர்வுகள் முகமையால் (NTA) நடத்தப்படுகிறது. மொத்தம் 83 பாடங்களுக்கு நடைபெறும் இத்தேர்வு, ஆண்டுதோறும் 2 முறை நடத்தப்படுகிறது. குறிப்பாக ஜூன், டிசம்பர் ஆகிய மாதங்களில் கணினி வழியில் நடத்தப்படும். டிசம்பர் மாத தேர்வுகள் ஜனவரியில் பொங்கல் பண்டிகை விடுமுறை நாட்களில் நடத்த என்.டி. எ. திட்டமிட்டுருந்தது.</p>
<p>தமிழ்நாடு மற்றும்‌ பிற மாநிலங்களில்‌ உள்ள மாணவர்கள்‌ மற்றும்‌ கல்வியாளர்கள்‌ பாதிக்கப்படுவதை தவிர்த்திடும்‌ வகையில்‌ பொங்கல்‌ திருநாள்‌ விடுமுறை நாட்களில்‌ நடத்தப்படுவதாக அறிவிக்கப்பட்டுள்ள யுஜிசி - நெட்‌ தேர்வு மற்றும்‌ பிற தேர்வுகளை வேறு தேதிகளில்‌ நடத்த வேண்டும் என கோரிக்கை எழுந்தது. தேர்வு நடைபெறும் தேதியை மாற்றியமைக்க கோரி தமிழ்நாடு முதலமைச்சர் மு.க.ஸ்டாலின், மத்திய கல்வி அமைச்சர் தர்மேந்திர பிரதானுக்குக் கடிதம் எழுதினார். </p>
<p><strong>ஒத்திவைக்கப்பட்ட தேர்வு எப்போது?</strong></p>
<p>இந்த நிலையில், நாளை நடைபெறவிருந்த யு.ஜி.சி. நெட் தேர்வுகள், அதற்கு பதிலாக வருகிற 21ஆம் தேதி நடைபெறும் என தேசிய தேர்வு முகமை அறிவித்துள்ளது.</p>
<p>பொங்கல் விழா‌ ஜனவரி 13 முதல்‌ ஜனவரி 16 வரை நான்கு நாட்கள்‌ கொண்டாடப்படுகிறது. இந்த ஆண்டு, போகி பண்டிகை நேற்று கொண்டாடப்பட்ட நிலையில், 14ஆம்‌ தேதியான இன்று பொங்கல்‌ (தமிழ்ப்‌ புத்தாண்டு) பண்டிகை வெகு விமரிசையாக கொண்டாடப்பட்டு வருகிறது.</p>
<p>இதையடுத்து, ஜனவரி 15ஆம்‌ தேதியான (நாளை) திருவள்ளுவர்‌ தினமாகவும்‌ (மாட்டுப்‌ பொங்கல்‌) ஜனவரி 16 ஆம்‌ தேதி உழவர்‌ திருநாள்‌ / காணும்‌ பொங்கலாகவும்‌ கொண்டாடப்பட உள்ளது.</p>
<p><strong>இதையும் படிக்க: <a title="Maha kumbh mela 2025 : 2 லட்சம் கோடி வருவாய்? 40 கோடி மக்கள்! மகா கும்ப மேளா ரிப்போர்ட்!" href="https://tamil.abplive.com/photo-gallery/news/india-maha-kumbh-mela-2025-2-lakh-crore-revenue-and-40-cr-people-may-visit-prayajraj-212740" target="_blank" rel="noopener">Maha kumbh mela 2025 : 2 லட்சம் கோடி வருவாய்? 40 கோடி மக்கள்! மகா கும்ப மேளா ரிப்போர்ட்!</a></strong></p>
11 months ago
9 
