<p><strong>பள்ளிக்</strong> <strong>கல்வியின்</strong> <strong>முக்கியக்</strong> <strong>குறியீடுகளில்</strong> <strong>தமிழ்நாடு</strong> <strong>தொடர்ந்து</strong> <strong>முன்னணியில்</strong> <strong>இருப்பதாக</strong><strong> UDISE+ 2025–26 (Unified District Information System for Education Plus) </strong><strong>அறிக்கை</strong> <strong>தெரிவித்துள்ளது.</strong></p>
<p>இந்திய அரசின் கல்வி அமைச்சகத்தால் வெளியிடப்பட்ட <strong>UDISE+ 2025–26</strong> அறிக்கையில், பள்ளிக் கல்வியின் பல்வேறு முக்கியக் குறியீடுகளில் தமிழ்நாடு தொடர்ந்து முன்னணி மாநிலமாகத் திகழ்வது உறுதி செய்யப்பட்டுள்ளது.</p>
<p>மாணவர் சேர்க்கை, இடை நிற்றல் குறைவு, ஆசிரியர் எண்ணிக்கை, கல்வி உள்கட்டமைப்பின் பயனுள்ள பயன்பாடு மற்றும் பத்தாம் வகுப்பிற்குப் பிந்தைய கல்வித் தொடர்ச்சி உள்ளிட்ட பல்வேறு துறைகளில் தமிழ்நாடு தேசிய அளவில் சிறப்பான முன்னேற்றத்தைப் பதிவு செய்துள்ளது.</p>
<h2><strong>உள்கட்டமைப்பு திறன்</strong></h2>
<p>UDISE+ 2025–26 அறிக்கையின்படி தமிழ்நாட்டில் <strong>57,566 </strong><strong>பள்ளிகள்</strong>, <strong>1,24,02,872 </strong><strong>மாணவர்கள்</strong> மற்றும் <strong>5,69,909 </strong><strong>ஆசிரியர்கள்</strong> உள்ளனர். மாநிலத்தின் மாணவர்–ஆசிரியர் விகிதம் (<strong>PTR</strong>) <strong>22:1</strong> ஆக இருந்து, தேசிய சராசரியான <strong>24:1</strong>-ஐ விட சிறப்பாக உள்ளது. மேலும், ஒரு பள்ளிக்கு சராசரியாக <strong>215 </strong><strong>மாணவர்கள்</strong> மற்றும் <strong>10 </strong><strong>ஆசிரியர்கள்</strong> இருப்பது கல்வி உள்கட்டமைப்பு திறமையாகப் பயன்படுத்தப்பட்டு வருவதை எடுத்துக்காட்டுகிறது.</p>
<p>மாணவர் இடை நிற்றல் விகிதத்தில் தமிழ்நாடு குறிப்பிடத்தக்க சாதனையைப் படைத்துள்ளது. தொடக்கநிலை மற்றும் நடு நிலைப்பள்ளிகள் இடை நிற்றல் <strong>0.0 </strong><strong>சதவீதமாக</strong> பதிவாகியுள்ளது. இடைநிலைக் கல்வியில் இடை நிற்றல் விகிதம் <strong>6.2 </strong><strong>சதவீதம்</strong> மட்டுமே ஆகும். இது தேசிய சராசரியான <strong>9.5 </strong><strong>சதவீதத்தை</strong> விடக் குறிப்பிடத்தக்க அளவில் குறைவாகும்.</p>
<h2><strong>ஒட்டுமொத்த சேர்க்கை</strong></h2>
<p>மொத்த சேர்க்கை விகிதத்திலும் (Gross Enrolment Ratio - GER) தமிழ்நாடு தேசிய அளவில் முன்னணியில் உள்ளது. தொடக்கநிலையில் <strong>92.2</strong>, நடு நிலைப்பள்ளிகள் <strong>95.2</strong>, இடைநிலையில் <strong>97.4</strong>, மேல்நிலையில் <strong>85.1</strong> எனப் பதிவாகியுள்ளது. குறிப்பாக இடைநிலை மற்றும் மேல்நிலைக் கல்வியில் தேசிய சராசரியை விட மிகவும் உயர்ந்த சேர்க்கை விகிதத்தை தமிழ்நாடு பெற்றுள்ளது.</p>
<p>பத்தாம் வகுப்பிற்குப் பிந்தைய கல்வித் தொடர்ச்சியிலும் மாநிலம் சிறப்பாக செயல்பட்டு வருகிறது. மேல்நிலைக் கல்வியில் மாநிலத்தின் GER <strong>85.1</strong> ஆக உள்ளது. இதனுடன், <strong>2025-26 </strong><strong>கல்வியாண்டில்</strong><strong> 83,600 </strong><strong>மாணவர்கள்</strong> <strong>பாலிடெக்னிக்</strong> <strong>கல்வியிலும், 60,355 </strong><strong>மாணவர்கள்</strong> <strong>தொழிற்பயிற்சி</strong> <strong>நிலையங்களிலும்</strong> <strong>சேர்ந்துள்ளனர்</strong><strong>.</strong></p>
<p>மொத்தமாக <strong>1,43,955 </strong><strong>மாணவர்கள்</strong> தொழில்நுட்ப மற்றும் தொழிற்கல்விப் பாதையைத் தேர்ந்தெடுத்துள்ளனர். இது மாணவர்களின் திறன், விருப்பம் மற்றும் வேலைவாய்ப்பு நோக்கங்களை கருத்தில் கொண்டு பல்வேறு கல்விப் பாதைகளை தமிழ்நாடு வெற்றிகரமாக உருவாக்கியிருப்பதை வெளிப்படுத்துகிறது.</p>
<p><iframe class="vidfyVideo" style="border: 0px;" src="https://tamil.abplive.com/web-stories/auto/never-do-this-as-soon-as-you-start-your-car-in-the-morning-266707" width="631" height="381" scrolling="no"></iframe></p>
3 months ago
10 
