இது சினிமாவில் வரும் டயலாக் – விஜயை கலாய்த்த அமைச்சர் எம்.ஆர்.கே பன்னீர்செல்வம்

<p>பெண்கள் பாதுகாப்பு குறித்து விஜய் பேசிய கருத்து சினிமாவில் வரும் டயலாக் போல் உள்ளது என அமைச்சர் எம்.ஆர்.கே பன்னீர்செல்வம் தெரிவித்துள்ளார்.</p> <p>கடலூரில் சர்வதேச மகளிர் தின கொண்டாட்டம் நடைபெற்றது. மேலும் நலத்திட்ட உதவிகள் வழங்கும் நிகழ்ச்சியும் நடைபெற்றது. இதில் அமைச்சர் எம்.ஆர்.கே பன்னீர்செல்வம் கலந்து கொண்டு நலத்திட்ட உதவிகளை வழங்கினார்.</p> <p>இதையடுத்து செய்தியாளர்களைச் சந்தித்த அமைச்சர் &ldquo;வேளாண் பட்ஜெட் தொடர்பாக அனைத்து மாவட்டத்திலும் நடத்தப்பட்ட கருத்து கேட்பு கூட்டத்தில் விவசாயிகளின் கோரிக்கைகளை கேட்டுள்ளோம். அவை அனைத்தும் வேளாண் பட்ஜெட்டில் எதிரொலிக்கும். திமுக ஆட்சியில் பெண்களுக்கு பாதுகாப்பு இல்லை; 2026 திமுகவை அகற்றுவோம் என <a title="விஜய்" href="https://tamil.abplive.com/topic/vijay" data-type="interlinkingkeywords">விஜய்</a> பேசியிருப்பது சினிமாவில் வரும் டயலாக் போல் உள்ளது.</p> <p>பெண்களுக்கு உள்ளாட்சி அமைப்பில் 50 சதவீதம் இட ஒதுக்கீடு, பெண்களுக்கு சொத்தில் பங்கு என பல திட்டங்கள் செயல்படுத்தி உள்ளோம். பெண்களுக்கு சம உரிமை அளித்து அவர்களுக்கு பாதுகாப்பாக உள்ளது யார்? என அனைவருக்கும் தெரியும்&rdquo; என தெரிவித்துள்ளார்.</p> <p>&nbsp;</p>