<h3>முதல்வர் ஆலோசனை</h3>
<p>தமிழ்நாட்டில் வணிக LPG சிலிண்டர் தட்டுப்பாடு குறித்து பல்வேறு துறை செயலாளர்கள், அரசின் முக்கிய அதிகாரிகளுடன் முதலமைச்சர் மு.க.ஸ்டாலின் இன்று ஆலோசனை செய்கிறார். இந்த ஆலோசனை கூட்டத்திற்குப் பிறகு பல்வேறு அறிவிப்புகள் வெளியாகும் எனவும் எதிர்பார்க்கப்படுகிறது.</p>
<h3>ஊழியர்கள் பணிநீக்கம்</h3>
<p>AI ஆதிக்கம் காரணமாக, சுமார் 20% ஊழியர்களை பணிநீக்கம் செய்ய Meta நிறுவனம் திட்டமிட்டுள்ளதாக அதிர்ச்சித் தகவல் வெளியாகியுள்ளது.<br />2025 டிசம்பர் நிலவரப்படி, Meta-வில் 79,000 ஊழியர்கள் பணியாற்றி வருவது குறிப்பிடத்தக்கது.</p>
<h3><strong> ட்ரம்ப் எச்சரிக்கை</strong></h3>
<p>ஈரானின் முக்கிய எண்ணெய் ஏற்றுமதி |முனையமான கார்க் தீவில் உள்ள ராணுவக் கட்டமைப்புகளை அமெரிக்க ராணுவம் முற்றிலுமாக அழித்துவிட்டதாக ட்ரம்ப் தெரிவிப்பு. மனிதாபிமான அடிப்படையில் அங்குள்ள எண்ணெய் உள்கட்டமைப்புகளைத் தாக்கவில்லை என்றும், ஹார்முஸ் நீரிணையில் ஈரான் தாக்குதல்களை தொடர்ந்தால் அதையும் விட்டுவைக்க மாட்டேன் எனவும் எச்சரிக்கை.</p>
<h3>தமிழ்நாடு தேர்தல் தேதி அறிவிப்பதில் தாமதம்?</h3>
<p>தமிழ்நாடு உள்ளிட்ட 5 மாநில தேர்தல் தேதி நாளை (மார்ச் 15) வெளியாகும் என எதிர்பார்க்கப்பட்ட நிலையில் ஓரிரு நாட்கள் தாமதமாக வாய்ப்பு<br />மாநிலங்களவைத் தேர்தல் முடிவடைந்த பின்னர் மார்ச் 16ஆம் தேதிக்குப் பிறகே தேர்தல் தேதி அறிவிப்பு என தகவல்</p>
<h3>இந்தியர்கள் உயிரிழப்பு:</h3>
<p>ஓமன் நாட்டின் சோஹர் நகரில் நடத்தப்பட்ட ட்ரோன் தாக்குதலில் 2 இந்தியர்கள் உயிரிழப்பு, 10 இந்தியர்கள் காயம், காயமடைந்தவர்களில் 5 பேர் ஏற்கனவே மருத்துவமனையில் |இருந்து வீடு திரும்பியுள்ளனர், மீதமுள்ள 5 பேர் சிகிச்சை பெற்று| வருகின்றனர் என இந்திய வெளியுறவு அமைச்சகம் தெரிவிப்ப</p>
<h3>முடிவுக்கு வந்த காத்திருப்பு</h3>
<p>வேளச்சேரி-பரங்கிமலை இடையிலான பறக்கும் ரயில் சேவை 18 ஆண்டு கால காத்திருப்பிற்கு பிறகு தொடங்கியது. கடற்கரை - பரங்கிமலை ரயில் சேவை இன்று அதிகாலை 5 மணி முதல் தொடங்கியது. முதல் ரயில் வேளச்சேரி வழியாக பரங்கிமலைக்கு காலை 6.05 மணிக்கு சென்றடையும் என தெரிவிப்பு.</p>
<h3><strong>காங்கிரஸுக்கு அதிக தொகுதிகளா?</strong></h3>
<p>சட்டமன்ற தேர்தலில் காங்கிரஸுக்கும், தி.மு.க கூட்டணியில் புதிதாக இணைந்துள்ள தே.மு.தி.க-விற்கும் அதிக தொகுதிகள் என கேள்விப்பட்டோம்; தே.மு.தி.க-விற்கு அதிக தொகுதிகள் ஒதுக்கிவிட்டு எங்களுக்கு தொகுதிகளை குறைப்பதில் எந்த நியாயமும் இல்லை. மதவாத சக்திகளை விரட்டுவது எவ்வளவு முக்கியமோ, அதே அளவிற்கு எங்கள் பலத்திற்கு ஏற்ப தொகுதிகளும் முக்கியம் - மார்க்சிஸ்ட் கம்யூனிஸ்ட் என தெரிவித்துள்ளது.</p>
<h3>ஹோர்முஸ் நிரிணை கடந்த கப்பல்</h3>
<p>தடை செய்யப்பட்ட ஹோர்முஸ் நீரிணையை 54,000 டன் எரிவாயு உடன் கடந்து இந்தியா வருகிறது கப்பல் நேற்றிரவு(மார்ச்13) ஹோர்முஸ் நிரிணையை சிவலிக் என்ற இந்தியக் கப்பல் கடந்துள்ளது; கத்தாரில் இருந்து கடந்த 7ஆம் தேதி புறப்பட்ட கப்பல் ஈரானின் தடையால் சிக்கியிருந்து; சிவலிக் கப்பலில் வரும் 54,000 டன் எரிவாயு இந்தியாவின் ஒருநாள் LPG இறக்குமதிக்கு சமமானது. </p>
<h3>பெட்ரோலியம் டீலர் சங்கம் மனு</h3>
<p>பெட்ரோல், டீசல் தமிழகத்தில் அடுத்த 19 நாட்களுக்கு தேவையான அளவிற்கு இருப்பில் உள்ளது; இருப்பினும் வதந்தியை நம்பி தேவைக்கு அதிகமாக பெட்ரோல் வாங்கி செல்ல கூட்டம் கூடுகிறது. அளவுக்கு அதிகமாக கூடும் கூட்டத்தை ஊழியர்கள் மட்டுமே கட்டுப்படுத்த முடியவில்லை; காவல்துறை பாதுகாப்பு தேவை - தமிழக பொறுப்பு டி.ஜி.பி.யிடம் பெட்ரோலியம் டீலர் சங்கம் சார்பில் மனு அளிக்கப்பட்டுள்ளது</p>
1 month ago
4 
