<ul>
<li>பொதுச்செயலாளர் எடப்பாடி பழனிசாமி முன்னிலையில் நாம் தமிழர் கட்சியின் முன்னாள் நிர்வாகி காளியம்மாள் அதிமுகவில் இணைந்தார். அதிமுகவில் இணைந்தது ஒருங்கிணைந்து எடுத்த முடிவு என தெரிவித்துள்ளார்.</li>
<li>ஒகேனக்கல் கூட்டுக் குடிநீர் திட்டத்திற்கு ஒப்புதலையும், ஜல் ஜீவன் திட்டத்தின் கீழ் வழங்க வேண்டிய நிலுவை நிதியையும் அளிக்க வேண்டும் என <a title="முதலமைச்சர் ஸ்டாலின்" href="https://tamil.abplive.com/topic/cm-mk-stalin" data-type="interlinkingkeywords">முதலமைச்சர் ஸ்டாலின்</a> பிரதமர் மோடிக்கு கடிதம் எழுதியுள்ளார். </li>
<li>அதிமுகவின் எடப்பாடி பழனிசாமியை எதிர்த்து புதிதாக கட்சி தொடங்கிய சசிகலா முன்னதாக கொடியை மட்டும் அறிமுகம் செய்திருந்தார். இன்று கட்சியின் பெயரை நண்பகல் 12 மணிக்கு அறிவிக்கிறார்.</li>
<li>வேளச்சேரி - பரங்கிமலை பாதையில் மார்ச் 14ம் தேதி முதல் ரயில்கள் இயக்கப்படுகிறது. சென்னை கடற்கரை - பரங்கிமலை இடையே 43 ஜோடி பறக்கும் ரயில்களும், சென்னை கடற்கரை - வேளச்சேரி இடையே 2 ஜோடி ரயில்களும் பரங்கிமலை - வேளச்சேரி இடையே 3 ஜோடி ரயில்கள் இயக்கப்படும் என தெரிவிக்கப்பட்டுள்ளது. </li>
<li>திமுகவில் இணைந்த ஓ.பன்னீர்செல்வம் இன்று முதல் தொகுதி வாரியாக பிரசாரம் மேற்கொள்கிறார். தென்காசியில் இன்று தொடங்கி கடையநல்லூர், சங்கரன்கோவில், வாசுதேவநல்லூரில் பரப்புரை மேற்கொள்கிறார்.</li>
<li>மதுரையில் 398 சிலிண்டர்களை கள்ளச்சந்தையில் விற்பனை செய்த இருவரை குண்டர் சட்டத்தின்கீழ் கைது செய்து போலீசார் விசாரணை நடத்தி வருகின்றனர். மேலும் சிலிண்டர் தட்டுப்பாடு குறித்து வதந்தி பரப்புவோர் மீது நடவடிக்கை எடுக்கப்படும் என தெரிவிக்கப்பட்டுள்ளது. </li>
<li>ஐ.நா. பாதுகாப்பு கவுன்சிலில் ஈரான் நாட்டைக் கண்டித்து தீர்மானத்தை முன்மொழிந்த இந்தியா, அமெரிக்க - இஸ்ரேல் போரை கண்டித்து ஒரு வார்த்தை கூட பேசவில்லை என ப.சிதம்பரம் கடுமையாக விமர்சித்துள்ளார். </li>
<li>போர் பதற்றத்தால் ஏற்பட்டுள்ள எரிபொருள் தட்டுப்பாடு காரணமாக இந்தியாவின் உதவியை அண்டை நாடுகள் நாடி வருகிறது. உற்பத்தி அளவை கணக்கிட்டே ஏற்றுமதி செய்ய முடியும் என மத்திய அரசு திட்டவட்டமாக கூறியுள்ளதாக தகவல் வெளியாகியுள்ளது.</li>
<li>தலைமைத் தேர்தல் ஆணையர் ஞானேஷ் குமார் பதவி நீக்கத் தீர்மானத்தில் 193 எதிர்க்கட்சி எம்.பி.க்கள் கையெழுத்திட்டுள்ளதாக தகவல் வெளியாகியுள்ளது. இதனை இன்று மக்களவை அல்லது மாநிலங்களவையில் சமர்ப்பிக்கப்பட உள்ளது.</li>
<li>புதுச்சேரிக்கு மாநில அந்தஸ்து வழங்குவது உள்ளிட்ட கோரிக்கைகளை நிறைவேற்றாவிட்டால் சட்டப் பேரவைத் தேர்தலில் கூட்டணி வைப்பது தொடர்பாக என பாஜகவுக்கு என்.ஆர்.காங்கிரஸ் எச்சரிக்கை விடுத்துள்ளதாக தகவல் வெளியாகியுள்ளது.</li>
<li>தமிழ்நாடு உள்ளிட்ட 5 மாநில தேர்தல் தேதியை ஓரிரு நாட்களில் தேர்தல் ஆணையம் அறிவிக்க வாய்ப்புள்ளதாக சொல்லப்படுகிறது. கொல்கத்தாவில் பிரதமர் நிகழ்ச்சிகள் நடைபெற உள்ள நிலையில் மார்ச் 15 அல்லது 16ஆம் தேதி அறிவிப்பு வெளியாகலாம் என கூறப்படுகிறது. </li>
<li>இந்தியாவின் 33 கோடி குடும்பங்களின் வீடுகளுக்கும் தட்டுப்பாடின்றி கேஸ் சிலிண்டர்கள் கிடைக்க முன்னுரிமை அளிக்கப்படும் என மத்திய அமைச்சர் ஹர்தீப் சிங் புரி உறுதி அளித்துள்ளார். </li>
</ul>
<p><iframe class="vidfyVideo" style="border: 0px;" src="https://tamil.abplive.com/web-stories/health/soaked-fenugreek-water-benefits-when-drink-in-the-morning-know-in-tamil-252873" width="631" height="381" scrolling="no"></iframe></p>
1 month ago
4 
