UPSC மத்திய அரசு வேலை: 105 குரூப் ஏ, பி பணியிடங்கள்- ஊதியம், தகுதி, விண்ணப்பிப்பது எப்படி?

<p>யுபிஎஸ்சி எனப்படும் மத்திய அரசுப் பணியாளர் தேர்வாணையம், பல்வேறு மத்திய அமைச்சகங்கள் மற்றும் துறைகளில் காலியாக உள்ள 105 குரூப் ஏ மற்றும் குரூப் பி பணியிடங்களை நேரடி நியமனம் மூலம் நிரப்புவதற்கான அதிகாரப்பூர்வ அறிவிப்பை வெளியிட்டுள்ளது. தகுதியும் விருப்பமும் உள்ளவர்கள் ஜூலை 17-ம் தேதி வரை ஆன்லைனில் விண்ணப்பிக்கலாம் என அறிவிக்கப்பட்டுள்ளது.</p> <h2><strong>பணியிட</strong> <strong>விவரங்கள்</strong></h2> <p>இதில் மொத்தம் 105 காலியிடங்கள் அறிவிக்கப்பட்டுள்ளன. இதில் உதவி இயக்குநர், ஸ்பெஷலிஸ்ட் கிரேடு III, சட்ட அதிகாரி, விஞ்ஞானி உள்ளிட்ட பல்வேறு உயர் பதவிகள் அடங்கும்.</p> <h2><strong>கல்வித் தகுதி</strong></h2> <p>ஒவ்வொரு பதவிக்கும் கல்வித்தகுதி மாறுபடும். பொதுவாக, அங்கீகரிக்கப்பட்ட பல்கலைக்கழகத்தில் தொடர்புடைய துறையில் இளங்கலை பட்டம், முதுகலை பட்டம், பிஎச்.டி அல்லது மருத்துவத் துறையில் எம்பிபிஎஸ் தேர்ச்சி பெற்றிருக்க வேண்டும். சில குறிப்பிட்ட பதவிகளுக்கு துறைசார்ந்த முன் அனுபவமும் அவசியம்.</p> <h2><strong>ஊதியம்</strong></h2> <p>தேர்வு செய்யப்படும் நபர்களுக்கு மத்திய அரசின் 7-வது ஊதியக் குழுவின் பரிந்துரைப்படி, அந்தந்த பதவிகளுக்கான ஊதிய விகிதத்தின் அடிப்படையில் மிகச்சிறந்த மாத சம்பளம் மற்றும் இதர படிகள் வழங்கப்படும்.</p> <h2><strong>தேர்வு</strong> <strong>முறை</strong></h2> <p>விண்ணப்பதாரர்கள் அளிக்கும் தகவல்களின் அடிப்படையில், கல்வித்தகுதி மற்றும் முன் அனுபவம் கொண்டு தகுதியானவர்கள் முதலில் ஷார்ட் லிஸ்ட் செய்யப்பட்டு நேர்காணலுக்கு அழைக்கப்படுவார்கள். ஒருவேளை குறிப்பிட்ட பதவிகளுக்கு அதிகப்படியான விண்ணப்பங்கள் வந்தால், முதற்கட்டமாக எழுத்துத் தேர்வு நடத்தப்பட்டு அதன் பின்னர் நேர்காணல் நடத்தப்படும்.</p> <h2><strong>விண்ணப்பக்</strong> <strong>கட்டணம்</strong></h2> <p>பொது மற்றும் ஓபிசி பிரிவினருக்கு விண்ணப்பக் கட்டணம் ரூ.25 மட்டுமே. பெண்கள், எஸ்சி/ எஸ்டி மற்றும் மாற்றுத்திறனாளிகளுக்கு இக்கட்டணம் செலுத்துவதில் இருந்து முழு விலக்கு அளிக்கப்பட்டுள்ளது.</p> <h2><strong>முக்கிய</strong> <strong>தேதிகள்</strong></h2> <ul> <li>ஆன்லைனில் விண்ணப்பிக்கக் கடைசி தேதி: <strong>ஜூலை</strong><strong> 17 (</strong><strong>இரவு</strong><strong> 11:59 </strong><strong>மணி</strong> <strong>வரை</strong><strong>)</strong></li> <li>சமர்ப்பிக்கப்பட்ட விண்ணப்பத்தை பிரிண்ட் அவுட் எடுக்கக் கடைசி தேதி: <strong>ஜூலை</strong><strong> 18</strong></li> </ul> <p>ஆர்வமுள்ளவர்கள்&nbsp;<strong>upsconline.nic.in</strong>&nbsp;என்ற அதிகாரப்பூர்வ இணையதளத்தின் மூலம் ஆன்லைனில் மட்டுமே விண்ணப்பிக்க வேண்டும். கூடுதல் விவரங்களுக்கு UPSC தளத்தை அணுகலாம்.</p> <p><a href="https://cdn.testbook.com/1782465451569-UPSC%20Reccruitment.pdf/1782465444.pdf">https://cdn.testbook.com/1782465451569-UPSC%20Reccruitment.pdf/1782465444.pdf</a> என்ற இணைப்பை க்ளிக் செய்து பணியிடங்கள், பதவி பெயர், கல்வித் தகுதி, தேர்வு முறை, ஊதிய விவரம் உள்ளிட்ட அனைத்து விவரங்களையும் பெறலாம்.</p> <p><iframe class="vidfyVideo" style="border: 0px;" src="https://tamil.abplive.com/web-stories/astrology/what-color-clothes-should-you-wear-when-going-to-the-temple-265258" width="631" height="381" scrolling="no"></iframe></p>