<p>டிஎன்பிஎஸ்சியின் தரப்பில் தேர்வர்களுக்கு உகந்த, வெளிப்படையான மற்றும் விரைவான முடிவுகளை வழங்குவதற்கான கொள்கை மாற்றங்களைச் செய்து வருவதாக டிஎன்பிஎஸ்சி அறிவித்துள்ளது.</p>
<p>தமிழ்நாடு முழுவதும் பல்வேறு அரசுத் துறைகளில் ஏற்படும் காலி இடங்களை நிரப்ப, போட்டித் தேர்வுகள் நடத்தப்படுகின்றன. இவற்றை டிஎன்பிஎஸ்சி எனப்படும் தமிழ்நாடு அரசுப் பணியாளர் தேர்வாணையம் நடத்தி வருகிறது.</p>
<h2><strong>தொடர் புகார்க் குரல்கள்</strong></h2>
<p>ஆணையத்தின் தலைவராக இருந்த பாலச்சந்திரன் கடந்த 2022ஆம் ஆண்டு ஜூன் மாதம் ஓய்வு பெற்றார். அதற்குப் பின்பு 2 ஆண்டுகளாக தலைவர் பதவி நிரப்பப்படாமல் இருந்தது. இதற்கிடையே டிஎன்பிஎஸ்சி குரூப் 1, 2, குரூப் 4 உள்ளிட்ட தேர்வுகளின் அறிவிக்கைகள், தேர்வு, தேர்வு முடிவுகள் ஆகியவற்றை அறிவிப்பதில் தாமதம் ஏற்படுவதாகத் தொடர்ந்து புகார்க் குரல்கள் எழுந்தன.</p>
<h2><strong>உறுதி அளித்த டிஎன்பிஎஸ்சி தலைவர் </strong></h2>
<p>இந்த நிலையில், 2 ஆண்டுக்குப் பிறகு ஆகஸ்ட் மாதம் எல்.கே.பிரபாகர் ஐஏஎஸ் நியமனம் செய்யப்பட்டார். அவர் பதவியேற்கும்போது, ’’டிஎன்பிஎஸ்சி இனி வெளிப்படையாகச் செயல்படும். தேர்வு அறிவிப்புகள், முடிவுகள் குறித்த தகவல்கள் உடனுக்குடன் வெளியிடப்படும். இனி காலதாமதம் இல்லாமல், விரைவாக நடவடிக்கை எடுக்கப்படும்’’ என்று உறுதி அளித்திருந்தார்.</p>
<p>அதை மெய்ப்பிக்கும் வகையில், போட்டித் தேர்வுகளின் அறிவிக்கை, தேர்வு, தேர்வு முடிவுகள் ஆகியவை முடிந்த அளவுக்கு வேகப்படுத்தப்பட்டுள்ளது.</p>
<p><strong>இதையும் வாசிக்கலாம்: <a title="சபாஷ்: போட்டித் தேர்வுகள், வெற்றிபெற்றோரின் விவரங்களை வெளிப்படையாக வெளியிட்ட டிஎன்பிஎஸ்சி- விவரம்! " href="https://tamil.abplive.com/education/tnpsc-transparency-data-disclosure-competitive-exams-group-1-candidates-know-in-detail-204492" target="_blank" rel="noopener">சபாஷ்: போட்டித் தேர்வுகள், வெற்றிபெற்றோரின் விவரங்களை வெளிப்படையாக வெளியிட்ட டிஎன்பிஎஸ்சி- விவரம்! </a></strong></p>
<h2><strong>டிஎன்பிஎஸ்சி எக்ஸ் பக்கம்</strong></h2>
<p>முன்னதாக, ஆணையம் பெயரில் எக்ஸ் பக்கம் தொடங்கப்பட்டது. இதில், ஆணையத்தின் அறிவிப்புகள் உடனுக்குடன் பதிவேற்றம் செய்யப்படுகின்றன.</p>
<blockquote class="twitter-tweet">
<p dir="ltr" lang="zxx"><a href="https://t.co/VHvpUNWbl1">pic.twitter.com/VHvpUNWbl1</a></p>
— TNPSC (@TNPSC_Office) <a href="https://twitter.com/TNPSC_Office/status/1849289029743001686?ref_src=twsrc%5Etfw">October 24, 2024</a></blockquote>
<p>
<script src="https://platform.twitter.com/widgets.js" async="" charset="utf-8"></script>
</p>
<p>இந்த நிலையில், ஒரு வாரத்துக்கு உள்ளாகவே சான்றிதழ் சரிபார்ப்புக்கு தேர்வர்கள் அழைக்கப்பட்டுள்ளதாக <a title="டிஎன்பிஎஸ்சி" href="https://tamil.abplive.com/topic/tnpsc" data-type="interlinkingkeywords">டிஎன்பிஎஸ்சி</a> இன்று தெரிவித்துள்ளது. நேர்முகத் தேர்வு அல்லாத பதவிகளுக்கான சான்றிதழ் சரிபார்ப்புகள் 6 வேலை நாட்களுக்கு உள்ளாக நடைபெற்றுள்ளன.</p>
<p>இதனால் அரசுப் பணிகளுக்குத் தயாராகி வரும் தேர்வர்களும் அரசு வேலைகளுக்காகக் காத்திருக்கும் மாணவர்களும் உற்சாகம் அடைந்துள்ளனர். </p>
<p><strong>இதையும் வாசிக்கலாம்: <a title="TNPSC Answer Key: அடடே.. நடத்திய அத்தனை தேர்வுக்கும் 1 வாரத்துக்குள் விடைக் குறிப்பு- டிஎன்பிஎஸ்சி அசத்தல்!" href="https://tamil.abplive.com/education/tnpsc-reforms-released-tentative-answer-key-within-1-week-for-all-the-exams-conducted-in-2024-204655" target="_blank" rel="noopener">TNPSC Answer Key: அடடே.. நடத்திய அத்தனை தேர்வுக்கும் 1 வாரத்துக்குள் விடைக் குறிப்பு- டிஎன்பிஎஸ்சி அசத்தல்!</a></strong></p>
<p> </p>
1 year ago
7 
