<p style="text-align: justify;">வேலூர் விஐடி பல்கலைக்கழகம் கியூ.எஸ். உலக பல்கலைக்கழக தரவரிசை பட்டியலில் 94 இடங்கள் முன்னேறி 597-ம் இடம் பிடித்துள்ளது.</p>
<p style="text-align: justify;"><strong><em>உலகளாவிய உயர்கல்வி பகுப்பாய்வு நிறுவனம் நடத்திய ஆய்வு</em></strong></p>
<p style="text-align: justify;">உலகளாவிய உயர்கல்வி பகுப்பாய்வு நிறுவனமான 'கியூ.எஸ். குவாக்கரெல்லி சைமண்ட்ஸ்' 2027-ஆம் ஆண்டிற்கான உலக பல்கலைக்கழக தரவரிசை பட்டியலை வெளியிட்டது.</p>
<p style="text-align: justify;">உலகம் முழுவதும் உள்ள 1500-க்கும் மேற்பட்ட பல்கலைக்கழகங்களில் ஆராய்ச்சி மற்றும் கண்டுபிடிப்பு, கற்றல் அனுபவம், வேலைவாய்ப்பு, சர்வதேச தொடர்புகள், நிலைத்தன்மை ஆகிய 5 அம்சங்களை ஆய்வு செய்து முடிவுகளை வெளியிட்டது. நிகழாண்டில் விஐடி பல்கலைக்கழகம் கியூ.எஸ். பல்கலைக்கழக தரவரிசையில் 94 இடங்கள் முன்னேறி 597-ம் இடம் பிடித்து சிறப்பு சேர்த்துள்ளது.</p>
<p style="text-align: justify;"><strong><em>ஒரே ஆண்டில் 94 இடங்கள் முன்னேறிய வி.ஐ.டி பல்கலைக்கழகம்</em></strong></p>
<p style="text-align: justify;">கடந்த 2026-ம் ஆண்டில் கியூ.எஸ். உலக பல்கலைக்கழக தரவரிசையில் 691-ம் இடம் பிடித்திருந்தது. தற்போது 94 இடங்கள் முன்னேறி 597 இடத்திற்கு வந்திருக்கிறது வி.ஐ.டி</p>
<p style="text-align: justify;"><span style="color: #e67e23;"><strong><em>இதுகுறித்து, விஐடி வேந்தர் கோ.விசுவநாதன் கூறும்போது</em></strong></span>, “உலகம் முழுவதும் உள்ள கல்வி நிறுவனங்களுடன் நிலவும் கடுமையான போட்டி சூழலில் விஐடி பல்கலைக்கழகம் கியூ.எஸ். உலக பல்கலைக்கழக தரவரிசையில் குறிப்பிடத்தக்க முன்னேற்றம் அடைந்திருப்பது பெருமைக்குரிய விஷயமாகும். கியூ.எஸ். உலக பல்கலைக்கழக தரவரிசையில் நிலைத்தன்மை பிரிவில் 2026ம் உலகளவில் 352-ம் இடம் பிடித்து சிறப்பு சேர்த்தது. இந்திய அளவில் 7-ம் இடம் பிடித்தது.</p>
<p style="text-align: justify;">அதேபோல கியூ.எஸ். உலகப் பல்கலைக்கழக பாடபிரிவு தரவரிசை பட்டியலில் 2026-ல் பொறியியல் மற்றும் தொழில்நுட்பத்தில் விஐடி பல்கலைக்கழகம் 119-ம் இடம் பிடித்தது. இந்திய அளவிலான தரவரிசையில் 6-ம் இடம் பிடித்தது குறிப்பிடத்தக்கது.</p>
<p style="text-align: justify;">விஐடி பல்கலைக்கழகம் கற்பித்தலில் புதுமை, ஆராய்ச்சி மேம்பாட்டில் திருப்புமுனைகளை ஏற்படுத்தி, உலகளவில் முதல் 200 தரவரிசை இடங்களில் நுழைவதை நோக்கமாகக் கொண்டுள்ளது” என்றார்.</p>
4 months ago
9 
