<p>தமிழ்நாடு அரசு பணியாளர்‌ தேர்வாணையத்தின்‌ குரூப் 1 (TNPSC-GROUP- I Prelims) முதல்நிலை தேர்விற்காக சென்னை மாவட்ட வேலைவாய்ப்பு மற்றும்‌ தொழில்நெறி வழிகாட்டு மையத்தில்‌ நடைபெற்று வரும்‌ இலவச பயிற்சி வகுப்புகளில்‌ விருப்பமுள்ள தகுதி வாய்ந்தவர்கள்‌ சேர்ந்து பயனடையுமாறு சென்னை மாவட்ட ஆட்சித்‌தலைவர்‌ ரஷ்மி சித்தார்த்‌ ஐஜகடே தெரிவித்துள்ளார்‌.</p>
<h2><strong>இதுகுறித்து அவர் வெளியிட்டுள்ள அறிவிப்பு:</strong></h2>
<p>’’தமிழ்நாடு அரசு பணியாளர்‌ தேர்வாணையத்தால்‌ நடத்தப்படவுள்ள குரூப் – 1 (TNPSC-GROUP-I ) தேர்விற்கு 90 காலிப்பணியிடங்களுக்கான அறிவிப்பு 28.03.2024 அன்று வெளியிடப்பட்டது. இத்தேர்விற்கான குறைந்தபட்ச கல்வித்‌ தகுதி இளநிலைப் பட்டப்படிப்பு ஆகும்‌.</p>
<p>தமிழ்நாடு அரசு பணியாளர்‌ தேர்வாணையத்தின்‌ குரூப் 1-ற்கான முதல்நிலை தேர்விற்கு இலவசp பயிற்சி வகுப்புகள்‌, சென்னை மாவட்ட வேலைவாய்ப்பு மற்றும்‌ தொழில்நெறி வழிகாட்டும்‌ மையத்தில்‌ இயங்கும்‌ தன்னார்வ பயிலும்‌ வட்டத்தில்‌ 22-05-2024 முதல்‌ (திங்கள்‌ முதல்‌ வெள்ளி வரை) நடத்தப்பட்டு வருகின்றன.</p>
<h2><strong>பயிற்சி வகுப்பில் இணைவது எப்படி?</strong></h2>
<p>இப்பயிற்சி வகுப்பில்‌ சேர விருப்பமுள்ளவர்கள்‌, தேர்விற்கு விண்ணப்பம்‌ செய்ததற்கான விண்ணப்ப நகல்‌, தங்களது ஆதார்‌ அட்டையின்‌ நகல்‌ மற்றும்‌ பாஸ்போர்ட்‌ அளவுள்ள புகைப்படத்துடன்‌ சென்னை - 32, கிண்டி, மாவட்ட வேலைவாய்ப்பு மற்றும்‌ தொழில்‌நெறி வழிகாட்டும்‌ மையத்தை நேரடியாக அலுவலக வேலை நாட்களில்‌ அணுகுமாறு கேட்டு கொள்ளப்படுகின்றார்கள்‌.</p>
<p>மேலும்‌, விவரங்களுக்கு, <strong>
[email protected]</strong> என்ற மின்னஞ்சலில்‌தொடர்பு கொள்ளலாம்‌.</p>
<p>சென்னை மாவட்டத்தை சேர்ந்த தகுதிவாய்ந்த தேர்வர்கள்‌ இப்பயிற்சி வகுப்பில்‌ சேர்ந்து பயன்பெறலாம்.’’</p>
<p>இவ்வாறு சென்னை மாவட்ட ஆட்சித்‌ தலைவர்‌ ரஷ்மி சித்தார்த்‌ ஜகடே தெரிவித்துள்ளார்‌.</p>
<h2><strong>டிஎன்பிஎஸ்சி போட்டித் தேர்வுகள்</strong></h2>
<p>டிஎன்பிஎஸ்சி எனப்படும் தமிழ்நாடு அரசுப் பணியாளர் தேர்வாணையம், அரசின் பல்வேறு துறைகளில் காலியாக உள்ள பணியிடங்களை நிரப்பப் போட்டித் தேர்வுகளை நடத்தி வருகிறது. இந்தத் தேர்வுகள் மூலம் தகுதியான தேர்வர்கள் தேர்வு செய்யப்பட்டு, அரசுப் பணிகளில் நியமனம் செய்யப்படுகின்றனர். </p>
<p>அந்த வகையில், டிஎன்பிஎஸ்சி குரூப் 1, குரூப் 2, குரூப் 3, குரூப் 4 உள்ளிட்ட பல்வேறு நிலைகளில் தேர்வுகள் நடத்தப்பட்டு வருகின்றன. இதன்படி குரூப் 4 தேர்வுகள் ஜூன் 9ஆம் தேதி நடைபெற உள்ளன. குரூப் 2, 2ஏ தேர்வுகள் செப்டம்பர் 28ஆம் தேதியும் நடைபெற உள்ளன. </p>
<h2><strong>ஜூலை 13 குரூப் 1 தேர்வு</strong></h2>
<p><a title="டிஎன்பிஎஸ்சி" href="https://tamil.abplive.com/topic/tnpsc" data-type="interlinkingkeywords">டிஎன்பிஎஸ்சி</a> குரூப் 1 முதல்நிலைத் தேர்வு ஜூலை 13ஆம் தேதி நடைபெற உள்ளது. இந்தத் தேர்வுக்கு மார்ச் 28 முதல் ஏப்ரல் 27ஆம் தேதி வரை மாணவர்கள் விண்ணப்பித்தனர். குரூப் 1 தேர்வுக்கு 90 காலி இடங்கள் பணியிடங்களாக அறிவிக்கப்பட்டுள்ளன. </p>
<p>குரூப் 1 குறித்த முழுமையான அறிவிக்கையைக் காண <a href="https://www.tnpsc.gov.in/Document/english/04_2024_GRP1_ENG_.pdf" rel="nofollow">https://www.tnpsc.gov.in/Document/english/04_2024_GRP1_ENG_.pdf </a>என்ற இணைப்பை க்ளிக் செய்ய வேண்டியது அவசியம். </p>
<p>கூடுதல் தகவல்களுக்கு: <strong><a href="https://www.tnpsc.gov.in/" rel="nofollow">https://www.tnpsc.gov.in/</a></strong></p>
1 year ago
7 
