எழும்பூர் முதல் குழித்துறை வரை.. ரயில் நிலைய மறுசீரமைப்பு பணிகள்.. மத்திய அரசு புது தகவல்

<p>அமிர்த பாரத ரயில் நிலைய திட்டத்தின் கீழ் தமிழ்நாட்டில் 77 ரயில் நிலையங்கள் மறுசீரமைப்புக்கு அடையாளம் காணப்பட்டு முதற்கட்டமாக 9 ரயில் நிலைய பணிகள் நிறைவடைந்திருப்பதாக ரயில்வே துறை அமைச்சர்&nbsp; அஸ்வினி வைஷ்ணவ் தெரிவித்துள்ளார்.</p> <h2><strong>எழும்பூர் முதல் குழித்துறை வரை:</strong></h2> <p>நாடாளுமன்ற மாநிலங்களவையில் அதிமுக எம்பி தர்மர் எழுப்பிய கேள்விகளுக்கு பதிலளித்த அமைச்சர் அஸ்வினி வைஷ்ணவ், "சிதம்பரம், குழித்துறை, மன்னார்குடி, போளூர், சாமல்பட்டி, ஸ்ரீரங்கம், பரங்கிமலை, திருவண்ணாமலை, விருத்தாசலம் சந்திப்பு ஆகிய ரயில் நிலையங்களில் பணிகள் நிறைவடைந்துள்ளன" என்றார்.</p> <p>சென்னை எழும்பூர், சென்னை கடற்கரை, சென்னை சென்ட்ரல், தாம்பரம், செங்கல்பட்டு, உட்பட எஞ்சிய 68 ரயில் நிலையங்களில் மறுசீரமைப்பு பணிகள் விரைவாக மேற்கொள்ளப்பட்டு வருகின்றன என்றும் அவர் கூறினார்.</p> <h2><strong>ரயில் நிலைய மறுசீரமைப்பு பணிகள்:</strong></h2> <p>மொரப்பூர், பொம்மிடி, திருவாரூர் சந்திப்பு, வேலூர் கண்டோன்மென்ட், அரியலூர் ஆகிய ரயில் நிலையங்களில் புதிய கட்டடங்கள் கட்டுதல், வாகன நிறுத்துமிடங்கள், உதவி மையங்கள், மாற்றுத்திறனாளிகளுக்கான வாகன நிறுத்துமிடங்கள், சாய்தளங்கள் போன்ற பணிகள் நிறைவடைந்திருப்பதாகவும், மற்ற பணிகள் முழுவீச்சில் நடைபெற்று வருவதாகவும் மத்திய அமைச்சர் தெரிவித்தார்.</p> <p>தமிழ்நாட்டில் உள்ள ரயில் நிலையங்கள் தெற்கு ரயில்வே மற்றும் தென்மேற்கு ரயில்வே என இரண்டு கோட்டங்களுக்கு உட்பட்டு இருப்பதாகவும், இந்த இரண்டு கோட்டங்களுக்கும் சேர்த்து 2025-26 நிதியாண்டு பட்ஜெட்டில் ரூ.1571 கோடி ஒதுக்கப்பட்டிருப்பதாகவும் ரயில்வே அமைச்சர் அஸ்வினி வைஷ்ணவ் தெரிவித்தார்.</p> <p><strong>இதையும் படிக்க: <a title="Trump Warns Tech., Giants: இந்திய பொறியாளர்களுக்கு ஆப்பு வைத்த ட்ரம்ப்; கூகுள், மைக்ரோசாஃப்ட் நிறுவனங்களிடம் கூறியது என்ன.?" href="https://tamil.abplive.com/news/world/trump-warns-tech-companies-like-google-microsoft-says-not-to-hire-indians-for-jobs-229736" target="_self">Trump Warns Tech., Giants: இந்திய பொறியாளர்களுக்கு ஆப்பு வைத்த ட்ரம்ப்; கூகுள், மைக்ரோசாஃப்ட் நிறுவனங்களிடம் கூறியது என்ன.?</a></strong></p>