WT20 WC: களைகட்டத் தொடங்கிய மகளிர் டி20 உலகக்கோப்பை! கட்டாயம் தெரிந்து கொள்ள வேண்டியவை!

<p>சமீப காலமாக ஆண்கள் கிரிக்கெட்டிற்கு இணையாக மகளிர் கிரிக்கெட் போட்டியும் அசுர வளர்ச்சி அடைந்துள்ளது. இதனால், அவர்களுக்கான கிரிக்கெட் போட்டித் தொடர்களை முன்பை விட அதிகளவில் நடத்துவதில் ஐ.சி.சி. ஆர்வம் காட்டி வருகிறது.</p> <p>இந்த நிலையில், 9வது ஐ.சி.சி. மகளிர் டி20 உலகக்கோப்பை இன்னும் சில தினங்களில் தொடங்கப்பட உள்ளது. அதைப்பற்றி கட்டாயம் தெரிந்து கொள்ள வேண்டிய தகவல்களை கீழே காணலாம்.&nbsp;</p> <p><strong>ஐ.சி.சி. மகளிர் டி20 உலகக்கோப்பை 2024 எங்கு நடைபெறுகிறது?</strong></p> <p>மகளிர்களுக்காக நடத்தப்படும் ஐ.சி.சி. டி20 உலகக்கோப்பை 2024 யு.ஏ.இ. எனப்படும் ஐக்கிய அரபு அமீரகத்தில் உள்ள ஷார்ஜா மற்றும் துபாய் ஆகிய இரண்டு இடங்களில் நடைபெற உள்ளது.</p> <p><strong>மகளிர் டி20 உலகக்கோப்பை 2024 எப்போது முதல் எப்போது வரை நடக்கிறது?</strong></p> <p>ஐ.சி.சி. நடத்தும் மகளிர் டி20 உலகக்கோப்பை வரும் அக்டோபர் 3ம் தேதி முதல் அக்டோபர் 20ம் தேதி வரை நடைபெற உள்ளது.</p> <p><strong>மகளிர் டி20 உலகக்கோப்பையின் நடப்பு சாம்பியன் யார்?</strong></p> <p>கடந்த மகளிர் டி20 உலகக்கோப்பையின் இறுதிப்போட்டியில் தென்னாப்பிரிக்க அணியை வீழ்த்தி ஆஸ்திரேலியா சாம்பியன் பட்டம் பெற்றது.</p> <p><strong>மகளிர் டி20 உலகக்கோப்பையில் குரூப் ஏ மற்றும் குரூப் பி &ndash;யில் எந்தெந்த அணிகள் உள்ளது?</strong></p> <p>குரூப் ஏ-வில் இந்தியா, ஆஸ்திரேலியா, நியூசிலாந்து, பாகிஸ்தான் மற்றும் இலங்கை அணிகள் உள்ளது.</p> <p>குரூப் பி-யில் இங்கிலாந்து, ஸ்காட்லாந்து, வெஸ்ட் இண்டீஸ், வங்கதேசம் மற்றும் தென்னாப்பிரிக்கா ஆகிய அணிகள் உள்ளது.</p> <p><strong>மகளிர் டி20 உலகக்கோப்பையை இதற்கு முன்பு இந்தியா வென்றுள்ளதா?</strong></p> <p>மகளிர் டி20 உலகக்கோப்பையை இந்திய அணி வென்றதில்லை. மகளிர் டி20 கிரிக்கெட்டில் இந்தியா 2020ம் ஆண்டு இறுதிப்போட்டி வரை முன்னேறியதே இந்திய அணியின் சிறந்த செயல்பாடு ஆகும். ஆனால், அந்த இறுதிப்போட்டியில் இந்திய அணி ஆஸ்திரேலியாவிடம் தோற்று கோப்பையை பறிகொடுத்தது.&nbsp;&nbsp;</p> <p><strong>மகளிர் டி20 உலகக்கோப்பையை அதிக முறை வென்ற நாடு எது?</strong></p> <p>மகளிர் டி20 உலகக்கோப்பையை அதிக முறை வென்ற நாடு என்ற பெருமையை ஆஸ்திரேலியா தன்வசம் வைத்துள்ளது. 8 முறை நடைபெற்றுள்ள மகளிர் டி20 உலகக்கோப்பையில் 6 முறை சாம்பியன் பட்டம் வென்று ஆஸ்திரேலியா அசத்தியுள்ளது. இங்கிலாந்து மற்றும் வெஸ்ட் இண்டீஸ் தலா 1 முறை வெற்றி பெற்றுள்ளது.&nbsp;</p> <p>&nbsp;</p> <p>&nbsp;</p> <p>&nbsp;</p> <p>&nbsp;</p>