<p>உலகில் உள்ள பல்வேறு நாடுகளில் , வாட்ஸப் செயலியானது பயன்பாட்டில் இருக்கிறது. இந்நிலையில் குறுஞ்செய்தி அனுப்புதல், ஆடியோ கால், வீடியோ கால்,தனிப்பட்ட பயன்பாடு, வேலை, தொழில் உள்ளிட்டவற்றுக்கு வாட்ஸ் அப் பயன்பாடு நாளுக்கு நாள் அதிகரித்து வருகிறது. </p>
<p><strong>வாட்சப் அப்டேட்டுகள்:</strong></p>
<p>இந்நிலையில் வாட்ஸ் அப் செயலியில், பயனாளர்களின் வசதிக்கு ஏற்ப அவ்வப்போது புதிய அப்டேட்களை வழங்கி வருகிறது , இந்த நிறுவனம். மேலும் பயன்பாட்டு அனுபவத்தை மேம்படுத்தும் வகையில், பல்வேறு புதிய தொழில்நுட்ப அப்டேட்களை உருவாக்கும் பணிகளிலும் தொடர்ந்து ஈடுபட்டு வருகிறது. </p>
<p><strong>சிறப்பான அமசங்கள்:</strong></p>
<p>இந்நிலையில், வாட்சப்பில் சிலர் அறியாத அம்சம் ஒன்று இருக்கிறது. அது என்னவென்றால், ஒரு புகைப்படத்தை அனுப்பும் போது, அத்துடன் தற்போதைய நேரம் மற்றும் இடம் ( location Map ) அனுப்பலாம். இதன் மூலம் , ஒரு புகைப்படத்தை அனுப்பும் போது , நீங்கள் எங்கு இருக்கிறீர்கள் என ,அவர்களுக்கு உணர்த்த முடியும். <br /> <br />உதாரணத்திற்கு நீங்கள் கொடைக்கானல் போகிறீர்கள், அங்கு , ஒரு இயற்கை அழகு காட்சியளிக்கும் இடத்தை, புகைப்படம் எடுக்கிறீர்கள். அந்த புகைப்படத்தை , உங்கள் நண்பருக்கு அனுப்புகிறீர்கள். ஆனால் , சிலர் நம்பக் கூடும், சிலர் ஏமாற்றுகிறார்கள் கூட நினைக்க கூடும்.<br /> <br />ஆனால், வாட்சப்பில் , இந்த அம்சம் மூலம், புகைப்படத்துடன் இடத்தையும் நேரத்தையும் அனுப்பும் போது ,,நீங்கள் இருப்பதும் உறுதி செய்யப்படும். ஆகையால், இது ஒரு சிறந்த அம்சம் என்றே சொல்லலாம். </p>
<p><strong>சரி , அதை எப்படி பயன்படுத்துவது என பார்ப்போம்</strong></p>
<p>முதலில் வாட்சப்பில், யாருக்கு அனுப்ப வேண்டுமோ, அவரது சேட்டில் போய்விடுங்கள், <br />பின்னர்,அனுப்ப நினைக்கும் புகைப்படத்தை தேர்வு செய்யுங்கள்</p>
<p><br /><img style="display: block; margin-left: auto; margin-right: auto;" src="https://feeds.abplive.com/onecms/images/uploaded-images/2024/12/05/c4d66636ff4be3a3733bc89a669e85b31733422435003572_original.jpeg" width="720" height="540" /><br />பின்னர் கிராப் பட்டனை தேர்வு செய்யுங்கள்<br />பின்னர் அதன் அருகில் இருக்கும் எமோஜியை தேர்வு செய்யுங்கள்</p>
<p><br /><img style="display: block; margin-left: auto; margin-right: auto;" src="https://feeds.abplive.com/onecms/images/uploaded-images/2024/12/05/7b55f4be28e3f9d3d8639c9d48cb27651733422469322572_original.jpeg" width="720" height="540" /><br />இதையடுத்து, கீழே, நேரம் மற்றும் மேப் இடுகுறி இருக்கும்<br />உங்களுக்கு விருப்பமானதை தேர்வு செய்து, விரும்பியவர்களுக்கு அனுப்பி மகிழுங்கள். <br /><br /></p>
1 year ago
7 
