<p>அரசியல் மீது ஆர்வம் கொண்டிருந்த நடிகர் விஜய் கடந்த பிப்ரவரி மாதம் தமிழக வெற்றிக் கழகம் கட்சியைத் தொடங்கினார். தமிழக வெற்றிக் கழகம் கட்சியைத் தொடங்கிய அவர் வரும் 2026ம் ஆண்டு சட்டமன்ற தேர்தலில் களமிறங்க உள்ளதாக அறிவித்தார்.<br /><br /><strong>தமிழக வெற்றிக் கழக மாநாடு:</strong></p>
<p>கட்சியைத் தொடங்கிய பிறகு கட்சியின் கொள்கைகள், விஜய்யின் நிலைப்பாடு குறித்து எந்த அறிவிப்பும் வெளியாகாமல் இருந்தது. இந்த நிலையில், நடிகர் விஜய்யின் தமிழக வெற்றிக் கொள்கை மாநாடு இன்று விக்கிரவாண்டியில் நடக்கிறது.</p>
<p>விழுப்புரம் மாவட்டத்தில் இன்று நடைபெற உள்ள இந்த மாநாட்டிற்கு நேற்று இரவு முதலே தொண்டர்கள் குவிந்து வருகின்றனர். மாநாட்டுத் திடலில் தொண்டர்களின் வசதிக்காக சாப்பாட்டு கடைகள், தண்ணீர் கடைகள் என மக்களுக்காக பல கடைகள் செயல்பட்டு வருகிறது.<br /><br /><strong>த.வெ.க. மாநாட்டில் சிகரெட் கடை:</strong></p>
<p>இந்த நிலையில், இந்த மாநாட்டில் ஒருவர் சிகரெட் கடை வைத்துள்ளார். மாநாட்டுத் திடலில் பல வகையான சிகரெட்டுகளை அவர் விற்பனை செய்து வருகிறார். இந்த வீடியோ தற்போது இணையத்தில் வைரலாகி வருகிறது. நடிகர் <a title="விஜய்" href="https://tamil.abplive.com/topic/vijay" data-type="interlinkingkeywords">விஜய்</a> முதன்முறையாக நடத்தும் அரசியல் மாநாட்டில் கடைக்காரர் ஒருவர் சிகரெட் விற்பனை செய்து வருவதற்கு மற்ற அரசியல் கட்சியினர் கண்டனத்தை தெரிவித்து வருகின்றனர். மாநாட்டுத் திடலில் நூற்றுக்கணக்ககானோர் கடைகள் போட்டுள்ளனர் என்பது குறிப்பிடத்தக்கது.</p>
<p><iframe src="//www.youtube.com/embed/IMGkrtWk8QU?si=_GjX9a3vHILYunwf" width="560" height="314" allowfullscreen="allowfullscreen"></iframe></p>
1 year ago
7 
