TNEA 2025: தொடங்கிய பொறியியல் கலந்தாய்வு; படிப்பு தேர்வு, கல்லூரி சேர்க்கை.. முக்கிய விவரம்!

<p>தமிழகத்தில் செயல்பட்டு வரும் அண்ணா பல்கலைக்கழகத்தின் கீழ் 460-க்கும் மேற்பட்ட பொறியியல் கல்லூரிகள் இயங்கி வருகின்றன. இதில் லட்சக்கணக்கான பொறியியல் படிப்புகளுக்கான இடங்கள் உள்ளன. இவற்றில் மாணவர்கள் சேர, 12ஆம் வகுப்புப் பொதுத்தேர்வு மதிப்பெண்கள் அடிப்படையில், கலந்தாய்வு நடைபெறுகிறது.</p> <h2><strong>பொதுப் பிரிவினருக்கான கலந்தாய்வு இன்று தொடக்கம்</strong></h2> <p>இதில் சிறப்புப் பிரிவினருக்கான கலந்தாய்வு கடந்த வாரம் தொடங்கி, நடைபெற்ற நிலையில் இன்று (ஜூலை 14) பொதுப் பிரிவினருக்கான கலந்தாய்வு தொடங்கி உள்ளது.</p> <p>200 முதல் 179 வரை கட் ஆஃப் மதிப்பெண்களைக் கொண்ட மாணவர்கள், குறிப்பாக தரவரிசையில் 1 முதல் 39,145 இடங்களைப் பிடித்தவர்கள், இந்த கலந்தாய்வில் கலந்துகொள்ளத் தகுதியானவர்கள் ஆவர்.</p> <h2><strong>யாரெல்லாம் கலந்துகொள்ளலாம்?</strong></h2> <p>இதே கலந்தாய்வுடன் 7.5 சதவீத அரசுப் பள்ளி மாணவர்களுக்கான சிறப்புக் கலந்தாய்வும் தொடங்கி நடைபெற உள்ளது. இதிலும் 200 முதல் 179 வரை கட் ஆஃப் மதிப்பெண்களைக் கொண்ட அரசுப்பள்ளி மாணவர்கள், குறிப்பாக தரவரிசையில் 1 முதல் 2,662 இடங்களைப் பிடித்தவர்கள் கலந்துகொள்ளலாம்.</p> <p>தொழிற்கல்வி மாணவர்களும் பொறியியல் படிப்புகளுக்கான கலந்தாய்வில் கலந்துகொள்ளத் தகுதியானவர்கள் ஆவர்.</p> <p><br /><img src="https://feeds.abplive.com/onecms/images/uploaded-images/2025/07/10/f8466f1400f8a7ede1cb8f8b1e634fd71752147406766215_original.jpg" width="720" /></p> <h2><strong>முக்கியத் தேதிகள் என்ன?</strong></h2> <p>மாணவர்கள் சாய்ஸ் ஃபில்லிங்கை இன்று (ஜூலை 14) காலை 10 மணி முதல் ஜூலை 16ஆம் தேதி மாலை 5 மணி வரை மேற்கொள்ளலாம்.</p> <p>இவர்களுக்குக் கல்லூரி தற்காலிக இட ஒதுக்கீடு ஜூலை 17ஆம் தேதி காலை 10 மணிக்கு வெளியிடப்படும். அப்போதில் இருந்து ஜூலை 18 மாலை 5 மணிக்கு உள்ளாக, கல்லூரியை மாணவர் இறுதி செய்ய வேண்டும். அதேபோல, கல்லூரியில் ஜூலை 19 காலை 10 மணி முதல் ஜூலை 23ஆம் தேதி மாலை 5 மணிக்குள் உரிய ஆவணங்களுடன் சேர வேண்டும் என்று பொறியியல் மாணவர் சேர்க்கை செயலர் புருஷோத்தமன் தெரிவித்துள்ளார்.</p> <h2><strong>கூடுதல் தகவல்களைப் பெற</strong></h2> <p>மாணாக்கர்களுக்கு எதேனும்&zwnj; விளக்கங்கள்&zwnj; தேவைப்படின்&zwnj; தமிழ்நாடு முழுவதும்&zwnj; 110 தமிழ்நாடு பொறியியல்&zwnj; மாணாக்கர்&zwnj; சேரக்கை சேவை மையங்கள்&zwnj; (TFC Centres) நிறுவப்பட்டுள்ளன. மாணவர்க அந்த சேவை மையங்களை தொடர்பு கொள்ளலாம்&zwnj; மற்றும்&zwnj; 1800 425 0110 என்ற கட்டணமில்லா தொலைபேசி எண்&zwnj; வாயிலாகவோ தொடர்பு கொண்டு தங்களது சந்தேகங்களை தெளிவுப்படுத்தி கொள்ளலாம்.</p> <p><strong>முழு விவரங்களுக்கு: <a title="https://www.tneaonline.org/" href="https://www.tneaonline.org/" target="_self">https://www.tneaonline.org/</a></strong></p> <p>&nbsp;</p>