<p>தமிழக வெற்றிக் கழகத்தின் தலைவர் நடிகர் விஜய் அடுத்தாண்டு நடக்க உள்ள சட்டமன்ற தேர்தலுக்காக தீவிர பரப்புரையில் ஈடுபட்டு வருகிறார். வரும் டிசம்பர் மாதம் வரை ஒவ்வொரு சனிக்கிழமையும் தனது சுற்றுப்பயணத்தை நடிகர் விஜய் திட்டமிட்டுள்ளார்.</p>
<h2><strong>அஜித் படத்தில் கையெழுத்திட்ட விஜய்:</strong></h2>
<p>அந்த வகையில் இன்று விஜய் நாமக்கல்லில் சுற்றுப்பயணம் மேற்கொண்டு வருகிறார். நாமக்கல்லில் அவரை காண்பதற்காக லட்சக்கணக்கான ரசிகர்கள் குவிந்துள்ளனர். அப்போது, விஜய்யிடம் தவெக தொண்டர் ஒருவர் விஜய் - அஜித் இருவரும் இணைந்து நடித்த ராஜாவின் பார்வையிலே படத்தில் விஜய் - அஜித் இருவரும் கைகோர்த்து நடந்து வரும் புகைப்படத்தை வழங்கினார். </p>
<p>அந்த புகைப்படத்தை பெற்றுக்கொண்ட விஜய் அதில் பிரியமுடன் விஜய் என்று கையெழுத்து இட்டு அந்த தொண்டருக்கு வழங்கினார். அந்த புகைப்படத்தில் ஏகே/ டிவிகே என்று குறிப்பிடப்பட்டிருந்தது. தமிழ்நாட்டில் ரஜினிகாந்திற்கு நிகரான ரசிகர்கள் பட்டாளத்தை தன்னகத்தே கொண்டுள்ள இரண்டே நடிகர் விஜய் மற்றும் அஜித் ஆகிய இருவர் மட்டுமே ஆவார்கள். </p>
<h2><strong>அஜித் ரசிகர்களின் வாக்குகள்:</strong></h2>
<blockquote class="twitter-tweet" data-media-max-width="560">
<p dir="ltr" lang="ta">அஜித் படத்தை பரிசளித்த தொண்டர்! விஜய் செய்த சம்பவம்!<a href="https://twitter.com/hashtag/Vijay?src=hash&ref_src=twsrc%5Etfw">#Vijay</a> <a href="https://twitter.com/hashtag/TVK?src=hash&ref_src=twsrc%5Etfw">#TVK</a> <a href="https://twitter.com/hashtag/ajith?src=hash&ref_src=twsrc%5Etfw">#ajith</a> <a href="https://twitter.com/hashtag/ajithkumar?src=hash&ref_src=twsrc%5Etfw">#ajithkumar</a> <a href="https://twitter.com/hashtag/ABPNadu?src=hash&ref_src=twsrc%5Etfw">#ABPNadu</a> <a href="https://twitter.com/hashtag/ABPNews?src=hash&ref_src=twsrc%5Etfw">#ABPNews</a> <a href="https://twitter.com/hashtag/%E0%AE%8F%E0%AE%AA%E0%AE%BF%E0%AE%AA%E0%AE%BF%E0%AE%A8%E0%AE%BE%E0%AE%9F%E0%AF%81?src=hash&ref_src=twsrc%5Etfw">#ஏபிபிநாடு</a> <a href="https://t.co/AZl1ZYlb9g">pic.twitter.com/AZl1ZYlb9g</a></p>
— ABP Nadu (@abpnadu) <a href="https://twitter.com/abpnadu/status/1971855277579555248?ref_src=twsrc%5Etfw">September 27, 2025</a></blockquote>
<p>
<script src="https://platform.twitter.com/widgets.js" async="" charset="utf-8"></script>
</p>
<p>திரையுலகில் விஜய் மற்றும் அஜித் இருவர் மட்டுமே ஒருவருக்கு நிகர் ஒருவர் என்று ரசிகர்களால் கொண்டாடப்படும் அளவிற்கு புகழ்பெற்ற நடிகர்களாக திகழ்பவர்கள். இவர்களது ரசிகர்கள் சமூக வலைதளங்களில் தீவிரமாக சண்டையிட்டு வந்த சூழலில், தவெக-வினர் வெற்றிக்கு பிற நடிகர்களின் ரசிகர்களின் வாக்குகள் தேவைப்படுகிறது. </p>
<p>அந்த வகையில், விஜய்க்கு வரும் தேர்தலில் அஜித் ரசிகர்களின் வாக்குகள் மிகவும் முக்கியமானதாக கருதப்படுகிறது. இதனால், விஜய் பரப்புரை செல்லும் இடங்களில் விஜய் - அஜித் இருவரும் இணைந்து இருக்கும் புகைப்படங்களும், பேனர்களும் வைக்கப்பட்டு வருகிறது. </p>
<h2><strong>அஜித் ரசிகர்களை கவர தவெக வியூகம்:</strong></h2>
<p>இது அஜித் ரசிகர்களை கவரும் விதமாக உள்ளது. விஜய் - அஜித் இருவரும் இணைந்து ராஜாவின் பார்வையிலே படத்தில் மட்டுமே நடித்துள்ளனர். பின்னர். இவர்கள் இருவரும் இணைந்து நேருக்கு நேர் படம் நடிப்பதாக இருந்தது. ஆனால், படப்பிடிப்பு தொடங்கிய பிறகு அஜித் படத்தில் இருந்து விலகிவிட்டார் என்பது குறிப்பிடத்தக்கது.</p>
<p>அஜித் ரசிகர்கள் மட்டுமின்றி பிற பிரபல நடிகர்களின் ரசிகர்களின் வாக்குகளை கவரவும் தவெக தொடர்ந்து நடவடிக்கை எடுத்து வருகின்றனர். விஜய் - அஜித் இருவரும் தற்போது தமிழ் திரையுலகின் உச்சநட்சத்திரங்களாக உலா வரும் சூழலில், <a title="விஜய்" href="https://tamil.abplive.com/topic/vijay" data-type="interlinkingkeywords">விஜய்</a> ஜனநாயகன் படத்துடன் தனது திரை வாழ்வை முடித்துக் கொள்வதாக அறிவித்துள்ளார். அஜித்தும் கார் ரேஸில் முழு கவனம் செலுத்தி வருகிறார்.</p>
<p><iframe class="vidfyVideo" style="border: 0px;" src="https://tamil.abplive.com/web-stories/gk/why-is-a-coconut-broken-before-every-auspicious-occasion-details-in-pics-235046" width="631" height="381" scrolling="no"></iframe></p>
2 months ago
4 
