<p>யுஜிசி நெட் எனப்படும் ஆசிரியர் தகுதித் தேர்வின் டிசம்பர் மாத அமர்வுக்கு விண்ணப்பப் பதிவு தொடங்கியுள்ளது. தேர்வர்கள் டிசம்பர் 10ஆம் தேதி வரை இதற்கு விண்ணப்பிக்கலாம்.</p>
<p>கல்லூரிகள் மற்றும் பல்கலைக்கழகங்களில் உதவி பேராசிரியராகப் பணியில் சேரவும், இளநிலை ஆராய்ச்சி படிப்புக்கான மத்திய அரசின் உதவித் தொகை பெறவும் நெட் தகுதித் தேர்வில் தேர்ச்சி பெற வேண்டும்.</p>
<p>தேசியத் தேர்வுகள் முகமை மூலம் இந்தத் தேர்வு ஆண்டுக்கு இரு முறை நடக்கும். குறிப்பாக ஜூன், டிசம்பர் ஆகிய மாதங்களில் கணினி வழியில் நடத்தப்படும். இந்த நிலையில் டிசம்பர் மாத அமர்வுக்கான விண்ணப்பப் பதிவு தொடங்கியுள்ளது.</p>
<h2><strong>முக்கிய தேதிகள் இவைதான்!</strong></h2>
<p>ஜனவரி 1 முதல் 19ஆம் தேதி வரை யுஜிசி நெட் தேர்வு நடைபெற உள்ளது. விண்ணப்பப் பதிவு தொடங்கிய நிலையில், தேர்வர்கள் டிசம்பர் 10ஆம் தேதி வரை விண்ணப்பிக்கலாம் என்று தெரிவிக்கப்பட்டுள்ளது. விண்ணப்பக் கட்டணத்தை டிசம்பர் 11 இரவு 11.50 மணி வரை செலுத்தலாம்.</p>
<p>விண்ணப்பத்தில் திருத்தங்கள் ஏதேனும் இருந்தால் டிசம்பர் 12, 13 ஆகிய தேதிகளில் மேற்கொள்ளலாம் என்று யுஜிசி தெரிவித்துள்ளது.</p>
<p>இந்த நிலையில் புதிதாக ஆயுர்வேத உயிரியல் பாடம் அறிமுகம் செய்யப்பட்டு உள்ளது. டிசம்பர் 2024 முதல் தேர்வர்கள் இந்தப் பாடத்தையும் தேர்வு செய்து எழுதலாம். ஆயுர்வேதத்தின் பழங்கால அறிவியலை ஊக்குவிக்கும் நோக்கத்தில் இந்த அறிவிப்பு வெளியாகி உள்ளது.</p>
<h2><strong>UGC NET December 2024 தேர்வுக்கு விண்ணப்பிப்பது எப்படி?</strong></h2>
<p>* தேர்வர்கள் <strong><span class="skimlinks-unlinked">ugcnet.nta.ac.in </span></strong>என்ற இணைப்பை க்ளிக் செய்ய வேண்டியது முக்கியம் ஆகும். </p>
<p>* முகப்புப் பக்கத்தில் <strong>UGC NET December 2024 Registration open - Click Here</strong> என்ற இணைப்பை க்ளிக் செய்யவும். </p>
<p>* புதிதாக ஒரு பக்கம் தோன்றும். அதில் பதிவு செய்து, கேட்கப்படும் தகவல்களைப் பூர்த்தி செய்யவும். </p>
<p>* தேவையான ஆவணங்களைப் பதிவேற்றம் செய்த பிறகு, விண்ணப்பக் கட்டணத்தைச் செலுத்த வேண்டும். <br />விண்ணப்பத்தைப் பதிவிறக்கம் செய்து வைத்துக் கொள்ளலாம்.</p>
<p>* அதேபோல தேர்வர்கள் <strong><a href="https://ugcnet.ntaonline.in/" rel="nofollow">https://ugcnet.ntaonline.in/</a></strong> என்ற இணைப்பை க்ளிக் செய்தும் விண்ணப்பிக்கலாம். </p>
<p>விவரங்களை முழுமையாகக் காண <strong><a href="https://ugcnet.nta.ac.in/images/public-notice-ugc-net-december-2023-for-application.pdf" rel="nofollow">https://ugcnet.nta.ac.in/images/public-notice-ugc-net-december-2023-for-application.pdf</a></strong> என்ற இணைப்பை க்ளிக் செய்து காணவும். </p>
<p>தேர்வர்கள் இ- மெயில் முகவரி: <strong><a href="mailto:
[email protected]" rel="nofollow">
[email protected]</a></strong></p>
<p><strong>கூடுதல் தகவல்களுக்கு <a href="https://ugcnet.nta.ac.in/" rel="nofollow">https://ugcnet.nta.ac.in/</a></strong></p>
1 year ago
7 
