<p>தமிழ் திரையுலகில் உச்சநட்சத்திரமாக திகழ்பவர் அஜித்குமார். இவருக்கு கோடிக்கணக்கான ரசிகர்கள் உள்ளனர். இவரது நடிப்பில் துணிவு படத்திற்குப் பிறகு சுமார் இரண்டரை ஆண்டுகளுக்குப் பிறகு வெளியான படம் விடாமுயற்சி. </p>
<p>விடாமுயற்சி ஓடிடி ரிலீஸ்:</p>
<p>பல்வேறு பிரச்சினைகளுக்குப் பிறகு கடந்த பிப்ரவரி 6ம் தேதி ரிலீசானது விடாமுயற்சி. மகிழ் திருமேனி இயக்கத்தில் வெளியான இந்த படம் வழக்கமான அஜித்தின் ஆக்ஷன் படமாக இல்லாமல் காணாமல் போன மனைவியைத் தேடும் கணவனைப் பற்றிய படமாக இருந்தது. </p>
<p>இந்த படம் நெட்ப்ளிக்ஸில் மார்ச் 3ம் தேதி வெளியாகும் என்று ஏற்கனவே அறிவிக்கப்பட்டிருந்தது. இதன்படி, இன்றிரவு விடாமுயற்சி படம் நெட்ஃப்ளிக்ஸில் ரிலீசாகிறது. இந்த படம் தமிழ், தெலுங்கு, மலையாளம், கன்னடம் மற்றும் இந்தி ஆகிய மொழிகளில் ரிலீசாகிறது. </p>
<p>விடாமுயற்சி படத்தில் அஜித்திற்கு ஜோடியாக த்ரிஷா நடித்துள்ளார். அர்ஜுன், ஆரவ் ஆகியோர் முக்கிய கதாபாத்திரத்தில் நடித்துள்ளனர். ரெஜினா முக்கிய கதாபாத்திரத்தில் நடித்துள்ளார். இவர்களுடன் ரவி ராகவேந்திரன், ஜீவா ரவி, ரம்யா, விதாதி, காசிம் ஆகியோரும் நடித்திருந்தனர்.</p>
<p>ப்ரேக்டவுன் தழுவல்:</p>
<p>ஹாலிவுட்டில் வெளியான ப்ரேக்டவுன் படத்தின் தழுவலாக உருவான இந்த படத்திற்கு ஓம் பிரகாஷ் ஒளிப்பதிவு செய்துள்ளார். என்.பி.ஸ்ரீகாந்த் எடிட்டிங் செய்துள்ளார். லைகா ப்ரொடக்ஷன்ஸ் இந்த படத்தை தயாரித்திருந்தது. </p>
<p>ரசிகர்கள் ஆர்வம்:</p>
<p>முழுக்க முழுக்க அஜர்பைஜானில் நடப்பது போலவே இந்த படத்தின் கதைக்களம் அமைக்கப்பட்டிருந்தது. விடாமுயற்சி படத்தை திரையரங்கில் காண இயலாத ரசிகர்கள் ஓடிடியில் பார்க்க ஆர்வமாக உள்ளனர். </p>
<p>கடந்த மாதம் விடாமுயற்சி படம் வெளியான நிலையில், வரும் ஏப்ரல் 10ம் தேதி குட் பேட் அக்லி படம் ரிலீசாகிறது. ஆதிக் ரவிச்சந்திரன் இயக்கியுள்ள இந்த படத்தின் டீசர் ரிலீசாகி அஜித் ரசிகர்கள் மத்தியில் பெரும் வரவேற்பைப் பெற்றுள்ளது.</p>
<p><iframe class="vidfyVideo" style="border: 0px;" src="https://tamil.abplive.com/web-stories/sports/indian-players-list-who-played-more-than-300-odi-matches-sachin-dhoni-virat-kohli-217276" width="631" height="381" scrolling="no"></iframe></p>
9 months ago
6 
