<p><strong><a title="முதலமைச்சர் ஸ்டாலின்" href="https://tamil.abplive.com/topic/cm-mk-stalin" data-type="interlinkingkeywords">முதலமைச்சர் ஸ்டாலின்</a> வலியுறுத்தல்</strong></p>
<p>கோடை வெயிலால் தவிக்கும் பறவைகளுக்கு நீரும் உணவும் கொடையளிப்போம். பறவைகளுக்கு உணவு, குடிநீர் வழங்கும் புகைப்படத்தை X தளத்தில் முதல்வர் மு.க.ஸ்டாலின் பகிர்ந்துள்ளார்</p>
<p><strong>மீண்டும் டெல்லி செல்லும் செங்கோட்டையன்</strong></p>
<p>செங்கோட்டையன் இன்று இரவு மீண்டும் டெல்லிக்கு செல்ல உள்ளதாக தகவல். அதிமுகவை ஒருங்கிணைக்க இபிஎஸ் மறுக்கும் நிலையில், செங்கோட்டையனை முன்னிறுத்தி பாஜக காய் நகர்த்தி வருவதாக தகவல் வெளியாகியுள்ளது.</p>
<p><strong>சொத்துவரி செலுத்த இன்றே கடைசிநாள்</strong></p>
<p>சென்னை மாநகராட்சியில் சொத்துவரி செலுத்த இன்று கடைசிநாள். நடப்பாண்டுக்கான வரியை செலுத்தாவிட்டால் அபராதம் விதிக்கப்படும் என மாநகராட்சி எச்சரிக்கை. விடுமுறை நாளாக இருந்தாலும், வரியை செலுத்த ஏதுவாக மாநகராட்சி வருவாய்த்துறை இன்று செயல்படும் என தெரிவிப்பு</p>
<p><strong>நாளை முதல் சுங்க கட்டணம் உயர்வு</strong></p>
<p>"தேசிய நெடுஞ்சாலைகளில் வாகனங்களுக்கான சுங்க கட்டணம் உயர்த்தப்பட்டு, நாளை (ஏப்.1) முதல் திருந்திய புதிய கட்டணம் வசூலிக்கப்படும்” தாம்பரம்-மதுரவாயல் நெடுஞ்சாலையில் உள்ள வானகரம் சுங்கச்சாவடி மற்றும் | தாம்பரம்- புழல் நெடுஞ்சாலையில் உள்ள சூரப்பட்டு சுங்கச்சாவடியில் உயர்த்தப்பட்ட கட்டணம் நாளை முதல் வசூலிக்கப்படும்; இந்த கட்டணம் 2026, மார்ச் 31ஆம் தேதி வரை நடைமுறையில் இருக்கும் - தேசிய நெடுஞ்சாலை ஆணையம் அறிவிப்பு</p>
<p><strong>எம்புரான் படத்தின் 3 நிமிடக் காட்சிகள் நீக்கம்</strong></p>
<p>மோகன்லால் நடித்துள்ள எம்புரான் படத்தில் 3 நிமிடக் காட்சிகள் நீக்கம்; குஜராத் கலவரக் காட்சிகளுக்கு ஆர்.எஸ்.எஸ். உள்ளிட்ட வலதுசாரி அமைப்புகள் எதிர்ப்பை அடுத்து முடிவு. நேற்றிரவு ஆலோசனை நடத்திய தணிக்கை வாரியம் முதலில் 20 நிமிடக் காட்சிகளை மாற்ற வேண்டும் என கூறிய நிலையில் தொடர்ந்து நடந்த ஆலோசனையில் 3 நிமிடக் காட்சிகளை மட்டும் மாற்ற தணிக்கை வாரியம் அறிவுறுத்தல்</p>
<p><strong>ஈரானுக்கு ட்ரம்ப் விடுத்த மிரட்டலால் பரபரப்பு!</strong></p>
<p>"அணு ஆயுத ஒப்பந்தத்தில் கையெழுத்து போட மறுத்தால் ஈரான் மீது குண்டு வீசுவோம்" என அமெரிக்க அதிபர் ட்ரம்ப் பகிரங்க மிரட்டல். இதையடுத்து ஏவுகணை தாக்குதலுக்கு ஈரான் அரசு தயாராக உள்ளதாக அந்நாட்டு ஊடகம் செய்தி வெளியிட்டுள்ளது.</p>
<p><strong>புதின் மீது கோபம் - ட்ரம்ப்</strong></p>
<p>உக்ரைன் அதிபர் ஜெலன்ஸ்கியை நீக்கி அந்நாட்டில் இடைக்கால அரசை நியமிக்க புதின் கூறிய கருத்தால் கோபம் அடைந்திருப்பதாக டிரம்ப் அறிவிப்பு. புதினுடன் நல்லுறவு இருப்பதாகவும் புதின் சரியானவற்றை செய்யும்போது, கோபம் சரியாகிவிடுவதாக கருத்து</p>
<p><strong>மும்பை - கொல்கத்தா இன்று மோதல்:</strong></p>
<p><a title="ஐபிஎல்" href="https://tamil.abplive.com/sports/ipl" data-type="interlinkingkeywords">ஐபிஎல்</a> தொடரின் இன்றைய லீக் போட்டியில் மும்பை மற்றும் கொல்கத்தா அணிகள் மோதுகின்றன. வான்கடே மைதானத்தில் இரவு 7.30 மணிக்கு இந்த போட்டி தொடங்குகிறது. அடுத்தடுத்து இரண்டு தோல்விகளை சந்தித்துள்ள மும்பை அணி, தொடரின் முதல் வெற்றியை பதிவு செய்ய தீவிரம் காட்டுகிறது.</p>
<p><strong>சொதப்பும் ஓபனிங் - ருதுராஜ் கெய்க்வாட்</strong></p>
<p>பேட்டிங் ஆர்டர் குறித்து பேசிய CSK கேப்டன் ருதுராஜ், “எதிர்பாராத விதமாக எங்களுக்கு நல்ல தொடக்கம் அமையவில்லை. அது மட்டும் அமைந்துவிட்டால் எல்லாமே மாறிவிடும். திரிப்பாதியால் ஒப்பனிங்கில் ஆக்ரோஷமாக பேட்டிங் செய்ய முடியும். நான் Middle Over-களில் இறங்கினால் நன்றாக இருக்கும் என எண்ணிணோம்" என பதிலளித்துள்ளார்.</p>
8 months ago
6 
